REZONANSI ჩვენთან „ომიკრონს“ აგდებულად უყურებენ, ეს არის უდიდესი შეცდომა – ერთადერთი გამოსავალი ვაქცინაციაა – ცერცვაძე

[planeta.ge]

დიდი და ყველაზე სერიოზული შეცდომაა იმის მოლოდინი, რომ „ომიკრონი“ ჩვეულებრივი გრიპი და გაციებაა, ამიტომ მას პრაქტიკულად არაფერი არ სჭირდება და შესაბამისად, არც ვაქცინაცია არ არის საჭირო, რადგან თუ დაგვემართება, იოლად გადავიტანთ, – ამის შესახებ თბილისის ინფექციური საავადმყოფოს დირექტორმა, თენგიზ ცერცვაძემ „ქრონიკასთან“ განაცხადა. „ომიკრონი“ შედარებით სუსტია, ვიდრე „დელტა“ შტამი, მაგრამ არც ისე მსუბუქი. ჩვენთან რომ „ომიკრონს“ აგდებულად უყურებენ, ეს არის უდიდესი შეცდომა. ერთადერთი გამოსავალი ვაქცინაციაა. ყოოველდღიურად ვისმენ ინფორმაციას, რომ ვაქცინირებულია 2000 ადამიანი ან თუნდაც 6000 – ეს არაფერია“, – განაცხადა ცერცვაძემ.

 

REZONANSI