წინასაარჩევნო "სპეცოპერაცია" მესტიაში

[kisa]

წინასაარჩევნო "სპეცოპერაცია" მესტიაში

 

სიახლე — თავფურცელი

14:59 05.05.2010

ვერსია პრინტერისთვის •

დაამატე რჩეულებში •

[თავისუფალი სიტყვა]

სამეგრელო-ზემო სვანეთის გუბერნატორი ზაზა გოროზია, მისი მოადგილე ერეკლე ჯაფარიძე, სამხარეო პოლიციის უფროსი თენგიზ გუნავა, მესტიის მაჟორიტარი კახა კვიციანი, შინაგან საქმეთა მაღალჩინოსანი ანზორ მარგიანი და სამხარეო საფინანსო პოლიციის უფროსი გიორგი შედანია, პოლიციის შეიარაღებულ თანმშრომლებთან ერთად, მესტიის გამგეობას სტუმრობდნენ. გამგეობაში ძალის გამოყენებით მოიყვანეს პარტია თავისუფლების მაჟორიტარი კანდიდატები: ვახტანგ და ლერი ნაკანები. ლერი ნაკანს ზეწოლის ქვეშ ხელი სპეციალურად გამზადებულ განცხადებაზე მოაწერინეს, რომლის თანახმადაც, ნაკანი უარს ამბობს კანდიდატობაზე, ხოლო ვახტანგ ნაკანისგან ხელმოწერის მიღება ვერ მოასწრეს, რადგან ამ დროს, კაბინეტში შესულმა ადგილობრივი ოპოზიციის წარმომადგენლებმა მისი გამოყვანა შეძლეს.

ნაკანებს კანდიდატურის მოხსნას, სიის წარდგენის დღიდან სთხოვდნენ. ლერი ნაკანი ცნობილი მოკრივეა და მესტიის ამომრჩეველში ავტორიტეტით სარგებლობს. მუქარები მანამდეც იყო, მაგრამ წუხელ სახლში მომივარდნენ, წამიყვანეს გამგეობაში და განცხადება დამაწერინეს. ჩემს შვილს შარშან დაძაბული ურთიერთობა ჰქონდა პოლიციასთან და დამემუქრნენ, ხელს თუ არ მოაწერ შენს შვილს დავიჭერთო. შემეშინდა და ხელი მოვაწერე. ეს ხელმოწერა ძალით განხორციელდა და მის ბათილად ცნობას მოვითხოვ, - განაცხადა ლერი ნაკანმა. პარტია თავისუფლების სიის მეორე ნომერი, ვახტანგ ნაკანი ამ დროს საფინანსო პოლიციის უფროსს, გიორგი შედანიას ჰყავდა კაბინეტში შეყვანილი და ბიზნესის ჩაძირვით ემუქრებოდა, მაგრამ ამ დროს კაბინეტში ადგილობრივმა ოპოზიციამ შეძლო შეღწევა და მისი კაბინეტიდან გამოყვანა მოახერხა.

 

როგორც ალიანსი საქართველოსთვის მესტიის ორგანიზაციის ხელმძღვანელი და სიის პირველი ნომერი, ნელი ნავერიანი ჩვენთან საუბარში ამბობს, მესტიაში პოლიტიკური ტერორი კანდიდატების წარდგენის დღიდან დაიწყო: _ წუხელ, სახლში იარაღით მიუვარდა, ვანო მერაბიშვილის მარჯვენა ხელი, ანზორ მარგიანი პარტია თავისუფლების მაჟორიტარს, ლაშა პირველს და მუქარით განცხადებაზე ხელს აწერინებდნენ, ატყუებდნენ _ თქვენი პირველი ნომერი გადადგა და შენც ხელი უნდა მოაწერო, თუ არ მოაწერ, აქ ვერ იცხოვრებ, სულს ამოგაძრობთო. ერთმანეთში, რომ არ დაგვერეკა, მესტიაში რამდენიმე დღეა შუქი გამორთულია, ტელეფონები დამჯდარი გვაქვს. წუხანდელი ღამე მეორედ მოსვლა გვეგონა: პიკაპებით და ჯიპებით ამოგვივარდნენ, უკან იარაღასხმული პოლიციელები მოყვებოდნენ, დახლოებით 40-მდე ავტომანქანა. არ ვიცით, რა მდგომარეობაა სოფლებში წარდგენილ კანდიდატებთან, ვიცით, რომ მათთანაც იყვნენ გასული, მაგრამ ტელეფონები დამჯდარია და ვერ ვურეკავთ.Gგოროზიამ და მარგიანმა აქ წუხელ სპეცოპერაცია ჩაატარა.

