tvati

უკანონო პატიმრობაში მყოფი ჟურნალისტი, მზია ამაღლობელი პრესის თავისუფლების დღეს მიმართვას ავრცელებს: „გილოცავთ კოლეგებს! კოლეგებს, რომლებიც ქართულ კრიტიკულ მედიას და საზოგადოებრივ ინტერესებს წარმოადგენთ. შთამაგონებელია თქვენი სოლიდარობა და დასანანია ახლა თქვენ გვერდით რომ არ ვარ. ახლა, როცა სრულიად დაუცველ გარემოში გიწევთ მუშაობა და თქვენს ყოველდღიურ თავგანწირვაზეა დამოკიდებული, ისმოდეს უსამართლობის და წინააღმდეგობის ხმა. ხმა, რომელსაც ძალადობით, შანტაჟით, მუქარით და ათასგვარი გამოგონილი სასჯელით ახშობს ოლიგარქის რეჟიმი. აქ, პატიმრობისას, განსაკუთრებით გამიძლიერდა გრძნობა, რომ ჩვენი პროფესია, ჟურნალისტიკა გაცილებით მეტია, ვიდრე ინფორმაციის მოძიება, დამუშავება და გავრცელება. ბოტების, ტროლების, პროპაგანდის და ოლიგარქების სამყაროში ჩვენ უნდა შევძლოთ გადარჩენა და იდეალებისთვის, უკეთესი ევროპული მომავლისთვის მუშაობა. მჯერა, სანამ ჯერ კიდევ იქნებიან და გამოჩნდებიან ადამიანები, რომლებიც გვეტყვიან მარტო არ ხართ, მანამდე შევძლებთ საკუთარი პროფესიის და ქვეყნის შენარჩუნების და განვითარებასაც. ამიტომაც, მოგმართავთ მოქალაქეებს, ითანამშრომლოთ მედიასთან და ჟურნალისტებთან, ერთად ამხილოთ ყველა ის პირი, ინტერესთა ჯგუფი, ვინც ნორმად აქცია კორუფცია, უსამართლობა და ძალადობა. ვინც გვძარცვავს, გვაღარიბებს და გვღალატობს. მოვუწოდებ ქართულ ბიზნესს, რომ აიღოს პასუხისმგებლობა საკუთარი კრიტიკული მედიის გადარჩენაზე. მივმართავ თანამედროვე ცივილიზებულ სამყაროს, ნუ მიგვატოვებთ რუსეთის და მათი ინტერესების გამტარ ავტორიტარულ რეჟიმთან პირისპირ მარტო. ნუ დაკარგავთ თავისუფლების ხმას საქართველოდან!” – ამბობს მზია ამაღლობელი. პუბლიკა

ჩვენი პარტია ემზადება ნებისმიერი არჩევნებისთვის, რომელიც დაინიშნება ქვეყანაში, რადგან არჩევნები გახლავთ დემოკრატიის ერთ-ერთი უმნიშვნელოვანესი ინსტრუმენტი, რათა ქვეყანაში ცვლილებები მშვიდობიანი გზით განხორციელდეს - ამას მოვუწოდებთ სხვა პარტიებსაც, - ამის შესახებ პარტია „გახარია საქართველოსთვის“ თბილისის საკრებულოს ფრაქციის თავმჯდომარემ, ტატა ხვედელიანმა ბრიფინგზე განაცხადა. მისი თქმით, ოპოზიციურ პარტიებს შორის არაერთ საკითხზე აზრთა სხვადასხვაობა არსებობს, თუმცა ორი საკითხის გარშემო ერთიანდებიან - პატიმრების გათავისუფლება და ქვეყნის ევროპული პერსპექტივის აღდგენა. „ჩვენი პოლიტიკური ძალა ყოველთვის აცხადებდა, რომ ოპოზიციურ ფლანგზე, გარდა იმისა, რომ არსებობს კოორდინაცია ორ საკითხზე, ესენია პატიმართა მდგომარეობა და მათი უპირობო გათავისუფლება და ხელახალი არჩევნების ჩანიშვნის გზით ევროპული მომავლის აღდგენა. ამის მიღმა, ოპოზიციურ ფლანგში არის ძალიან ბევრი ფასეულობითი განსხვავება, მათ შორის ჩვენი და სხვა პარტიების მიერ გადადგმულ ნაბიჯებთან დაკავშირებითაც. ჩვენ გვაქვს ჩვენი ხედვა, თუ როგორ უნდა წავართვათ ივანიშვილს ფული და ძალაუფლება. ჩვენ მივყვებით ჩვენს მკაფიო დღის წესრიგს და ვცდილობთ მივიდეთ საბოლოო გამარჯვებამდე. ჩვენ ყველაფერს გავაკეთებთ, რომ საქართველოს ევროპული მომავალი აღდგეს“, - განაცხადა ხვედელიანმა. ხვედელიანმა ასევე აღნიშნა, რომ პარტია „გახარია საქართველოსთვის“ და მისი ამომრჩევლისთვის „ნაციონალურ მოძრაობასთან“ კოალიციაზე საუბარი მათთვის წითელი ხაზის გადაკვეთას წარმოადგენს. „ჩვენ კოალიციურ ფორმატს არ განვიხილავთ და არ ვიქნებით მისი ნაწილი. ჩვენთვის ყოველთვის წითელი ხაზი იყო ნებისმიერ ფორმატში „ნაციონალურ მოძრაობასთან“ რაიმე სახის კოალიციაზე საუბარი. ეს არის წითელი ხაზი ჩვენი ამომრჩევლისთვისაც და მუდმივად გვაქვს კომუნიკაცია მათთან. პატიმრების გათავისუფლებასა და ჩვენი ევროპული მომავლის გამოცოცხლებასთან დაკავშირებით რა თქმა უნდა კოორდინაცია გვაქვს სხვა პარტიებთან“, - განაცხადა ხვედელიანმა. ipn

