Dailyinfo გამყრელიძე – ვაქცინაციის მესამე დოზა აუცილებელია, ვფიქრობთ მეოთხე დოზაზეც

[planeta.ge]

დაავადებათა კონტროლის ეროვნული ცენტრის დირექტორის ამირან გამყრელიძის განცხადებით, ვაქცინაციის მესამე დოზა – ბუსტერი აუცილებელია.

მან ასევე აღნიშნა, რომ ბუსტერ დოზების მიღების შემდეგ მსჯელობა დაიწყება მეოთხე დოზაზე.

„პირველი მტკიცებულებები „ფაიზერმა“ დადო, რომ სამჯერ აცრილ ადამიანებში გამომუშავებულ ანტისხეულებს აქვთ კორონავირუსის გაცილებით მეტი განეიტრალიზების თვისება და განსაკუთრებით, „ომიკრონის“ შტამის მიმართ, რაც ადასტურებს, რომ „ფაიზერს“ აქვს დამცველობითი უნარი.

ამიტომაც მეტია მოწოდებები, რომ ფართოდ გამოვიყენოთ ბუსტერი. ბევრმა ქვეყანამ ბუსტერი სავალდებულოდ შემოიღო.

ასევე, შეამცირა პერიოდი მეორე დოზასა და ბუსტერს შორის, რაც ასევე გავაკეთეთ ჩვენც.

არასრული ერთი თვის განმავლობაში 32 000-მდე ადამიანი აიცრა ბუსტერით. 85%-ში გამოიყენება „ფაიზერი“, დანარჩენია „სინოფარმი“ და „სინოვაკი“.

უნდა გავითავისოთ, რომ მესამე დოზა აუცილებელი იქნება და შემდგომ დაკვირვებისას არ არის გამორიცხული მეოთხე დოზის გამოყენებაც.

ისრაელმა უკვე დაიწყო ამაზე ფიქრი და გამოყენებაც“, – განაცხადა ამირან გამყრელიძემ.

The post გამყრელიძე – ვაქცინაციის მესამე დოზა აუცილებელია, ვფიქრობთ მეოთხე დოზაზეც appeared first on სანდო, ობიექტური და დროული ინფორმაცია.

 

dailyinfo