ლ ი ც ი Posted October 22, 2009 Author დარეპორტება გაზიარება Posted October 22, 2009 თეა თუთბერიძე მიმართვას ავრცელებს თეა თუთბერიძე ბოლო დროს განვითარებულ მოვლენებთან დაკავშირებით მიმართვას ავრცელებს.როგორც მიმართვაშია ნათქვამი, ფეისბუქის გვერდზე მის საქმიანობას არანაირი კავშირი არა აქვს არც ერთ ინსტიტუტთან, უნივერსიტეტთან და მეტადრე ხელისუფლებასთან, რომელთანაც, თუთბერიძის მტკიცებით, არანაირი ფორმალური, ორგანიზაციული და წარმომადგენლობითი ურთირთობა არ აქვს.~ჩემს მიერ გამოქვეყნებული მასალები ან საჯაროდ გაკეთებული კომენტარები მეკუთვნის მხოლოდ და მხოლოდ მე, როგორც კერძო პირს. მეორე, საჭიროდ მიმაჩნია განვმარტო, რომ ჩემს მიერ გარკვეული მასალების გამოქვეყნება ზოგიერთის მიერ არასწორად იქნა გაგებული როგორც ჩემი მხრიდან ამ მასალების მოწონება და მხარდაჭერა, რომ არაფერი ვთქვათ დამზადებაზე. ბევრ რამეს, რასაც ჩემს გვერდზე ვაქვეყნებ, არ ვიზიარებ. რაღაცეებს ვაქვეყნებ არა იმიტომ, რომ მომწონს და მისაღებად მიმაჩნია, არამედ იმიტომ, რომ ვთვლი, რომ აქტუალური და საინტერესოა~,-ნათქვამია მიმართვაში.აქვე აღნიშნულია, რომ მისი მიზანი და სურვილი არ ყოფილა ვინმეს პირადი ან რელიგიური გრძნობების შეურაცხყოფა. ~ვწუხვარ, რომ ჩემს მიერ კიბერ სივრცეში გამოტანილი მასალები, საჯარო კომენტარები საზოგადოების მნიშვნელოვანმა ნაწილმა შეურაცხყოფად მიიღო. მიუხედავად ამისა, ვრჩები ჩემს პოზიციაზე და მიმაჩნია, რომ ნებისმიერ მოქალაქეს, კანონით დაშვებულ ფარგლებში, აქვს უფლება გამოხატოს საკუთარი აზრი ისევე, როგორც ნებისმიერ მოქალაქეს, მოქალაქეთა ჯგუფს, ორგანიზაციას აქვს უფლება გამოხატოს ამ აზრისადმი კრიტიკული დამოკიდებულება და პროტესტი, ასევე კანონის ფარგლებში. ეს ლიბერალური დემოკრატიის ფუძემდებლური პრინციპი და ყოველდღიური პრაქტიკაა. ვფირობ, რომ ყველა თვალსაზრისი უნდა გაიგოს საზოგადოებამ, მიუხედავად იმისა, თუ რამდენად პროვოკაციული ან მიუღებელიც არ უნდა იყოს იგი, მაგრამ ამავდროულად აუცილებელია, რომ ყველამ ავირიდოთ თავიდან აგრესია და შეუწყნარებლობა განსხვავებული აზრის, განსხვავებულ თვალსაზრისს მოვეპყრათ კრიტიკულად, მაგრამ პატივისცემით და არ გავცდეთ ცივილიზებული კამათის ფარგლებს~,-აცხადებს თუთბერიძე.http://www.interpressnews.ge/ge/index.php/...l&hd_line=1 ლინკი სოციალურ ქსელებში გაზიარება More sharing options...
ლ ი ც ი Posted October 23, 2009 Author დარეპორტება გაზიარება Posted October 23, 2009 სამართალდამცავებმა მკლავჭიდში მსოფლიოს ორგზის ჩემპიონი ზაურ ცხადაძე დააკავესhttp://www.interpressnews.ge/ge/index.php/...l&hd_line=1 ლინკი სოციალურ ქსელებში გაზიარება More sharing options...
ლ ი ც ი Posted October 23, 2009 Author დარეპორტება გაზიარება Posted October 23, 2009 (edited) http://s04.radikal.ru/i177/0910/6b/6c70753af79e.jpg ვერა პუტინა მზად არის, დნმ-ის ანალიზი ჩაიტაროს "ცნობილი ადამიანები, სახელმწიფო მოღვაწეები აჩქარებენ ან აფერხებენ ისტორიულ პროცესებს", - ამბობდა ლევ ტოლსტოი. ფაქტია, რომ დღეს საქართველოსა და რუსეთს მხოლოდ ბეწვის ხიდი აკავშირებს და ისიც არავინ იცის, როდის ჩაწყდება. "საქართველო სამაგალითოდ დაისაჯა", - ეს რუსეთის პრემიერ-მინისტრის, ვლადიმირ პუტინის ფრაზაა, რომელიც აგვისტოს ომის შემდეგ წარმოთქვა. არავინ იცის, როგორ წარიმართებოდა ორი მეზობელი ქვეყნის ურთიერთობა, რომ არა კასპის რაიონის ერთ პატარა სოფელში დატრიალებული ტრაგედია. თუმცა, ჰოლანდიელი რეჟისორის, ინეკე სმიტსის ფილმის "პუტინის დედა" მთავარი ღირსება არის ის, რომ არაფერს ამტკიცებს, ყოველგვარ დიდაქტიკას მოკლებული და საოცრად დინამიკური კინოენით, მოქნილი, ტევადი კადრებით ასახავს ერთი ჩვეულებრივი ქართული სოფლის ისტორიას, სადაც ყველა "ცხელი თემა" სოფლის ბირჟაზე ირჩევა და სადაც ყველაზე პოპულარული ვარცხნილობა დღემდე "ბოქსი" და "პოლუბოქსია". ფილმის მთავარი მოქმედი გმირი ვერა პუტინაა, ქალი, რომლის თითქმის დაუჯერებელმა ისტორიამ მთელი მსოფლიო ააფორიაქა, განსაკუთრებით კი - პლანეტის ყველაზე დიდი სახელმწიფოს პრეზიდენტი... ვერა პუტინამ შვილი დაკარგა ახალგაზრდული თავქარიანობისა თუ ბედის სისასტიკის გამო; იცის, რომ თვითონაც დამნაშავეა, მაგრამ შვილს მაინც ელოდება, რადგან ამქვეყნად ყველაზე ჯიუტი და უსაყვედურო სწორედ დედის მოლოდინია. მან ვოვა პუტინი რუსეთში, ბებიასთან დატოვა და საქართველოში დაბრუნდა ქმართან - გიორგი ოსეფაშვილთან და შვილებთან, რომლებიც ელოდნენ... ფილმში, კითხვაზე, - რუსეთი გესიზმრებათ ხოლმე? ის პასუხობს: "არა, მარტო ვლადიმირს ვხედავ ხოლმე, მეტს არავის! ერთხელ, სიზმარში ვუთხარი კიდეც, - რას მებუტები, დამნაშავე არ ვარ-მეთქი. ეკლესიაში სანთელს ვანთებ, რომ ხშირად დამესიზმროს"... უფრო მეტიც, ვერა პუტინას გული სწყდება, რომ პრემიერ-მინისტრ ვლადიმირ პუტინის ბიოგრაფიაში მისი მშობლები გარდაცვლილებად არიან მოხსენიებული: "ვიცი, რომ ვოვა ჯვარს ატარებს, რომელზეც დღესაც ამბობს: როცა ჩვენს სახლში ხანძარი გაჩნდა, ყველაფერი დაიწვა და მხოლოდ ეს