პარტია “გახარია - საქართველოსთვის” საჯარო სამსახურებიდან პოლიტიკური ნიშნით გათავისუფლების შესახებ სპეციალურ განცხადებას ავრცელებს. პარტია ამჯერად განათლების სისტემიდან გათავისუფლებულ თანამშრომლებზე ამახვილებს ყურადღებას და წერს, რომ ხელისუფლებამ აღნიშნული სექტორიდან პროფესიონალთა “წმენდა” სწორედ განსხვავებული პოლიტიკური შეხედულების გამო დაიწყო. "ოცნება" აგრძელებს მიზანმიმართულ დევნას განათლების სისტემაში, პარტიული ინტერესებიდან გამომდინარე. იუსტიციასთან, მერიასთან და სხვა უწყებებთან ერთად, ახლა უკვე განათლების სისტემაშიც მიმდინარეობს პროფესიონალთა „წმენდა" მხოლოდ იმიტომ, რომ მათ განსხვავებული სამოქალაქო პოზიცია და პოლიტიკური არჩევანი აქვთ. მას შემდეგ, რაც ირაკლი კობახიძემ საჯაროდ დაადასტურა ქვეყნის ევროპული ინტეგრაციის შეჩერების გეგმა, განათლების სისტემის ათასზე მეტმა თანამშრომელმა კონსტიტუციის 78-ე მუხლზე დაფუძნებულ პეტიციას მოაწერა ხელი, ქვეყნის ევროატლანტიკური კურსის შესანარჩუნებლად. მიუხედავად ამისა, განათლების სისტემა — რომელიც უნდა იყოს თავისუფლების, დემოკრატიის და ეროვნული ღირებულებების სივრცე — ექცევა რეჟიმის ხელში და მასობრივად ტარდება რეორგანიზაცია. კვალიფიციურ კადრებს პოლიტიკური ნიშნით ათავისუფლებენ, როგორც სკოლებში, ასევე სკოლამდელ დაწესებულებებსა და უმაღლეს სასწავლებლებში. დღეს, როცა განათლების ყველა საფეხური საჭიროებს რეალურ ავტონომიას და თავისუფალ გარემოს მომავალი თაობის ჩამოსაყალიბებლად, რეჟიმი, პირიქით — ანადგურებს ამ სისტემას. ჩვენი პოლიტიკური ძალა სრულ მხარდაჭერას უცხადებს განათლების სისტემის, მერიისა და სხვა საჯარო უწყებების პოლიტიკურად დევნილ თანამშრომლებს. ვთავაზობთ მათ სამართლებრივ და პრაქტიკულ თანადგომას სამართლიანობის აღდგენის გზაზე", - ნათქვამია პარტიის განცხადებაში. ipn

