ნადირობის სეზონი 6 სექტემბრიდან გაიხსნება საქართველოს ტერიტორიაზე ნადირობის სეზონი გადამფრენ მფრინველებზე 6 სექტემბერს დაიწყება. გარემოსა და ბუნებრივი რესურსების სამინისტროს საზოგადოებასთან ურთიერთობის სამსახურის ინფორმაციით, ნადირობის სეზონი საქართველოში 20 აგვისტოდან უნდა დაწყებულიყო, მაგრამ საომარი მდგომარეობის გამო 6 სექტემბრამდე გადაიდო. სეზონი გახსნილად არ ცხადდება იმ ტერიტორიებზე, სადაც საგანგებო მდგომარეობის რეჟიმია შენარჩუნებული, ფოთისა და ცხინვალის რეგიონის მიმდებარე ტერიტორიებზე. გადამფრენ ფრინველებზე ნადირობის მსურველნი, ვალდებულნი არიან 10 ლარიანი მოსაკრებელი ნებისმიერ ბანკში შეიტანონ. ბანკის კოდია 220 101 222. ანგარიშის ნომერია 200 122 900. და ქვითართან ერთად თან უნდა იქონიონ შინაგან საქმეთა სამინისტროს მიერ გაცემული სანადირო იარაღის ტარებისა და შენახვის უფლების დამადასტურებელი დოკუმენტი. ამასთანავე, მონადირეებმა უნდა გაითვალისწინონ სახეობებზე დაწესებულია ლიმიტი. ნანადირევი არ უნდა აჭარბებდეს: 20 მწყერს, 10 გარეულ მტრედს, 5 ჩიბუხას, 10 ჩვეულებრივ გვრიტს, 10 ქედანს, 7 ტყის ქათამს. ნადირობის წესების დამრღვევთ, სახე;ლმწიფოს მიმართ მიყენებული ზარალის შესაბამისად დაეკისრებათ ადმინისტრაციული ჯარიმები, ან მათ წინააღმდეგ სისხლის სამართლის საქმე აღიძრება.