გადარჩაო. ეს ჯვარი, ვფიქრობ, დედაჩემმა ჩამოჰკიდა, როცა შინიდან სამუდამოდ გადიოდა". რუსეთის ყოფილი პრეზიდენტისა და ახლანდელი პრემიერ-მინისტრის ოფიციალურ ვებგვერდზე გამოქვეყნებულ ბიოგრაფიაში ბავშვობის წლებსა და მშობლებზე არაფერია ნათქვამი, სხვა ინტერნეტვერსიებში კი აღნიშნულია, რომ ვლადიმირ პუტინის მამა - ვლადიმირი, ლენინგრადის დაცვის საბრძოლო ოპერაციებში მონაწილეობდა, დედა - მარია პუტინა კი ტვერის გუბერნიიდან იყო, ორივე მშობელი გარდაცვლილი ჰყავს. აღსანიშნავია, რომ პუტინის ბიოგრაფია 10 წლიდან იწყება! აღსანიშნავია ისიც, რომ დღეს ამ ფილმის მთავარი გმირი, 82 წლის ვერა პუტინა ჟურნალისტებთან კონტაქტს მაქსიმალურად ერიდება, თუმცა, როდესაც პუტინის პრესსპიკერმა დიმიტრი პესკოვმა მისი ბიოგრაფიის ეს ვერსია უარყო, მან საჯაროდ განაცხადა, რომ მზად არის დნმ-ის ანალიზი ჩაუტარონ და ამ გზით დაამტკიცოს თავისი სიმართლე. ამ ფილმის ჰოლანდიელ რეჟისორს, ინეკე სმიტსის ცნობილი ქართველი მოღვაწისა და ლიტერატორის, ვახუშტი კოტეტიშვილის სახლში ვეწვიეთ, სადაც სულ მალე, ვახტანგ, ვახუშტი და ტატო კოტეტიშვილების სახლ-მუზეუმი გაიხსნება, ცხადია, ამ სამზადისში ქალბატონო ინეკე, რომელიც რეჟისორ ტატო კოტეტიშვილის მეუღლე გახლდათ, აქტიურადაა ჩაბმული. - ქალბატონო ინეკე, სად და როდის გაიგეთ ვერა პუტინას საოცარი ისტორიის შესახებ?- ჩემს ერთ-ერთ საუკეთესო მეგობართან, რეჟისორ გიორგი ოვაშვილთან ერთად ქართლის გზაზე მივდიოდით და ჩემი მომავალი ფილმისთვის, "ყაზბეგელი პილოტი", რომელსაც მალე დავასრულებ და რომელიც ჰოლანდიაში, კუნძულ ტექსელზე ქართველთა ცნობილ აჯანყებას ეძღვნება, გადასაღებ ადგილებს, შესაბამის პანორამას ვარჩევდით. მოულოდნელად გიორგი ოვაშვილმა მითხრა: "იცი, ამ სოფელში პუტინის დედა ცხოვრობს!" რა თქმა უნდა, არ დავუჯერე. მან მანქანის ფანჯარა ჩამოსწია და პირველსავე შემხვედრს ჰკითხა: "პუტინის დედა აქ ცხოვრობს?" შემხვედრმა გზა მიგვასწავლა (სწორედ ასე იწყება ეს ფილმიც - ნ.კ.)... ბოლოს მის სახლსაც მივაგენით და გიორგი ოვაშვილმა კარზე მოურიდებლად დააკაკუნა. აღმოჩნდა, რომ ჩვენამდე აქ ბევრი ხალხი იყო: იაპონური ტელეკომპანია, რუსი ჟურნალისტები, ჩეჩნები, კა-გე-ბე, თუმცა ვერა პუტინა ყველას დუმილით შეხვდა. ჩვენ კი შევძელით დაგვერღვია მისი დუმილი, რადგან მას არ დავუსვი ტრადიციული მომაბეზრებელი კითხვა: თქვენ მართლა პუტინის დედა ხართ? უბრალოდ, დავინტერესდი, რას გრძნობს დედა, რომელმაც შვილი დაკარგა და უეცრად აღმოაჩინა, რომ ის დიდი და ცნობილი ადამიანია, ეს კითხვა მისთვისაც საინტერესო აღმოჩნდა და მითხრა, რომ მისი გრძნობებით, განცდებით ჯერ არავინ დაინტერესებულა. თავდაპირველად უბრალოდ ვსაუბრობდით, შემდეგ კი მივხვდი, რომ ეს საუკეთესო მასალა იქნებოდა ფილმისთვის. მთელი გადაღების განმავლობაში ვერა პუტინასთვის ერთხელაც არ მიკითხავს, სიმართლეა თუ არა მისი მონათხრობი, როგორც რეჟისორი, ვენდე...ევროპაში ყველა მეკითხებოდა: თქვენ თვითონ თუ გჯერათ, რომ ვერა პუტინა რუსეთის დღევანდელი პრემიერ-მინისტრის დედაა? - მეც სწორედ ეს უნდა მეკითხა: თუ გჯერათ, რომ თქვენი ფილმის მთავარი გმირი ვლადიმირ პუტინის დედაა?- იცი, არ მინდა, ბოლომდე ვიცოდე, სიმართლეა თუ არა ეს, რადგან ორივე შემთხვევაში სულისშემძვრელი ტრაგედიაა, პატარა ადამიანის დიდი ტრაგედია: თუ ეს სიმართლეა, ვერა პუტინას შვილი არასოდეს ცნობს, და თუ არ არის სიმართლე, ეს ნიშნავს, რომ ვერამ შვილი სამუდამოდ დაკარგა. - თქვენი მეუღლე ქართველი იყო, ხშირად ჩამოდიხართ საქართველოში, რა განსხვავებაა ქართულ და ჰოლანდიურ ხასიათს შორის?- ეს კითხვა აქტუალურია ჩემი მომავალი ფილმისთვის, რომელიც, როგორც გითხარით, ტექსელის ცნობილ აჯანყებას ეხება. ქართველი ჯარისკაცების როლს ჰოლანდიაში მცხოვრები ემიგრანტი ქართველები ასრულებენ, ძირითადად აფხაზეთიდან დევნილები, რომლებმაც შესანიშნავად იციან ჰოლანდიურიც და ქართულიც. რაც შეეხება მენტალურ განსხვავებას, ჰოლანდიელები უფრო პუნქტუალურები, სერიოზულები ვართ, საქართველოში კი დროის მიმართ სხვა დამოკიდებულებაა, - ასე ვთქვათ, - "ხვალ გამოჩნდება, რა იქნება მომავალში". ჩემი მეუღლის, საინტერესო რეჟისორის ტატო კოტეტიშვილის შემოქმედებითი საქმიანობაც ამ პრინციპს ემყარებოდა. როცა ძირითადი იდეა, მონახაზი მზად ჰქონდა, დანარჩენს იმპროვიზაციაზე აგებდა, მე კი ყველაფერი წინასწარ მაქვს განსაზღვრული. - საქართველოს პირველი ლედის, სანდრა რულოვსის დედამ ერთ-ერთ ინტერვიუში თქვა: ჰოლანდიელი ქალი ყოველდღიურად მორთულ-მოკაზმული არ დადის, არც კოსმეტიკას ხმარობს ისე ჭარბად, როგორც ქართველებიო... ეთანხმებით მას?- დიახ, ასეა. ჩვენთან ქალი უფრო პრაქტიკული და საქმიანია. თუმცა, როცა საქართველოში ვარ, ვცდილობ, მეც ცოტათი ქართველი გავხდე და უკეთ გამოვიყურებოდე. ქალი ყველგან ქალია და მისთვის მთავარი ქალური ბედნიერება და შვილებზე ზრუნვაა... ვერა პუტინას ისტორიითაც ამიტომ დავინტერესდი. ”ყველა სიახლე” 09:00 / 23-10-2009 Edited October 23, 2009 by ლ ი ც ი ლინკი სოციალურ ქსელებში გაზიარება More sharing options...