„კლუნის ფონდი სამართლიანობისთვის“ „ნეტგაზეთისა“ და „ბათუმელების“ დამფუძნებლის, მზია ამაღლობელის სასამართლო პროცესს დააკვირდება, - ინფორმაციას ფონდი სოციალურ ქსელში ავრცელებს. „ქართველი ჟურნალისტის, მზია ამაღლობელის სასამართლო პროცესი დღეს გრძელდება, სასამართლო გადაწყვეტს, დატოვოს თუ არა იგი წინასწარ პატიმრობაში. სასამართლო პროცესს TrialWatch-ი დააკვირდება“, - აღნიშნულია განცხადებაში. კლუნების ფონდი აღნიშნავს, რომ დღეს დილით „საქართველოს ახალგაზრდა იურისტთა ასოციაციამ“ მისი საქმე ადამიანის უფლებათა ევროპულ სასამართლოში შეიტანა, სადაც საუბარია უფლებების მრავალჯერად დარღვევაზე. „მსოფლიო აკვირდება“, - წერს კლუნების ფონდი. ცნობისთვის, „კლუნის ფონდი სამართლიანობისთვის“ თანადამფუძნებლები ჰოლივუდის მსახიობი ჯორჯ კლუნი და მისი ცოლი, უფლებადამცველი ამალ კლუნი არიან. ფონდი უფასო იურიდიულ დახმარებას უზრუნველყოფს სიტყვის თავისუფლებისა და ქალთა უფლებების დასაცავად 40-ზე მეტ ქვეყანაში. მიმდინარე წლის მარტში ფონდმა განაცხადა, რომ ინიციატივა TrialWatch-ი, რომელიც უფასო იურიდიული დახმარების გაწევას ახორციელებს სიტყვის თავისუფლების მხარდასაჭერად მთელ მსოფლიოში, დამოუკიდებელი ქართველი ჟურნალისტის, მზია ამაღლობელის სასამართლო პროცესის მონიტორინგს გეგმავს. იპნ

ივანიშვილს საქართველო და ქართველი ხალხი სჭირდება საყვლეფად - სოფო ხორგუანი, პარტია "გახარია საქართველოსთვის" წევრი, უფლებადამცველი

რომის პაპი ფრანცისკე სანტა მარია მაჯორეს ბაზილიკაში დაკრძალეს, - ინფორმაციას BBC-ი ავრცელებს. გამოცემის ცნობით, ინფორმაცია ვატიკანმა დაადასტურა. რომის პაპი სანტა მარია მაჯორეს ბაზილიკაში წმინდა პეტრეს მოედნიდან გადაასვენეს, სადაც მანამდე რამდენიმე საათიანი ცერემონია გაიმართა. იპნ

რისთვის გამოიყენა ივანიშვილმა ღარიბაშვილი და როგორ მოატყუა ამით საკუთარი ამომრჩეველი? ლევან გოგიჩაიშვილი, პარტია "გახარია საქართველოსთვის" წევრი. სრული ეთერის ლინკი: https://youtu.be/vFiVq0Js2w0

პრობლემები და მიღწეული შედეგები - საკმარისად ინფორმირებულნი არიან თუ არა იმედგაცრუებული მოქალაქეები და გეგმავს თუ არა პარტია „საქართველოსთვის“ თვითმმართველობის არჩევნებში მონაწილეობას. ინტერვიუ სოფიო ხორგუანთან „კვირის აქცენტში“: პარტიის ხედვა და სამომავლო გეგმები video: https://www.facebook.com/SophiaKhorguaniofficial/videos/2410656485966569

