„დელტა“ და „ომიკრონ“ ვარიანების კომბინაცია covid-19-ის შემთხვევების ცუნამს იწვევს

[planeta.ge]

ჯანდაცვის მსოფლიო ორგანიზაციის განცხადებით, კორონავირუსის „დელტა“ და „ომიკრონ“ ვარიანების კომბინაცია covid-19-ის შემთხვევების საშიშ ცუნამს იწვევს.

ჯანმოს ხელმძღვანელმა, ტედროს გებრეისუსმა ამის შესახებ მას შემდეგ თქვა, რაც აშშ-სა და ევროპის ქვეყნებში ყოველდღიური შემთხვევების რეკორდული მაჩვენებელი ფიქსირდება.

დოქტორმა ენტონი ფაუჩიმ „სიენენს“ განუცხადა, რომ ამერიკის შეერთებულ შტატებში „ომიკრონით“ ინფიცირების პიკი, სავარაუდოდ, იანვრის ბოლოს იქნება.

სააგენტო „როიტერსის“ ინფორმაციით, მთელ მსოფლიოში ყოველდღიურად დაახლოებით კორონავირუსის 900 000 ახალი შემთხვევა ფიქსირდება.

ცნობისთვის, საფრანგეთში ზედიზედ მეორე დღეა ახალი შემთხვევების რეკორდული რაოდენობა – 208 000 დასტურდება. ამერიკაში, გასული კვირის განმავლობაში, ყოველდღიური ინფიცირების საშუალო რაოდენობამ 265 427 შეადგინა. გარდა ამისა, დანიამ, პორტუგალიამ, დიდმა ბრიტანეთმა და ავსტრალიამ ასევე რეკორდული მაჩვენებლები დააფიქსირეს.

The post WHO – „დელტა“ და „ომიკრონ“ ვარიანების კომბინაცია covid-19-ის შემთხვევების ცუნამს იწვევს appeared first on სანდო, ობიექტური და დროული ინფორმაცია.

 

dailyinfo