ლ ი ც ი Posted October 23, 2009 Author დარეპორტება გაზიარება Posted October 23, 2009 (edited) ოსური მხარე ახალგორში მიმოსვლის სანაცვლოდ ქართული მხარისგან რაიონისთვის გაზის მიწოდების აღდგენას ითხოვსhttp://www.interpressnews.ge/ge/index.php/...l&hd_line=1 ნაბოზრები! Edited October 23, 2009 by ლ ი ც ი ლინკი სოციალურ ქსელებში გაზიარება More sharing options...
ლ ი ც ი Posted October 23, 2009 Author დარეპორტება გაზიარება Posted October 23, 2009 ქართული პრესის მიმოხილვა 23.10.2009 http://www.interpressnews.ge/ge/index.php/...ink/113980.html ლინკი სოციალურ ქსელებში გაზიარება More sharing options...
ლ ი ც ი Posted October 23, 2009 Author დარეპორტება გაზიარება Posted October 23, 2009 დავით უსუფაშვილი - IRI-ის კვლევებით, ოქტომბერში საპრეზიდენტო არჩევენების ჩატარების შემთხვევაში თბილისში ირაკლი ალასანია ლიდერობს Font size: IRI-ის კვლევებით, ოქტომბერში საპრეზიდენტო არჩევენების ჩატარების შემთხვევაში თბილისში ირაკლი ალასანია ლიდერობს. ამის შესახებ "ინტერპრესნიუსს” “ალიანსი საქართველოსთვის” თანათავმჯდომარემ, დავით უსუფაშვილმა განუცხადა. მისი თქმით, ამერიკის საერთაშორისო რესპუბლიკური ინსტიტუტის კვლევების თანახმად, სადაც დასმული იყო შეკითხვა - “ოქტომბერში, რომ საპრეზიდენტო არჩევნები ჩატარდეს, ვის მისცემდით ხმას?” - თბილისის მასშტაბით ირაკლი ალასანია ლიდერობს. “IRI-ის კველევები ყოველ ექვს თვეში ერთხელ ტარდება და კონფიდენციალურია. სამწუხაროდ, ხელისუფლება არ იცავს ორგანიზაციის მოთხოვნებს და კვლევის შედეგებს თავისი პიარისთვის იყენებს. სწორედ ამიტომ, ჩვენც იძულებულები ვართ მხოლოდ ჩვენი შედეგები გავახმაუროთ”, - განაცხადა უსუფაშვილმა. მისი თქმით, დასმულ შეკითხვაზე თბილისში გამოკითხულთა 25% აცხადებს, რომ პერზიდენტად ირაკლოი ალასანიას აირჩევს, 26 პროცენტი არც ერთ კანდიდატს არ უჭერს მხარს, ხოლო 22-მა პროცენტმა ჯერ არ იცის, ვის მიემხრობა. რაც შეეხება საქართველოს დანარჩენ ნაწილს, აქ ალასანიას გაპრეზიდენტებას გამოკითხულთა 18 პროცენტი უჭერს მხარს, 16 პროცენტი არც ერთ კანდიდატს არ აძლევს ხმას, ხოლო 23-მა პროცენტმა არ იცის, ვის მიემხრობა. "გარდა ამისა, ამავე კვლევაში არის შედგენილი ნდობის რეიტინგი, სადაც ჩვენი ლიდერები ირაკლი ალასანია და სოზარ სუბარი 64 და 63 პროცენტით ლიდერობენ”, - განაცხადა უსუფაშვილმა. მისივე თქმით, საგრძნობლად გაუმჯობესებულია ოპოზიციურ პოლიტიკურ პარტიებს შორის “ალიანსი საქართველოსთვის” პოზიციები და მას მოცემულ კვლევაში ყველაზე მაღალი რეიტინგი აქვს.http://www.interpressnews.ge/ge/index.php/...l&hd_line=1 ლინკი სოციალურ ქსელებში გაზიარება More sharing options...