სიმართლე გითხრათ, ჩემი ზრდილობა არ მაძლევს საშუალებას იმ სიტყვებით შევაფასო საგამოძიებო კომისიაში მყოფი ადამიანები, როგორც სინამდვილეში ვფიქრობ. კომისიის ბოლო სამიზნე გიორგი გახარია და მისი პარტიაა. დაბარებაზე თითოეული ჩვენგანი ინდივიდუალურად მივიღებთ გადაწყვეტილებას,- ამის შესახებ „გახარია - საქართველოსთვის“ ერთ-ერთმა წევრმა სოფო ხორგუანმა, “პალიტრანიუსის“ გადაცემა “დღის ნიუსრუმში“ განაცხადა, რითაც „2003-2012 წლებში მოქმედი რეჟიმის, ამ რეჟიმის პოლიტიკური თანამდებობის პირებისა და პოლიტიკურ პარტიებში გაერთიანებული მოქმედი და ყოფილი თანამდებობის პირების 2003 წლიდან დღემდე” საქმიანობის შემსწავლელი საქართველოს პარლამენტის დროებით საგამოძიებო კომისიის სხდომაზე, გიორგი გახარიას დაბარებას გამოეხმაურა. მისი თქმით, პარლამენტში შექმნილი კომისია სრულად ფარსია, რომელსაც ქვეყნისთვისა და ხალხისთვის არანაირი სარგებლის მიღება არ შეუძლია. „ეს კომისია აბსოლუტურად ფარსი და მდარე ხარისხის სანახაობაა, რომლის შემოთავაზებაღა შეუძლია ე.წ. ხელისუფლებას. რა უნდა იყოს ამ კომისიის შედეგი და ექნება თუ არა ამ შედეგს ქვეყნისთვისა და ხალხისთვის სარგებელი? - არა! ეს კომისია „ერთიანი ნაციონალური მოძრაობის“ საქმიანობის შესწავლისთვის შეიქმნა და ამ კომისიის წევრები „ნაციონალური მოძრაობის“ ყოფილი წევრები არიან. საქმეებს, რომლებსაც ისინი იხილავენ, ამ საქმეების ფიგურანტები და მაშინდელი ძალადობრივი სისტემის ჭანჭიკები, დღესაც დაწინაურებული ჰყავს „ქართულ ოცნებას“. დღეს მიმდინარეობს, როინ შავაძის საქმის განხილვა და ის პოლიციელი რესან კონცელიძე, რომელიც ამ საქმეში მონაწილეობდა, მის ოჯახის წევრებზე ძალადობაშია მხილებული, რომ ოჯახს საქმის გამოძიება არ მოეთხოვა, აჭარის რეგიონიდან „ოცნების“ დეპუტატი იყო. სიმართლე გითხრათ, მე, რასაც მათზე [კომისიის წევრებზე] ვფიქრობ - ჩემი აღზრდა, ზრდილობა და ასაკი არ მაძლევს საშუალებას იმ სიტყვებით შევაფასო ის ადამიანები, როგორც სინამდვილეში ვფიქრობ. კომისიის ბოლო სამიზნე გიორგი გახარია და მისი პარტიაა. განსაკუთრებული მტრობა აქვთ ჩვენს მიმართ და განსაკუთრებულად გვერჩიან. „ქართული ოცნების“ ხელისუფლებაში მყარად ყოფნას, ვინც საფრთხე შეუქმნა პერსონალურად გიორგი გახარიაა. ასევე ჩვენ კომისიის შექმნის შემდეგ გავაკეთეთ განცხადებაც, სადაც ვთქვით, რომ თუ დაგვიბარებენ ჩვენ, თითოეული ჩვენგანი გადაწყვეტილებას ინდივიდუალურად მივიღებთ . სხვებმა თუ გადაწყვიტეს, რომ არ მისულიყვნენ - ეს მათი გადაწყვეტილებაა, ჩვენ ჩვენს გადაწყვეტილებას მივიღებთ“,- განაცხადა სოფო ხორგუანმა. იპნ