 

წუხანდელი მოვლენების ვიდეოფირზე დაფიქსირება სცადა მე-10 კლასელმა მარი ნაკანმა, რომელიც პოლიციამ შეამჩნია და ძალის გამოყენებით მას ვიდეოკამერა წაართვა. კამერის წართმევის დროს, მარი ნაკანს, მეგობარი არასრულწლოვანი ჯემალ ჯაფარიძე გამოესარჩლა, რის შემდეგაც ჯაფარიძე პოლიციელებმა დააკავეს და მანქანით გაურკვეველი მიმართულებით წაიყვანეს: _ ბიჭი დაიჭირეს და მანქანაში ჩატენეს. წუხელ მთელი ღამე არ გამოჩენილა, ამ დილით მშობლებისთვის ფარული ნომრიდან დაურეკავს, კარგად ვარო. ახლა მშობლები დაწყნარდნენ. ვფიქრობ, უკვე გამოშვებული იქნება. ჯემალის მშობლები კონტაქტზე არ გამოდიან, ალბათ, დააშინეს, _ ამბობს “ალიანსის” მესტიის ლიდერი, ნელი ნავერიანი.

 

წუხანდელი სპეცოპერაციის დროს, ლერი ნაკანის გარდა, პარტია “თავისუფლების” კანდიდატებს: მირზა დადვანსა და ივანე გულბანს, სოფელ ცხუმარის ოპოზიციონერ კანდიდატებს: ნუგზარ არღვლიანსა და ვლადიმერ სარღვლიანს მოაწერინეს განცხადებებზე ხელი კანდიდატურის მოხსნაზე.

 

მესტიაში დღეს დილიდან არ გამოჩენილა საოლქო საარჩევნო კომისიის მდივანი, ნათია გიგანი, რომელსაც ადგილობრივთა განცხადებით, გუშინ მესტიის გამგებელმა გოჩა ჭელიძემ ტელეფონით დაურეკა და დაემუქრა: _ “თუ მე გამგებელად არჩეული კვლავ არ ვიქნები და გონს თუ არ მოეგები, მესტიას ისე არ დავტოვებ, რომ არ გაგამწაროო”. გოჩა ჭელიძე აღნიშნულ ფაქტს უარყოფს: -მსგავსი არაფერი ყოფილა-ნათია გიგანს არ დავმუქრებივარ, სრული სიცრუეა, ის ჩემი ახლობელია. გუბერნატორი წუხელ ჩამოსული იყო, მაგრამ ჩვენ კონკრეტული პროექტების დასაგეგმად ვმუშაობდით. მოგეხსენებათ სვანეთში ახალი სათხილამურო ტრასა უნდა გაკეთდეს და ამ საკითხებზე ვმსჯელობდით.’’

 

მესტიის საოლქო-საარჩევნო კომისიის წევრის, ლეიბორისტ ალექსანდრე ხერგიანის განცხადებით, ნათია გიგანს გამგებელი დღესაც ემუქრება და წუხელ ხელმოწერილი განცხადებების გატარებას თხოვს: -“გიგანი ამ დრომდე საოლქოში არ გამოჩენილა. ამაღამ რა გველის არ ვიცით. შუქს ისევ არ გვაძლევენ, გვეშინია წუხანდელი ღამე არ განმეორდეს. სრულიად დაუცველები ვართ. ამ დროისათვის ისევ მესტიაში იმყოფება გუბერნატორი გოროზია, რომელსაც ტელეფონით დავუკავშირდით. მას წუხელ მესტიაში ყოფნის ფაქტი არ უარყვია, მაგრამ მომხდარი უარყო: - მესტიაში ხშირად ჩამოვდივარ და ეს გასაკვირი არ არის, ახლაც განაშენიანების პროექტისთვის ვარ ჩამოსული, წუხელ ამ პროექტის დეტალებს ვადგენდით. ოპოზიცია რაღაცას გაიძახის, მაგრამ ეს სიმართლეს მოკლებულია, - განაცხადა მან სატელეფონო საუბრისას.