ლ ი ც ი Posted October 23, 2009 Author დარეპორტება გაზიარება Posted October 23, 2009 (edited) მიხეილ სააკაშვილი - რუსეთის ფე-ეს-ბე-მ ქართულ და ოსურ მხარეებს შორის მავთულხლართების გავლება დაიწყორუსეთის ფე-ეს-ბე-ს სპეციალურმა რაზმებმა დღეს დილიდან ქართულ და ოსურ მხარეებს შორის არსებული სადემარკაციო ზოლის გასწვრივ მავთულხლართების გავლება დაიწყეს. ამის თაობაზე დღეს საქართველოს პრეზიდენტმა, მიხეილ სააკაშვილმა დევნილთა ახალი დასახლების გახსნისას განაცხადა. როგორც პრეზიდენტმა აღნიშნა, ვინც მეორე მხარეს დარჩა, ისიც “ჩვენი ხალხია” და გამოქცეულების უმეტესობა ეთნიკური ოსები არიან. სააკაშვილის თქმით, მავთულხართების მეორე მხარეს ხალხი შიმშილობს და კარვებში ცხოვრობს, მიუხედავად იმისა, რომ დამპყრობელი ქვეყნის მთავრობამ ქაღალდზე 1000-ჯერ მეტი თანხა გამოყო. მიხეილ სააკაშვილი მიიჩნევს, რომ საქართველოს ამოცანაა, მოიგოს მშვიდობით, რადგან შეუძლებელია საქართველომ რუსეთს ძალადობასა და სისასტიკეში გაუწის კონკურენცია. “შეიძლებოდა, ჩვენ, როგორც ჩეჩნეთი, მიწასთან გავსწორებულიყავით, როგორც ერი გავნადგურებულიყავით ან ავღანეთის მსგავსად 15-20 წლის განმავლობაში გვებრძოლა და ვყოფილიყავით და,გრეული, გაუბედურებული. ან როგორც გერმანია და აღმოსავლეთ ევროპის სხვა სახელმწიფოები, ავშენდეთ, გავძლიერდეთ და ჩვენი მაგალითით შევცვალოთ ის რეალობა, რომელიც ძალადბრივმა მეთოდებმა შექმნეს”, - განაცხადა სააკაშვილმა. მისივე თქმით, უხეში ძალით დამყარებული თავისუფლება და დამოუკიდებლობა ევროპას და მთელ მსოფლიოს ჯერ არ უნახავს და ვერც ვერასდროს ნახავენ. პრეზიდენტმა სააკაშვილმა და გერმანიის საგანგებო და სრულუფლებიანმა ელჩმა, პატრიცია ფლორმა დღეს გორთან გასული წლის ომის დროს დაზარალებული მოსახლეობისთვის ახალი დასახლება გახსნეს. 300 ოჯახს გერმანიის მთავრობის დაფინანსებით აშენებული სახლები გადაეცა.http://www.interpressnews.ge/ge/index.php/...l&hd_line=1 Edited October 23, 2009 by ლ ი ც ი ლინკი სოციალურ ქსელებში გაზიარება More sharing options...
ლ ი ც ი Posted October 23, 2009 Author დარეპორტება გაზიარება Posted October 23, 2009 IRI-ის კვლევებით, საქართველოში ნდობის ყველაზე მაღალი რეიტინგი ეკლესიას, პოლიციას და ჯარს აქვთ IRI-ის კვლევებით, საქართველოში ნდობის ყველაზე მაღალი რეიტინგი ეკლესიას, პოლიციას და ჯარს აქვთ. ამერიკის საერთაშორისო რესპუბლიკური ინსტიტუტის კველევის - “რას ფიქრობს ხალხი” - თანახმად, ნდობის რეიტინგში სამი ინსტიტუცია – საქართველოს მართლმადიდებლური ეკლესია, პოლიცია და ჯარი ლიდერობენ. ამავე კვლევების თანახმად, ქვეყნის მოსახლეობა ყველაზე დიდ გამოწვევად უმუშევრობას (59%), ტერიტორიულ მთლიანობას (45%) და ეროვნულ უსაფრთხოებას ასახალებეს (13%). საქართველოს ხელისუფლების მიღწევად ხალხი ინფრასტრუქტურის განვითარებას – გზებსა და სხვა სისტემებს, ასევე, კრიმინალთან ბრძოლას მიიჩნევს. ამასთან, საზოგადოება თვლის, რომ რეფორმებია გასატარებელი ჯანდაცვის და თავდაცვის სისტემებში.http://www.interpressnews.ge/ge/index.php/...l&hd_line=1 ლინკი სოციალურ ქსელებში გაზიარება More sharing options...
lasha1997 Posted October 24, 2009 დარეპორტება გაზიარება Posted October 24, 2009 (edited) ლ ი ც ი შენა რა მახსენდება ხოლმე იცი? ვერაზე რომ ვცოვრობდი დილის 7 საათზე ფოსტალიონი გაზეთებს გვიყრიდა ხოლმე, აი რკინის ყუთში (კომუნისტი,ლელო,სოფლის ცხოვრება და ა.შ.) შენც ეგეთ პონტში ხარ ამ ფორუმზე და ბევრ ინფოს ვიგებ ხოლმე შენი დადებული ლინკებით. : იმ დროს მარტო ფუტბოლის ცხრილს ვათვალიერებდი ხოლმე ლელოში და სოფლის ცხოვრება მაგარი მეკიდა.. : Edited October 24, 2009 by lasha1997 ლინკი სოციალურ ქსელებში გაზიარება More sharing options...
ლ ი ც ი Posted October 24, 2009 Author დარეპორტება გაზიარება Posted October 24, 2009 lasha1997 : :maladec: ქართული პრესის მიმოხილვა 24.10.200924 / 10, 2009 10:09 • გია ჭანტურია - “გადაცემა “ალიონი”თავიდან ბოლომდე იყო ცუდი. ავდექით და გავუშვით ყველა”• გოგა ხაინდრავა - “ჩვენ რომ 47 მილიონი დოლარი გვქონოდა, სააკაშვილი გლდანის ციხეში გვეყოლებოდა დიდი ხანია გამოკეტილი!”• ხიზრი ალდამოვი - “რუსული პასპორტები პანკისელ ქისტებშიცაა დარიგებული” გია ჭანტურია - “გადაცემა “ალიონი”თავიდან ბოლომდე იყო ცუდი. ავდექით და გავუშვით ყველა” “მოხდა რეორგანიზაცია, რადგან პირადად მე გადაცემა “ალიონის” უკმაყოფილო ვიყავი, პლუს ამას დღიდან ჩემი დანიშვნისა ვითხოვდი ახალ პროექტის და ახალ გეგმას, რომელიც არ იყო მოწოდებული და ამიტომ მივიღეთ გადაცემის დახურვის გადაწყვეტილება. ეს ძალიან ბუნებრივი და სწორი პროცესია და ამაში გასაკვირი არაფერია. მიზეზი არის ელემენტარული - გადაცემა თავიდან ბოლომდე იყო ცუდი. ავდექით და გავუშვით ყველა”, - აცხადებს “პირველი არხის” გენდირექტორი გია ჭანტურია გაზეთ “რეზონანსისთვის” მიცემულ ინტერვიუში, სათაურით “პირველ არხზე” საკადრო წმენდა დაიწყო / გია ჭანტურია: “ახალი გადაცემების გაკეთება რასაც მოითხოვს, იმდენ ადამიანს გავუშვებთ”.