Dailyinfo ახვლედიანი თურნავას – რატომ არის სახელმწიფო მიწები მიტაცებული

[planeta.ge]

„თქვენ მე ვერ გამეცით პასუხი კითხვაზე, რატომაა, რომ სახელმწიფო ქონება, რომელიც თქვენს სამინისტროს აქვს მართვაში, არის მიტაცებული”, – ასე მიმართა ოპოზიციონერმა დეპუტატმა, არმაზ ახვლედიანმა ნათია თურნავას.

ახვლედიანი მოითხოვს, რომ მინისტრმა გასცეს პასუხი კითხვას, რატომ არის მიტაცებული ბახმაროსა და გომის მთაზე მიწები და სახელმწიფო რატომ ვერ აკონტროლებს პროცესს.

„მე ვერ გამეცით პასუხი კითხვაზე, რატომაა, რომ სახელმწიფო ქონება, რომელიც თქვენს სამინისტროს აქვს მართვაში, ბახმაროსა და გომის მთაზე არის მიტაცებული. თქვენ გაქვთ პასუხი ამ კითხვაზე? ეს სახელმწიფოა თუ ბაბუამ დატოვა შთამომავლობით, შეგიძლიათ ამიხსნათ? გომის მთაზე და ბახმაროზე რაც ხდება ეს არის სისხლის სამართლის დანაშაული და ეს არის თქვენი უწყების დანაშაული და თქვენი როგორც მინისტრის“, – განაცხადა ახვლედიანმა.

შეგახსენებთ, რომ ეკონომიკისა და მდგრადი განვითარების მინისტრს, ნათია თურნავას პარლამენტში „მინისტრის საათის“ ფორმატში უსმენენ.

The post ახვლედიანი თურნავას – რატომ არის სახელმწიფო მიწები მიტაცებული appeared first on სანდო, ობიექტური და დროული ინფორმაცია.

 

dailyinfo