ბუტა რობაქიძესთან დაკავშირებული ვიდეო კადრები, მონტაჟია

[Metalhead]

ბუტა რობაქიძის მკვლელობასთან დაკავშირებული ვიდეომასალა, რომელიც რამდენიმე დღის წინ გავრცელდა, აშკარა მონტაჟია. ამის შესახებ განცხადება დამოუკიდებელი სასამართლო ექსპერტიზის ცენტრის აუდიო და ვიდეო ჩანაწერების ექსპერტ ფონოსკოპისტმა, მარიკა ტოკლიკიშვილმა დღეს გამართულ პრესკონფერენციაზე გააკეთა.

ექსპერტის განცხადებით, ერთი შეხედვითაც კი ჩანს რამდენიმე მნიშვნელოვანი ცდომილება, რაც მიანიშნებს, რომ მასალა უწყვეტი არ არის. კერძოდ, მისი თქმით, პირველი უზუსტობა იკვეთება იმ მომენტში, როცა ისმის გასროლის ხმა. ექსპერტის შეფასებით, ამ დროს იარაღი აღმართულია მაღლა და შეუძლებელია, ასეთი ტრაექტორიით გასროლილი ტყვია ვინმეს მოხვედროდა. მისი თქმით, ამ მომენტში ხმა და კადრი ერთმანეთს არ ემთხვევა. ტოკლიკიშვილის განმარტებით, მონტაჟი ვლინდება მასალის მე-11 წამზეც - ამ დროს კადრი გაჭრილია და მისი ცვლილება ხდება.

ამასთან, როგორც მარიკა ტოკლიკიშვილმა განაცხადა, მასალას გასდევს სპეციალურად დადებული ფონური ხმაური.

გარდა კადრების ტექნიკური ანალიზისა, დღევანდელ ბრიფინგზე დამოუკიდებელი სასამართლო ექსპერტიზის ცენტრის ექსპერტებმა მასალა ფსიქოლოგიური კუთხითაც შეაფასეს. მათი განცხადებით, პოლიციელების ქცევა არაადეკვატურია, აშკარაა, რომ მათი რეაქციები არ ჰგავს რეალურად აფექტში მყოფი ადამიანის ქცევას. ექსპერტების შეფასებით, პოლიციელებს არ აქვთ ადეკვატური რეაქცია გასროლის მომენტში და გარდა ამისა, მათ გამოთქმებში და ქცევაში იკვეთება, რომ "კამერაზე მუშაობენ".

http://www.interpressnews.ge/ge/samartali/...-montazhia.html

[fashisti]

ამერიკაში ხო აგზავნიან ამ მასალას? ხოდა ჯობია ამერიკელი ექსპერტების პასუხს დავეყრდნოთ

[Giorgi Kiskeidze]

რა სირცხვილია

[mama]

მონტაჯია!!! კარგად დააკვირდით და ბევრ შეცდომას ნახავთ

[მართვის თეორია]

რად უნდა დაკვირვება და ექსპერტიზა?!

ბუტა რობაქიძის საქმის გამომძიებელმა ნივთმტკიცება - იარაღი მეგობარს აჩუქა

 

ბუტა რობაქიძის საქმის მთავრმა გამომძიებელმა შალვა ნიქაბაძემ, საქმის ერთ-ერთი უმთავრესი მტკიცებულება - იარაღი, მეგობარს აჩუქა. ეს განცხადება შინაგან საქმეთა სამინისტროს პრესსამსახურის ყოფილმა უფროსმა გურამ დონაძემ დღეს "პირველი რადიოს" რადიო-პრესკლუბში გააკეთა.

დონაძის მტკიცებით, იარაღი, რომელიც ნივთმტკიცების სახით შემთხვევის ადგილზე იქნა ამოღებული, ვინმე გიორგი და ქეთევან კაშიას კუთვნილებაა და ის საქმის მთავარმა გამომძიებელმა მიქაბაძემ, მომხდარიდან რამდენიმე წლის შემდეგ საკუთარ მეგობრას, ნუგზარ გვაზავას აჩუქა. დონაძის განმარტებით, საქმეში არსებული მასალების მიხედვით, კაშიების ოჯახიდან იარაღი ბინის ქურდობის შემდეგ დაკარგეს.

 

"მოხდა ბინაში ქურდობა დაახლოებით 2000 წელს. გაიქურდა კაშიების ბინა. ერთ-ერთი პისოლეტი ჩნდება რობაქიძის საქმეში. გამოძების შედეგად დადგინდა, რომ ეს იარაღი ეკუთვნოდათ კაშიებს. როდესაც მათ დაკითხეს ოფიციალური მფლობელები, უთხრეს, რომ ამ იარაღს საქმის ინტერესებიდან გამომდინარე, ვერ დაუბრუნებდნენ. ამ საქმიდან 3-4 წლის შემდეგ ეს ნივთმტკიცება ნიქაბაძემ ყვარელში სტუმრობისას საკუთარ მეგობარს, ვინმე ნუგზარ გვაზავას აჩუქა. რამდენიმე წლის შემდეგ კი, დაიბარეს იარაღის კანონიერი მფლობელები და მათ აიძულეს გადაეფორმებინათ კუთვნილი პისტოლეტი გვაზავს სახელზე", - განაცხადა გურამ დონაძემ.