“იმ განყოფილებაში მომუშავე ადამიანებმა მთლიანობაში ვერ შეასრულეს ის, რაც უნდა შეესრულებინათ. მე მაქვს ჩემი მეთოდები, როგორ ვმართო არხი და ასე მოვიქეცი. თუ საჭირო გახდებიან იმ ახალ ფორმატში, რომელიც ახლა მზადდება, შესაძლებელია ზოგიერთი მათგანი კვლავაც დაბრუნდეს. ეს არ არის გამორიცხული, მაგრამ ამ ეტაპზე ყველა გავუშვით - რადგან გადაცემა არ ვარგოდა უკმაყოფილო ვიყავი ყველასი. წამყვანებისაც მათ შორის, მიუხედავად იმისა, რომ ბევრი მათგანი ჩემი მეგობარია და მიუხედავად იმისა, რომ ბევრი მათგანი საკმაოდ მაღალი ხარისხის პროფესიონალია. ამ გადაცემაში მათ თავისი ადგილი ვერ იპოვეს ვერანაირად. მგონი, 46 ადამიანი გავუშვით, თუ არ ვცდები. აქ საუბარი არ არის, რომ რომელიმე ჟურნალისტი ცუდია ან კარგია, უბრალოდ კონკრეტულ გადაცემასა და სიტუაციაში მათ თავი ვერ გამოიჩინეს და იმედები ვერ გაამართლეს”, - აღნიშნავს გამოცემის კორესპონდენტთან საუბრისას გია ჭანტურია.“ტელევიზია არ არის არც უნივერსიტეტი და არც რამე სხვა ორგანიზაცია, რომელიც დაელოდება მუდმივად იმას, თუ როდის ისწავლიან ჟურნალისტები და როდის გაიზრდებიან. არის უამრავი ადამიანი, რომელსაც იგივე საქმის გაკეთება შეუძლია გაცილებით უკეთესად. ჩვენ ვაპირებთ ახალ ფორმატში 20-21 ადამიანის დაკავებას და ვითხოვთ ამ ადამიანებისგან გაცილებით მეტს, რადგან ამ გადაცემამ უნდა შექმნას მთელი დილის გაწყობა. პრობლემა არ არის არანაირი - თუ რომელიმე მათგანი კვლავ ისურვებს ჩვენთან თანამშრომლობას და დააკმაყოფილებს იმ მოთხოვნებს, რაც ახალ გადაცემაში გექნება, მათ მიეცემათ ახალი შანსი არხზე დაბრუნების. ჩვენ პიროვნებების წინააღმდეგი არ ვართ, ჩვენ არადამაკამაყოფილებელი მუშაობის გამო გავუშვით ისინი არხიდან, ერთ-ერთი მიზეზი ისიც იყო, რომ ამ გადაცემაში მომუშავე ადამიანებს საქმისადმი გულგრილი დამოკიდებულებაც კი ჰქონდათ. ჩვენ ერთი თვის განმავლობაში 70 ადამიანი მივიღეთ შტატში. ასე რომ, ვინმემ არ თქვას, რომ რაღაც საშინელებებს ვაკეთებთ. ასე არ არის”, - განაგრძობს გამოცემის რესპონდენტი.“მე მინდა, რომ გადაცემა, რომელიც ეთერში გავა იყოს კარგი და გაცილებით უკეთესი, ვიდრე აქამდე იყო. შესაბამისად, ახალი გადაცემის გაკეთება რასაც მოითხოვს იმდენ ადამიანს გავუშვებთ. ვინც თავს ვერ გამოავლენს, იმას გავუშვებთ, აბა რად მინდა ადამიანი, რომელიც ხელფასს იღებს და არაფერს არ აკეთებს, - აცხადებს გია ჭანტურია და შეკითხვას - “ამ და სხვა ცვლილებების შედეგად განახლებული პირველი არხი როდიდან გავა ეთერში?” - პასუხობს:“ჩვენ უკვე ვგეგმავთ, რომ ორშაბათს განახლებული “მოამბე” გავიდეს ეთერში და ნელ-ნელა ნოემბრის ბოლომდე ვაპირებთ, რომ დაახლოებით 12 ახალი გადაცემა გავუშვათ ეთერში. ამავდროულად რამდენიმე სიურპრიზი გვაქვს - ნოემბრის ბოლომდე 60%-ით განახლდება არხი, დანარჩენი 40%-ს ნელ-ნელა ჩავუშვებთ ეთერში”. გოგა ხაინდრავა - “ჩვენ რომ 47 მილიონი დოლარი გვქონოდა, სააკაშვილი გლდანის ციხეში გვეყოლებოდა დიდი ხანია გამოკეტილი!” “ხელისუფლების საწოლში კოტრიალში ეჭვმიტანილი ქართული ინტერნეტ-გაზეთ “დრონი.ჯი”-ს მიერ გავრცელებული სენსაციური ინფორმაციის თანახმად, ვარდების ხელისუფლების მიერ საქართველოდან დევნილმა ასლან აბაშიძემ, ირაკლი ოქრუაშვილმა, ალექსანდრე ბრეუსმა, ალექსანდრე სილაგაძემ, ჯემალ გოგიტიძემ, ლევან მამალაძემ, ბონდო შალიკიანმა, ზურაბ წერეთელმა, მიხეილ ხუბუტიამ, თემურ ბასილიამ (სულ 17 კაცი)... 2009 წლის აპრილიდან ივლისის ჩათვლით საქართველოს ოპოზიციას მიხეილ სააკაშვილის დასამხობად, საერთო ჯამში, 47 მილიონი დოლარი გადმოურიცხეს. “დრონი.ჯი” იმასაც ამტკიცებს, რომ თითქოს ოპოზიციას ამ 47 მილიონის გარდა 80 მილიონი დოლარიც ჰქონდეს “გასუხარებული”, - წერს გაზეთი “ალია” სტატიაში სათაურით “მაპატიეთ და ეს არის ჩაჯმ...ლი საზოგადოება და ამ ქვეყანაში კაცებს ყვ...რები აღარ აქვთ”“კაი ერთი თუ ძმა ხარ. სასაცილოა საერთოდ, არასერიოზულია, თუ ძმა ხარ! ჩვენ რომ 47 მილიონი დოლარი გვქონოდა, სააკაშვილი გლდანის ციხეში გვეყოლებოდა დიდი ხანია გამოკეტილი! 47 კი არა 7 მილიონი დოლარიც რომ გვქონოდა, 47-ს ვინ ჩივის... ეს არის ზღაპარი, ვანო მერაბიშვილის ინფორმაცია ისევე, როგორც ვანო მერაბშვილის მიერ არის განხორციელებული ის, რაც თეა თუთბერიძემ გააკეთა! ასევე ვანო მერაბიშვილის განხორციელებულია და მზადდება 1 ნოემბრის აქცია სტუდენტური თვითმმართველობის მიერ, რომელზეც უკვე 600 ათასი დოლარი დახარჯეს. ეს არის ვანო მერაბიშვილის ხრიკები და საერთოდ, რაც ახლა ხდება პატრიარქთან დაკავშირებით, ეს ქვა ქართულ საზოგადოებაში ვანო მერაბიშვილმა ისროლა და გადმოაგდო იმის შესამოწმებლად, თუ რას იზამდა საზოგადოება და რა რეაქცია ექნებოდა ხალხს”, - აცხადებს გამოცემის კორესპონდენტთან საუბრისას გოგა ხაინდრავა.“ვანო მერაბიშვილმა ქვის სროლის შემდეგ დაინახა, რომ ქართველები არაფერსაც არ იზამენ. ამიტომ ახლა თვითონ აწყობენ ჯაჭვს საპირველნოემბროდ, თვითონვე მოაწყობენ ჯაჭვს, მივა იქ 1 ნოემბერს მიშა სააკაშვილი და გახდება პატრიარქისა და ეკლესიის N1 დამცველი. მთლიანად, მთელი კარტ-ბლანში მთელ ქვეყანაში ვანო მერაბიშვილის ხელშია, სამწუხაროდ, იმიტომ რომ, მაპატიეთ და ეს არის ჩაჯმ...ლი საზოგადოება და ამ ქვეყაში კაცებს ყვ...