ახალციხის მუნიციპალიტეტში სტანდარტების შესაბამისი და ჯანმრთელობისათვის უსაფრთხო სასმელი წყლით მოსახლეობის უზრუნველყოფა სერიოზული პრობლემაა - დაბინძურებული წყალი საფრთხეს უქმნის იქ მცხოვრები ადამიანების სიცოცხლესა და ჯანმრთელობას,- ამის შესახებ „გახარია საქართველოსთვის“ პარტიის ერთ-ერთმა ლიდერმა სოფო ხორგუანმა განაცხადა. მისი თქმით, მიუხედავად იმისა, რომ ახალციხის მუნიციპალიტეტში პასუხისმგებელი თანამდებობის პირები უკვე კარგა ხანია, რაც პრობლემის კურსში არიან, აღნიშნული საკითხის მოგვარება ვერ ხერხდება, ამიტომ სოფო ხორგუანმა, გენერალურ პროკურორს, გიორგი გაბიტაშვილს განცხადებით მიმართა და მოხელეთა შესაძლო დანაშაულზე რეაგირება მოსთხოვა. განცხადებაში ხორგუანი აღნიშნავს, რომ ჯერ კიდევ სასწავლო წლის დაწყებამდე, სურსათის უვნებლობის სააგენტოს მონიტორინგის ანგარიშის შესაბამისად, გავრცელდა ინფორმაცია ახალციხის მუნიციპალიტეტში სასმელი წყლის ნაწლავური ჩხირებით დაბინძურებასთან დაკავშირებით. კერძოდ, მისი თქმით, ადამიანის ჯანმრთელობისთვის საშიში ნაწლავის ჩხირები, ბაქტერიული კოლონის წარმომქმნელი ერთეულები (საერთო კოლიფორმები) და მღვრიე წყალი - ეს დარღვევები ახალციხის მუნიციპალიტეტის მერიის ა(ა)იპ-ის „ახალციხის მუნიციპალიტეტის წყალმომარაგება და წყალარინება“ დაქვემდებარებაში მყოფ წყლის გამანაწილებელ ქსელებში გამოვლინდა. ხორგუანის განცხადებით, დარღვევები, ასევე გამოვლინდა საჯარო სკოლაში არსებულ ონკანებშიც. „ვინაიდან, საჯარო სკოლებში სწავლა მალევე იწყებოდა, წერილებით მივმართე ახალციხის მუნიციპალიტეტის მერს, საქართველოს განათლების, მეცნიერებისა და ახალგაზრდობის მინისტრს, მომხმარებელთა ინტერესების საზოგადოებრივ დამცველს და დაუყოვნებლივ რეაგირება მოვითხოვე, რათა სკოლაში ბავშვები წყალს არ მოეწამლა. პასუხად მაცნობეს, რომ პრობლემა აღმოფხვრილი იყო და წყალი შეესაბამებოდა დადგენილ სტანდარტებს. თუმცა, ბოლო დღეებში ახალციხეს ისევ დაბინძურებული წყალი მიეწოდება და მოსახლეობა ისევ იწამლება. საქართველოს ენერგეტიკისა და წყალმომარაგების მარეგულირებელ ეროვნულ კომისიას დაუყოვნებლივ ვაცნობე აღნიშნულის თაობაზე და ისევ დაიწყო წარმოება. თუმცა, ფაქტია, ერთი და იმავე პრობლემა რამდენიმე თვეში ერთხელ სისტემატურად მეორდება და დღემდე, პრობლემას არავითარი შედეგის მომცემი რეაგირება არ მოჰყოლია. ეს ყოველივე ცხადყოფს, რომ მოხელეთა მხრიდან ადგილი აქვს სამსახურებრივი მოვალეობის არაჯეროვან შესრულებას. ადამიანის ჯანმრთელობაზე ზრუნვა და მათთვის უსაფრთხო პირობების შექმნა - ადგილობრივი მუნიციპალიტეტის საჯარო მოხელეთა უმთავრესი მოვალეობაა. ამ მოვალეობისადმი დაუდევარი დამოკიდებულება საფრთხეს უქმნის მუნიციპალიტეტში მცხოვრები თითოეული ადამიანის ჯანმრთელობას. ამასთან, გასათვალისწინებელია ის ფაქტიც, რომ დარღვევების პერიოდში რაიმე დროებითი ღონისძიების გამოყენება, რომელიც თავის მხრივ, მოხელეთა მიერ პასუხისმგებლობის აღებას მიანიშნებდა და მოსახლეობისადმი მიმართულ საფრთხეს შეამცირებდა, არ მომხდარა. შესაბამისად, ცხადია, სახეზეა სამოხელეო დანაშაული - სამსახურებრივი გულგრილობის სახით. მოვუწოდებ გენერალურ პროკურორს, დროულად დაიწყოს გამოძიება, რათა გამოვლინდეს და შესაბამისი პასუხისმგებლობა დაეკისროს თითოეულ დამნაშავეს. გამოძიებამ იმოქმედოს დროულად, რათა თავიდან ავიცილოთ ამ დანაშაულით გამოწვეული მძიმე შედეგი - ადამიანთა სიცოცხლის ან ჯანმრთელობისათვის გამოუსწორებელი ზიანის მიყენების სახით”,- აცხადებს სოფო ხორგუანი. აღნიშნულ ინფორმაციას პარტიის პრესსამსახური ავრცელებს. იპნ

კათოლიკური ეკლესიის ლიდერი, პაპი ფრანცისკე, გარდაიცვალა. ინფორმაციას Reuters-ი ვატიკანის განცხადებაზე დაყრდნობით ავრცელებს. „ძვირფასო ძმებო და დებო, ღრმა მწუხარებით გაცნობებთ ჩვენი წმინდა მამის, ფრანცისკეს გარდაცვალების შესახებ“, - განაცხადა კარდინალმა კევინ ფარელმა მიმართვაში. პაპი ფრანცისკე 88 წლის იყო. ის კათოლიკურ ეკლესიას ათ წელზე მეტი ხნის განმავლობაში ხელმძღვანელობდა. ბოლო წლებში პაპს ჯანმრთელობის არაერთი პრობლემა ჰქონდა, რის გამოც მისი ჯანმრთელობა სულ უფრო და უფრო უარესდებოდა. მან ცოტა ხნის წინ ორმხრივი პნევმონიის მძიმე შეტევა გადაიტანა. იპნ წყარო: https://www.reuters.com/world/pope-francis-has-died-vatican-says-video-statement-2025-04-21/