 

http://www.presa.ge/index.php?text=news&i=10684

 

ეს რას გავს ?

[Anima Libera]

ეს რას გავს ?

ოპოზიცია რაღაცას გაიძახის, მაგრამ ეს სიმართლეს მოკლებულია

[DonCaredo]

შუქს ისევ არ გვაძლევენ, გვეშინია წუხანდელი ღამე არ განმეორდეს. სრულიად დაუცველები ვართ

სულ ეგრე იქნებით ჩმორებივით, სანამ არჩევნებით აპირებთ რამის გაკეთებას. უიარაღოთ არავინ არსად წასვლას არ აპირებს, შეიგნეთ რა

[kisa]

asesino_141

ოპოზიცია რაღაცას გაიძახის, მაგრამ ეს სიმართლეს მოკლებულია

ანუ ტყუილია?

ამის თქმა გინდა?

[Anima Libera]

kisa

ოოო შენივე პოსტიდან დავაციტატე

[kisa]

asesino_141

ხვალ დავრეკავ ჩემ სვანებთან და გადავამოწმებ

[Anima Libera]

kisa

გავიხუმრე ვააა...

[kisa]

სამეგრელო-ზემო სვანეთის გუბერნატორი ზაზა გოროზია,

ისე სადაც დონეცკში ჩავიდე ეს გოროზია - თავბოროზია იქ მესტიაშიც ავარდებოდა - სულაც არ მიკვირს

asesino_141

ხო, მივხვდი

[asds]

ვერ ამჩნევთ? საქართველო კიდევ ერთხელ გაბრწყინდა http://s2.rimg.info/5e85e0c1fef2746feb6c1041509346dc.gif

[kisa]

asds

ვერ ამჩნევთ? საქართველო კიდევ ერთხელ გაბრწყინდა

გიხაროდენ!

[Grig]

სვანები რომ ასე მიაჩმორეს, სხვას რას უზამენ თბილისს გარეთ, წარმომიდგენია

[kisa]

Grig

სვანები რომ ასე მიაჩმორეს, სხვას რას უზამენ თბილისს გარეთ, წარმომიდგენია

სვანები დიდი ხანია მიჩმორებულები ყავთ, საკუთარი თვალით ვანხე ამ შემოდგომაზე

პოლიციაში მხოლოდ მეგრელები არიან და დათარეშობენ როგორც უნდათ - მაგრად გამიკვირდა

[Lo Janko]

kisa

ისე სადაც დონეცკში ჩავიდე ეს გოროზია - თავბოროზია იქ მესტიაშიც ავარდებოდა - სულაც არ მიკვირს

მიუხედავად ამისა განსხვავება ძალიან დიდია.

ილიას ბედნიერი ერი არ გახსენდებათ?

 

ჩვენისთანა ბედნიერი

განა არის სადმე ერი?

მძიმე ყალნით,

ლამაზ ფალნით

მორთული და მშვენიერი;

უწყინარი,

უჩივარი,

ქედდრეკილი, მადლიერი;

უშფოთველი,

ქვემძრომელი,

რიგიანი, წესიერი;

ყოვლად მთმენი,

ვით ჯორ-ცხენი,

ნახედნი და ღონიერი.

 

ჩვენისთანა ბედნიერი

განა არის სადმე ერი?!

ყველა უნჯი,

ყველა მუნჯი,

გულჩვილი და ლმობიერი;

თვალაბმული,

თავაკრული,

პირს ლაგამი ზომიერი;

ყველა ყრუი,

ყველა ცრუი,

ჭკვადამჯდარი, გულხმიერი;

მცირე, დიდი -

ყველა ფლიდი,

ცუღლუტი და მანკიერი.

 

ჩვენისთანა ბედნიერი

განა არის სადმე ერი?!

მტვერწაყრილი,

თავდახრილი,

ყოვლად უქმი, უდიერი;

უზღუდონი,

გზამრუდონი,

არგამტანი და ცბიერი;

მტრის არმცნობი,

მოყვრის მგმობი,

გარეთ მხდალი, შინ ძლიერი;

არრის მქონე,

არრის მცოდნე,

უზრუნველი და მშიერი.

 

ჩვენისთანა ბედნიერი

კიდევ არის სადმე ერი?

[kisa]

Lo Janko

[lasha1997]

kisa

ეს რას გავს ?

 

 

საქართველოს.