რები აღარა აქვთ - მე ასეთი შთაბეჭდილება მრჩება! მაპატიეთ, რომ ასეთი სიტყვებით ვლაპარაკობ. ამ საზოგადოებაში მოკვდა მორალი, ამ საზოგადოებაში მოკვდა ღირსება, მოკვდა ზნეობა და ამ საზოგადოებაში მოკვდნენ კაცები! მიუხედავად ჩემი სიმპათია-ანტიპათიებისა, მსგავსი რამ სომხეთში რომ მომხდარიყო და გარეგინ მეორისთვის ეს ვინმეს გაებედა, დღეს ერევანი იქნებოდა გადაბუგული და მიწასთან გასწორებული. ჩვენ კიდევ ყველაფერ ამას ვიტანთ და ვართ..”, - დასძენს გოგა ხაინდრავა და შეკითხვას - “და ეს ყველაფერი 7 ნოემბრის გასანეიტრალებლად ხდება, ალბათ. თქვენ რას იტყვით?” - პასუხობს:“რა თქმა უნდა, ეს იყო ბოლო თემა, რომელიც შეიძლებოდა სახიფათო ყოფილიყო ხელისუფლებისთვის. რწმენას, სულიერებასა და ქართველობასსააკაშვილმაც და მერაბიშვილმაც ზედ “დააქაქეს” და ქართულმა საზოგადოებამ ეს აიტანა. აი, ეს არის უბედურება და ტრაგედია. ყველაფერი მოსინჯეს, ყველაფერი სცადეს, ყველაფერი გააკეთეს და ეს იყო ბოლო თემა. თორემ, რა სისულელეა, ვინ რა ფული გადმორიცხა - სად იყო ფული ან სად არის ფული საერთოდ”. ხიზრი ალდამოვი - “რუსული პასპორტები პანკისელ ქისტებშიცაა დარიგებული” “პანკისის ხეობასთან რუსეთს ყოველთვის დიდი პრეტენზიები ჰქონდა, გამუდმებით გაიძახოდნენ, ვითომ იქ ჩეჩენი ბოევიკები იყვნენ. ეს ბრალდება დღესაც ისმის. მოსკოვში მიღებული აქვთ გადაწყვეტილება, რომლის მიხედვითაც მათ სხვა ქვეყნის ტერიტორიაზე სამხედრო ოპერაციის ჩატარება შეუძლიათ. რუსეთი რომ პანკისის დაბომბვას არ მოერიდება, ამაში მგონი, ყველა დარწმუნებულია. ამჯერად პანკისს რუსეთმა შეიძლება სულ სხვა მიზეზით შეუტიოს და ეს მიზეზი “თავისი მოქალაქეების” დაცვა იქნება. პანკისში ცხოვრობენ ადამიანები, რომლებსაც რუსეთის მოქალაქეობა აქვთ მიღებული - არა ჩეჩნები, მე ქისტებზე ვსაუბრობ”, - აცხადებს ხიზრი ალდამოვი გაზეთ “ახალი თაობისთვის” მიცემულ ინტერვიუში, სათაურით რუსეთი კახეთზე დარტყმას გეგმავს / პანკისის მოსახლეობას რუსული პასპორტები დაურიგეს.“მათთვის რუსული პასპორტების დარიგება მას შემდეგ დაიწყო, რაც იქ ჩეჩენი ლტოლვილები ჩამოვიდნენ. ლტოლვილების დიდ ნაწილს საბუთები საერთოდ არ ჰქონდა. მათთვის საბუთების მისაცემად და აღწერის ჩასატარებლად ხშირად ჩამოდიოდნენ რუსული დელეგაციები. სწორედ მათი წყალობით ხდებოდა ქისტებისთვის პასპორტების დარიგება. ყველამ კარგად იცის, რომ წინა ხელისუფლების დროს მასობრივი სახე მიიღო ლტოლვილის სტატუსის მინიჭებამ. ამ სტატუსის მისაღებად 200 დოლარი იყო საჭირო. სამწუხაროდ, ამ სტატუსს ქართული მხარე აძლევდა. ის ჩინოვნიკები, ალბათ, ვერც კი აცნობიერებდნენ, რომ წლების შემდეგ ამის გამო საქართველოს შესაძლოა პრობლემები შექმნოდა. მაშინ საქართველოში ძალიან ჭირდა ცხოვრება, სამუშას საშოვნელად საზღვარგარეთ ასიათასობით ადამიანი წავიდა. ბუნებრივია, წასვლის სურვილი პანკისელებსაც გაუჩნდათ. ვიზების მიღება დიდ სირთულეებთან იყო დაკავშირებული. ლტოლვილის სტატუსის ქონისას მათ შანსი ეძლეოდათ რუსეთში ან საზღვარგარეთ წასულიყვნენ. მათ საქართველოს მოქალაბეობაზენ უარი არ უთქვამთ. ეს ნაბიჯი მძიმე ეკონომიკურმა პირობებმა გადაადგმევინა”, - აცხადებს გამოცემის კორესპონდენტთთან საუბრისას ხიზრი ალდამოვი. “მე კარგად მახსოვს, როგორ მიმდინარეობდა ჩეჩენი ლტოლვილების დაბრუნების პროცესი. ისინი სამ-სამი ავტობუსით გაჰყავდათ. იმ ავტობუსებში სამი-ოთხი ჩეჩენი იჯდა, დანარჩენები სულ ქისტები იყვნენ. მათი უმეტესობა ერთხელაც არ იყო ნამყოფი რუსეთში. რუსეთმა თავისი მზაკვრული გეგმის განხორციელება კარგად შეძლო. მათ პანკისში ძირითადად ქისტებთან გაწიეს პროპაგანდა - მათ სთავაზობდნენ სამსახურს, საცხოვრებელს და რატომ იტყოდნენ ეს ადამიანები უარს, მით უმეტეს, რომ მათ ძალიან უჭირდათ. ჩეჩნები რუსეთის მოქალაქეები იყვნენ და რუსეთის ხელისუფლებას მათთან შეხვედრას ვერ ავუკრძალავდით, ისინი პანკისში კანონიერად ჩადიოდნენ, პასპორტების გაცემა კი უკანონოდ მიმდინარეობდა. ქისტებს საქართველოსთვის არასდროს შეუქმნიათ პრობლემები და არც არასდროს შეუქმნიან. სამწუხაროდ, ყველა ოჯახში მოიძებნება ცუდი ადამიანი. ამ ქისტებშიც ვიღაც მოიძებნება ისეთი, რომელსაც რუსეთი ჩვენს წინააღმდეგ გამოიყენებს - ათქმევინებს, რომ საქართველო მათ ავიწროებს და რუსეთი კი “თავისი მოქალაქეების” დაცვის საბაბით რამე ოპერაციას ჩაატარებს”, - განაგრძობს გამოცემის რესპონდენტი. “რუსისგან ყველაფერია მოსალოდნელი. მათ შორის კახეთში ჯარების შემოყვანა. ყვარლის რაიონის სოფელ ახალსოფლიდან არი გადასასვლელი დაღესტანში. პუტინის გადაწყვეტილებით საზღვართან რუსული სატანკო ბრიგადებია მობილიზებული, რომლებიც დიდი ხანია იქ განალაგეს. ამ გზის გახსნას რუსეთი რამდენჯერმე შეეცადა. ამ გზის ამოქმედება ძალიან საშიშია, განსაკუთრებით ახლა. თუ მოინდომებენ, კახეთშიც შემოვლენ. სატანკო ბრიგადებს ტყუილუბრალოდ არ მოუყრიდნენ თავს საქართველოს საზღვართან. ჩვენ ყველაფრისთვის მზად უნდა ვიყოთ და კახეთის მიმართ დიდი სიფრთხილე და ყურადღება უნდა გამოვიჩინოთ. ხელისუფლებამ კარგად იცის, რომ საფრთხე ყველა მხრიდან გველოდება. თუ რამე საფრთხეს აგვაცილებს თავიდან, ყველაფერი უნდა გავაკეთოთ. ცუდი არ იქნება, თუ უცხოელი დიპლომატები პანკისს დაათვალიერებენ”, - დასძენს გამოცემის კორესპონდენტთან საუბრისას ხიზრი ალდამოვი. http://www.interpressnews.ge/ge/index.php/...ink/114123.html ლინკი სოციალურ ქსელებში გაზიარება More sharing options...