გამოცხადებული ჰიბრიდული ომის ფარგლებში, „ოცნება” ცდილობს წინასწარ შეგვაგუოს ევროპაში თავისუფალი, უვიზო მიმოსვლის დაკარგვას, - ამის შესახებ „გახარია საქართველოსთვის“ ლიდერი, გიორგი გახარია სოციალურ ქსელში წერს, რითაც უვიზო რეჟიმის საკითხზე "ქართული ოცნების" წარმომადგენლების განცხადებებს ეხმაურება. მისივე თქმით, ევროპაში თავისუფალი უვიზო მიმოსვლის დასაცავად ბრძოლა გაგრძელდება. “გამოცხადებული ჰიბრიდული ომის ფარგლებში, “ოცნება” ცდილობს წინასწარ შეგვაგუოს ევროპაში თავისუფალი, უვიზო მიმოსვლის დაკარგვას და ამას აბრალებს ყველას, საკუთარი თავის გარდა. ჩვენ ყოველთვის ვიბრძოდით და ვიბრძოლებთ საქართველოს მიღწევის - ევროპაში თავისუფალი უვიზო მიმოსვლის დასაცავად”,- წერს გახარია. იპნ

ჩვენ ყოველთვის ვთვლიდით, რომ პრეზიდენტ ზურაბიშვილთან არსებული კოორდინაციის პლატფორმა მნიშვნელოვანი ფორმატია ჩვენი საერთო მიზნების მისაღწევად, - ამის შესახებ პარტია „გახარია საქართველოსთვის“ განცხადებაშია აღნიშნული. პარტიის განცხადებითვე, კონკრეტული მიზნების მისაღწევად, პირველივე დღიდან მონაწილეობენ კოორდინაციის ფორმატში და თანამშრომლობას ახლაც აგრძელებენ. „ჩვენ ყოველთვის ვთვლიდით, რომ პრეზიდენტ ზურაბიშვილთან არსებული კოორდინაციის პლატფორმა მნიშვნელოვანი ფორმატია ჩვენი საერთო მიზნების მისაღწევად. მათ შორის, პირველ რიგში, სინდისის პატიმრების გასათავისუფლებლად და ხელახალი საპარლამენტო არჩევნების დანიშვნის გზით, ქვეყნის ევროპული მომავლის აღსადგენად. ამ მიზნების მისაღწევად, პირველივე დღიდან ვმონაწილეობთ კოორდინაციის ფორმატში და ვაგრძელებთ თანამშრომლობას“, - ნათქვამია განცხადებაში. ინტერპრესნიუსი

