კატების შესახებ დედა კატა კნუტების გასაჩენად თბილ, უსაფრთხო ადგილს ეძებს, ახალდაბადებულ კნუტებს დედა სათითაოდ ლოკავს და ასუფთავებს. ახალშობილი კნუტები დედას ეხუტებიან. ასე თავს უფრო თბილად გრძნობენ. მათ თითქმის მთელი დღე სძინავთ. დედა კატას მუცელზე 6 ძუძუ აქვს. კნუტები ძუძუს წოვენ და დედის რძით იკვებებიან. ახალშობილებს ათი დღის შემდეგ ეხილებათ თვალი. ორი კვირის კნუტები უკვე სიარულს ცდილობენ. როცა კბილები ამოდით, კნუტები რძეს თავს ანებებენ. კნუტებს უყვართ თამაში. ამ დროს ისინი ბევრ რამეს სწავლობენ. კატა მხიარული ცხოველია. მას ძალიან უყვარს თამაში. ზოგი კნუტი ფოცხვერივით ველურად ცხოვრობს და ბევრს თამაშობს. ნამდვილ ბრძოლას და ნადირობას სწორედ თამაშის წყალობით სწავლობს. ადამიანთან კონტაქტი კნუტს რვა კვირის ასაკიდან მაინც უნდა ჰქონდეს, რათა მის გვერდით ცხოვრებას შეეჩვიოს. კნუტები დედის მიბაძვით სწავლობენ ადამიანთან მეგობრობას. რვა კვირის კნუტი უკვე მზადაა დამოუკიდებელი ცხოვრებისთვის. გარეულ კატას ეშინია ადამიანის. გარეული, ნახევრად ველური კატები პატარა ჯგუფებად ცხოვრობენ და საკვებს ნადირობით მოიპოვებენ. კატა 12-14 წელიწადს ცოცხლობს. თუმცა ერთმა კატამ ძალიან დიდხანს 38 წელი იცხოვრა. კატის ქცევებზე დაკვირვებით შეგიძლია მისი სურვილი და განწყობა გამოიცნო. თუ ფისო ზურგზე წევს, ეს ნიშნავს, რომ შენთან თავს უსაფრთხოდ გრძნობს. თუ კატა კუდს პრეხს, ნუ შეაწუხებ: ალბად გაბრაზებულია. თუ კარგ ხასიათზეა თვალებს ლულავს და კრუტუნებს. თუ გიყურებს და კნავის ესეიგი რაღაც უნდა. სიფრთხილის მოახლოვებისას კატა იფხორება. ორთაბრძოლის დაწყების წინ კატები დაჟინებით უყურებენ ერთმანეთს. კატას შეუძლია თავის თავზე 5-ჯერ მაღლა ახტეს. კატები თავიანთი პატრონის სახლში ავეჯს ფხაჭნიან იმის საჩვენებლად, რომ ის მათი სახლიცაა. ორთაბრძოლისას კატები ჩხავიან და კოტრიალობენ. კატებს ღამით სეირნობა უყვართ. ისინი სიბნელეში ადამიანებზე უკეთ ხედავენ. სინათლეში კატის გუგები ვიწროა. სიბნელეში გუგები ფართოვდება. ამიტომ კატა ღამითაც კარგად ხედავს. კატა ნახევარ სიცოცხლეს ძილში ატარებს. სითბოში მათ გაშოტილებს სძინავთ. სიგრილეში კი ძაფის გორგალივით სძინავთ. ერთად მცხოვრები კატები ერთმანეთს ლოკვით ასუფთავებენ. ზაფხულში ზოგი კატა ბეწვს იცვლის, სიცხემ ძალიან რომ არ შეაწუხოს. კატის მრავალი სახეობა არსებობს: სიამის კატა, მოკლეფეხება კატა, სფინქსის კატა, ნორვეგიული კატა, თურქული კატა, უკუდო კატა და ა.შ. კატების იმეტესობა შერეული ჯიშისაა.