ლ ი ც ი Posted October 25, 2009 Author დარეპორტება გაზიარება Posted October 25, 2009 ჯოზეფ ბაიდენი - რუსეთი თავის ახალ როლზე ფიქრობსრუსეთი ეხმაურება მსოფლიოში მიმდინარე ცვლილებებს და თავის ახალ როლზე ფიქრობს, - როგორც “ბი-ბი-სი” იუწყება, ამის შესახებ, აშშ-ის ვიცე-პრეზიდენტმა ჯოზეფ ბაიდენმა აღმოსავლეთ ევროპაში ვიზიტისას განაცხადა. როგორც ამერიკელმა პოლიტიკოსმა რადიო “თავისუფლებისთვის” მიცემულ ინტერვიუში აღნიშნა, იგი ელოდება იმას, რომ უახლოესი 10 წლის განმავლობაში რუსეთი გაიაზრებს, რომ მის ინტერესებშია დიდი ინტეგრაცია და არა რაღაც განსაკუთრებული კურსი, რომელზეც ზოგიერთი ფიქრობს. მისივე თქმით, იგი რუსეთს უყურებს რეალისტურად და არა წინასწარშექმნილი ცუდი შეხედულებით. კითხვაზე, თუ როგორ შეიძლება შემოუბრუნდეს რუსეთ-ამერიკის ურთიერთობების “გადატვირთვა” აღმოსავლეთ ევროპის ქვეყნებს, ბაიდენმა განაცხადა: “ჩვენ გვინდა დავაჭიროთ გადატვირთვის ღილაკს და არა ყველაფრის, მათ შორის მეხსიერების წაშლის ღილაკს”. ვოცე-პრეზიდენტმა აღნიშნა, რომ არის ორი პრინციპი, რომელთა განხილვას აშშ არავისთან აპირებს. “პირველია – არავითარი გავლენის სფეროები. ჩვენ ამას არ მოვითმენთ და ამაში მონაწილეობას არ მივიღებთ. და მეორე პრინციპი – არანაირი ვეტოს უფლება მსოფლიოს ნებისმიერი სახელმწიფოს გადაწყვეტილებაზე, რომელ კავშირსა თუ ორგანიზაციაში გაწევრიანდეს”, - განაცხადა ბაიდენმა. ოფიციალური ცნობების თანახმად, ამერიკის ვიცე-პრეზიდენტი პოლონეთს, ჩეხეთსა და რუმინეთს გასულ კვირას უსაფრთხოების საკითხების განსახილველად სტუმრობდა.http://www.interpressnews.ge/ge/index.php/...l&hd_line=1 ლინკი სოციალურ ქსელებში გაზიარება More sharing options...
ლ ი ც ი Posted October 25, 2009 Author დარეპორტება გაზიარება Posted October 25, 2009 ”პარლამენტის წევრობა ქუჩის აქციებში მონაწილეობას არ გამორიცხავს! ” 2009 წლის 24 10, შაბათი - 02:40 კონსტანტინე გამსახურდია, პირველია იმ ოპოზიციურ ლიდერთა შორის, რომელმაც ხელისუფლების შეთავაზება მიიღო და დახეული მანდატის დაწებებას დათანხმდა, პარტია ”თავისუფლების” ლიდერთან მოლაპარაკება (ისევე როგორც სხვებთან) რამდენიმე თვის მანძილზე მიმდინარეობდა, თუმცა გადაწყვეტილების მიღებისთვის ბოლო ბიძგი, საპარლამენტო ოპოზიციის წარმომადგენლის, ჯონდი ბაღათურიას ინიციატივით შექმნილი, პირველი პრეზიდენტის გარდაცვალების მიზეზების დამდგენი საგამომძიებლო კომისიის შექმნა გახდა. არასაპარლამენტო ოპოზიცია კონსტანტინე გამსახურდიას კრიტიკულად შეხვდა, თუმცა მძაფრი განცხადებები არ გაკეთებულა, ფაქტი ერთია ”ნავსი” გატეხილია და როგორც გვითხრეს, კიდევ ოპოზიციის ორი ლიდერი ფიქრობს, გაჰყვეს თუ არა ”თავისუფლების” ლიდერს და პოლიტიკური კარიერა იმ ორგანოდან განაგრძოს, რომელიც ნაციონალების მონოპოლიის ქვეშ არის მოქცეული და საპარლამენტო ოპოზიციაც ორიოდე ცალკეული დეპუტატის გარდა, სახელისუფლებო გუნდის განშტორბად განიხილება. ”ფაქტი” კონსტანტინე გამსახურდიას ესაუბრება: - ბატონო კონსტანტინე, თქვენი პირველი ხართ ”მანდატებდახეულთაგან” ვინც პარლამენტში დაბრუნება გადაწყვიტა, რატომ შეიცვალა თქვენი დამოკიდებულება ამ ორგანოსადმი, აღარ არსებობს პროტესტის ის საფუძველი, რომლის გამოც უარი თქვით პარლამენტის წევრობაზე? - თავიდანვე მიმაჩნდა, რომ პარლამენტში ან ყველა უნდა შევსულიყავით, ან არავინ, მას შემდეგ რაც ოპოზიციის ნაწილი მანდატის მიღებას დათანხმდა, პროტესტის ამ ფორმამაც აზრი დაკარგა, ამ ფაქტის შემდეგ, აზრი რომ შეეცვალათ, დღეს 30-მდე ოპოზიციონერი იქნებოდა უმაღლეს საკანონმდებლო ორგანოში, ეს კი ნამდვილად შეცვლიდა ვითარებას როგორც პარლამენტში, ასევე ზოგადად ქვეყნაშიც. - ანუ თქვენ ”სხვების ხათრით” თქვით უარი პარლამენტში შესვლაზე? - ოპოზიცია მაშინ ერთიანი ფრონტით გამოდიოდა და საერთო გადაწყვეტილებების მიღება იყო საჭირო, იმ ეტპაზე