“ქართული ოცნების“ პირობებში ერთადერთი სწორი ნაბიჯი და პოლიტიკა იყო ჩორჩანასა და პერევში საგუშაგოს ჩადგმა, რითაც ის დამატებითი ტერიტორიული პრეტენზიები, რომელიც ოკუპირებული ცხინვალის მარიონეტული რეჟიმის მხრიდან ხმამაღლა ისმოდა, შეჩერდა, დღეს კი ჩვენ ვხედავთ აგვისტოს ომის გამოძიებას კომისარი თეა წულუკიანის ე.წ. საგამოძიებო კომისიის მეშვეობით, რომელიც ქვეყანას ომის დაწყებას აბრალებს, გმირების ხსოვნას შეურაცხყოფს და ქვეყნის მშვიდობიან დაცვას დანაშაულად აფასებს, - ამის შესახებ პარტია „გახარია - საქართველოსთვის“ წევრმა, თეონა აქუბარდიამ განაცხადა. მისი შეფასებით, იმის მაგივრად, რომ „ქართული ოცნება“ კრემლის მხრიდან პარტნიორული ურთიერთობების აღდგენასთან დაკავშირებით გაკეთებულ განცხადებებს მკაცრად პასუხობდეს, „ტაშის კვრას იღებს კრემლის რეჟიმისგან - საქართველოსთვის ომის დაბრალებით“. „მინდა კიდევ ერთხელ ხაზი გავუსვა იმ მოღალატეობრივ ქმედებას, რომელსაც ივანიშვილის რეჟიმი, უკვე რამდენიმე დღეა თავის პროპაგანდისტული ტელეარხებით აწარმოებს, საკითხი ეხება ქმედებას, როდესაც გმირების თავდადებისა და თავგანწირვის გაუფასურებასთან ერთად, საკუთარი ქვეყნისა და ხალხის დაცვას დანაშაულად თვლის. საკითხი ეხება ჩორჩანასთან საგუშაგოს ჩადგმას. რასაც დღეს ჩვენ ვუყურებთ, სხვა არაფერია თუ არა გაგრძელება ივანიშვილის სამარცხვინო ცალმხრივი ბოდიშის კამპანიისა, ოკუპანტების მისამართით, საკუთარი სამშობლოსთვის ომის დაწყების დაბრალების და სხვა არაფერია, თუ არა მორიგი საჩუქრის მომზადება კრემლისათვის, საქართველოს სუვერენიტეტისა და ტერიტორიული მთლიანობის წინააღმდეგ. „ქართული ოცნების“ პირობებში ერთადერთი სწორი ნაბიჯი და პოლიტიკა იყო ჩორჩანასა და პერევში საგუშაგოს ჩადგმა, რითაც ის დამატებითი ტერიტორიული პრეტენზიები, რომელიც ოკუპირებული ცხინვალის მარიონეტული რეჟიმის მხრიდან ხმამაღლა ისმოდა შეჩერდა. ეს კი მდგომარეობდა კობი - გუდაურის - ყაზბეგის ნაწილის - თრუსოს ხეობის - ჩორჩანას ტყისა და მათ შორის 28 ტერიტორიულ ერთეულზე ბორდერიზაციის ნიშნები, რომლებიც, ასევე ევროკავშირის მონიტორინგის მისიამაც დააფიქსირა. ასევე კიდევ ერთი ინდიკატორი - მარიონეტული რეჟიმის მხრიდან წარმოდგენილი რუკები იყო. ეს პროცესი შეაჩერა საგუშაგოს ჩადგმამ, რითაც 1800 ჰექტარი ტყის მასივი იქნა დაცული, მაშინ, როდესაც ოკუპანტებს საოკუპაციო ხაზის გასწვრივ არაერთი საგუშაგო აქვთ ჩადგმული. 2023 წელს უკანონო ბორდერიზაციის 39 ფაქტია დაფიქსირებული და მაშინ, როდესაც ოკუპანტებმა სოფელ კირბალში თამაზ გინტური მოგვიკლეს, ივანიშვილის რეჟიმმა კონსტიტუციისა და კანონის მიუხედავად, რომლის მიხედვითაც ვალდებულია, რომ ქართველი ხალხი და მიწა-წყალი დაიცვას, უარი განაცხადა გინტურის მკვლელობის გამოძიებაზე, ან თუნდაც ტატუნაშვილი-ოთხოზორიას სიაში მის შეყვანაზე, რომელიც გიორგი გახარია პრემიერობის დროს იქნა მიღებული. ეს კი მნიშვნელოვანი საერთაშორისო ზომაა იმისათვის, რომ ტატუნაშვილი-ოთხოზორიას სიაში მყოფი პირების მკვლელთა სანქცირება მომხდარიყო. მაშინ, როდესაც 2016 წლიდან ჩორჩანაში მიმდინარეობდა მოქალაქეების დაკავება, გაფრთხილება, რომ ჩორჩანა ქართული მიწა-წყალი არ იყო, ასევე ამავე წელს მოხდა ტატუნაშვილის მკვლელობა და წამებით სიკვდილი, ეს ყველაფერი აჩვენებდა, რომ საჭირო იყო შესაბამისი ზომების გატარება, მშვიდობიანი მოსახლეობის დასაცავად. აქედან გამომდინარე, როდესაც ივანიშვილი რეჟიმი ამ ნაბიჯს დანაშაულად თვლის, ეს აჩვენებს იმას, რომ საქმე რაღაც მორიგი საჩუქრის გაკეთებასთან გვაქვს ოკუპანტებისთვის, ან იმას, რომ მათთვის სამშობლოს დაცვა დანაშაული ყოფილა, რაც კიდევ უფრო დიდი უბედურებაა. იმის ნაცვლად, რომ საქართველოს ხელისუფლება საუბრობდეს ოკუპირებულ სოხუმსა და რუსეთს შორის პირდაპირი ფრენების დანიშვნასთან დაკავშირებით, რომელიც არის საერთაშორისო პრინციპებისა და წესების დარღვევა და საერთაშორისო ორგანიზაცია ICAO-ს მიმართავდეს, რომ საქართველოს სუვერენიტეტი დაიცვას და პასუხს სცემდეს ოკუპანტი ქვეყნის განცხადებებს საქართველოში სამ სახელმწიფოსთან დაკავშირებით და მკაცრად პასუხობდეს დიპლომატიური ურთიერთობების აღდგენის შეთავაზებას, ტაშის კვრას იღებს კრემლის რეჟიმისგან - საქართველოსთვის ომის დაბრალების კუთხით. დღეს კი ჩვენ ვხედავთ აგვისტოს ომის გამოძიებას კომისარი თეა წულუკიანის ე.წ. საგამოძიებო კომისიის მეშვეობით, რომელიც ქვეყანას ომის დაწყებას აბრალებს, გმირების ხსოვნას შეურაცხყოფს და ქვეყნის მშვიდობიან დაცვას - დანაშაულად აფასებს, ეს ყველაფერი გულისხმობს საქართველოს სუვერენიტეტისა და ტერიტორიული მთლიანობის წინააღმდეგ ძალიან მწყობრად სვლასა და კიდევ ერთხელ აჩვენებს იმ მოღალატეობრივ ნაბიჯებს, რომელსაც ივანიშვილის რეჟიმის მხრიდან ადგილი აქვს“,- განაცხადა თეონა აქუბარდიამ. ინტერპრესნიუსი

„ქართული ოცნება“ გიორგი გახარიას ედავება, რომ შს მინისტრობის დროს თვითნებურად გახსნა საგუშაგო ჩორჩანაში, რამაც ადგილზე ვითარების დაძაბვა გამოიწვია. ქართული პოლიციის საგუშაგო სოფელ ჩორჩანასთან 2019 წლის აგვისტოში გაიხსნა, მანამდე, 5 თვის განმავლობაში, გაჰყავდათ საგუშაგომდე მიმავალი გზა, რომელიც ჩორჩანის ტყეზე გადის. იმავე კვირების განმავლობაში სამხრეთ ოსეთის დე ფაქტო ძალებმა განათავსეს ბორდერიზაციის სხვადასხვა ნიშნები — მწვანე ბანერები და დროშები — იმავე ტერიტორიაზე. 2019 წლის თებერვალში დაიწყო ოსურმა მხარემ ჩორჩანის ტყეში ხეების მონიშვნა. გიორგი გახარიამ წულუკიანის კომისიაზე თქვა, რომ ტყეში პატრულირებდა საოკუპაციო რეჟიმი, აკავებდნენ საქართველოს მოქალაქეებს და აპირებდნენ საოკუპაციო ხაზის გაფართოებას ახალგამოჩენილი, 1992 წლის ე.წ. რუკებით, რაც ჩორჩანის ტყის მასივის 1800 ჰექტრის მითვისებას გამოიწვევდა. თეა წულუკიანმა და კომისიის წევრებმა თქვეს, რომ საოკუპაციო ხაზის გადმოწევა მაინც მოხდა 110 ჰექტრით, ასევე ოსურმა მხარემ საპასუხოდ 5 საგუშაგო გახსნა. ამასთან, კომისიის წევრები გახარიას ედავებიან, რომ საგუშაგოს გახსნის გადაწყვეტილება არ იყო შეთანხმებული არც პრემიერთან და არც სახელმწიფო უსაფრთხოების სამსახურთან. „კიდევ კარგი, რომ ომის დაწყებას არ მაბრალებთ. ისეთი ტემპით მიდიხართ, რომ ომის დაწყებას დამაბრალებთ“, — განაცხადა გახარიამ. გახარიამ თქვა, რომ „ყველამ ყველაფერი იცოდა“ და გზა ინფრასტრუქტურის სამინისტროს გაჰყავდა. „ე.ი. თქვენ ამბობთ, რომ მე, გიორგი გახარია, როდესაც ვიყავი შს მინისტრი, ჩემით ფეხებზე ვიკიდებდი ქვეყნის პრემიერს, ყველას“, — განაცხადა გახარიამ. „და სახელმწიფო უსაფრთხოების სამსახურსაც… ამას გეუბნებით ზუსტად“, — უპასუხა წულუკიანმა. თეა წულუკიანმა ხაზი გაუსვა პროცედურას, რომლის მიხედვითაც ახალი საგუშაგოს გახსნის შესახებ სუსს ინფორმაცია უნდა მიეწოდებინა მხარეებისთვის, თუმცა ეს პროცედურა დაცული არ ყოფილა, რადგან გახარიას საქმის კურსში არ ჩაუყენებია სახელმწიფო უსაფრთხოების სამსახური. „და რუსები გაბრაზდნენ… და უკაცრავად, ოკუპანტებისთვის ბოდიშის მოხდა რომ გადავწყვიტეთ, ეს იყო შეთანხმებული ვინმესთან, მეილი არსებობს? “ — იკითხა გახარიამ. გახარიამ დაადასტურა, რომ სუსს ჰქონდა განსხვავებული აზრი, რადგან მისი პრეროგატივაა „ვინმე არ გავაბრაზოთ“, თუმცა საბოლოოდ შსს-ს პოზიცია უფრო წონადი აღმოჩნდა. შედეგად, გახარიას თქმით, საოკუპაციო ხაზის არგადმოწევის მიზანი მიღწეული იქნა. წულუკიანის ცნობით, პოლიციის საგუშაგო ჩორჩანასთან დღესაც შენარჩუნებულია, თუმცა მისი გახსნის „დაუფიქრებელმა ნაბიჯმა“ ქართული მხარისთვის საფრთხეები გაზარდა. ნეტგაზეტი