გავუფრთხილდი ოპოზიციის ერთიანობას და საჭიროდ ჩავთვალე რომ ეს ერთიანობა არ დამერღვია - და ახლა ვეღარ ხედავთ ერთიანობის საჭიროებას? - ახლა საჭიროებას ვხედავ, მაგრამ ერთიანობას ვეღარ ვხედავ, მაშინაც, ცოტა მეტი ერთიანობა რომ ყოფილიყო, ბევრად უკეთესი იქნებოად - კიდევ ვიმეორებ, ან ყველა უნდა შესულიყო პარლამენტში, ან არავინ - მაგრამ სამწუხაროდ ეს ასე არ მოხდა. - არასაპარლამენტო ოპოზიციის ბევრმა ლიდერმა, უარყოფითად შეაფასა თქვენი ნაბიჯი, იყო კრიტიკული გამოსვლებიც, ამ გადაწყვეტილების მიღებამდე თუ გაიარეთ კონსულტაციები თქვენს თანამებრძოლებთან? - მე მქონდა კონსულტაციები, ”ალიანსი თავისუფლებისთვის” წევრებთან,რომელშიც ჩემი პარტიაც შედიოდა და რომელცი აქციების დასრულების შემდეგ დაიშალა კიდეც. ისინი იზიარებენ ჩემს პოზიციას ამ გადაწყვეტილებასთნ დაკავშირებით. ასევე სექტემბერ-ოქტომბერში მე მქონდა კონსულტაციები საზღვარგარეთელ პარტნიოერბტან, და მათაც მიაჩნიათ რომ პარლამენტში შესვლა - სწორი გადაწყვეტილებაა. რაც შეეხება სხვა ოპოზიციურ პარტიებს, მე ვიცი მათი აზრი და ამიტომ მათთან ამ საკითხზე საუბარი საჭიროდ არ ჩავთვალე. - უკვე დაწიყო საუბარი ხელისუფლებასთან ფარულ გარიგებებზე - არანაირი გარიგება არ ყოფილა. ჩვენ არ ვმართავთ კონსპირაციულ შეხვედრებს სარდაფებში და ბუნკერებში. ჩვენ მათ სამჯერ შევხვდით და ეს სეხვედრები იყო საჯარო. ეს იყო ორი უშიშროების სხდომა და შეხვედრა შინაგან საქმეთა სამინისტრტოში. რაც შეეხება კომისიის შექმნას, გარიგებასთან არავითარი კავშირი არ აქვს. - პარლამენტში მხოლოდ საგამომძიებლო კომისიის გამო შედგახართ? გამოითქვა მოსაზრება რომ ეს კომისია პარლამენტში თქვენს შესატყუებლად შეიქმნა - პარლამენტში მხოლოდ ამ კომისიის გამო არ შევდივარ, პირველ რიგში, რათქმაუნდა კომისიაში მუშაობაა, რომელშიც ძალზე აქტიურად ჩავერთვები, მაგრამ არის კიდევ ბევრი სხვა საკითხი, რომელიც მნიშვნელოვნად მიმაშნია, ეს არის თუნდაც საარჩევნო გარემოს გაუმჯობესება, პოლიტპატიმრების და სოციალური საკითხები. - რატომ მაინცდამაინც ახლა? წინა საპარლამენტო მოწვევის დროს კონსერვატორებს ჰქონდათ პირველი პრეზიდენტის მკვლელობის საქმის გამოძიების საკითხი წამოყენებული, რასაც უმრავლესობამ ყურადღება არ მიაქცია. რატომ გგონიათ რომ ახლაა შესაფერისი დრო ამ გამოძიების დასაწყებად ან პარლამენტში შესასვლელად? - სჯობს გვიან, ვიდრე არასდროს. სხვათაშორის ამ გამოძიებას მე 2004 წლიდან ვიხთოვ -მას შემდეგ რაც საქართველოში ჩამოვედი. პირველად მაშინ დავაყენე ეს საკითხი. პირადად მე გამოძიება უკვე დიდი ხნის წინ მქონდა დაწყებული და არაერთი ფაქტი და მასალა მაქვს, ამ მასალებზე დაყრდნობით გადაღებულია ორი ფილმი ”დინების საწინააღმდეგოდ” ამ კომისიის მუშაობა კი, გპირდებით რომ, ძალიან საინტერესო ფაქტებს და მასალებს დადებს. - საუბარია იმაზეც, რომ თქვენ შესაძლოა იყოთ კომისიის თავმჯდომარე - ამ საკითხზე ჯერ საუბარი არ ყოფილა, მაგრამ თუ იქნება მსგავსი შემოთავაზება, მე სერიოზულად დავფიქრდები ამაზე. - ბატონო კონსტანტინე, პარლამენტში შესვლა ნიშნავს თუარა, რომ ქუჩის აქციებში, რომელზეც საუბარს ოპოზიციამ მოუხშირა, თქვენი ხილვა გამორიცხულია? - გამორიცხული ნამდვილად არ არის, შევხედავ... დავაკვირდები სიტუაციას და შესაბამის გადაწყვეტილებას მივიღებ, ჯერ უნდა დავრწმუნდე, რომ მათი მოქმედება სერიოზული იქნება, საქმე მარტო ის კი არ არის, რომ აქციები დაიწყონ, მთავარია როგორ დაიწყებ ამ ყველაფერს. როდესაც ვიცით რას ვაკეთებთ, კარგი გეგმა გვაქვს, და ალტერნატიული გეგმაც, თუ კი პირველი არ იმუშავებს, რა თქმა უნდა შედეგი ყოველთვის იქნება. ჩემს შემთხვევაში სტრატეგია უცვლელია, იცვლება მხოლოდ ტაქტიკა. - მაინც რა უნდა შეცვალოს არასაპარლამენტო ოპოზიციამ თავის გეგმაში, რომ ისევ საერთო სცენაზე დადგეთ? - იცით, მე მათ რეცეპტებს ვერ მივცემ. თავის დროზე ჩვენმა პარტიამ გარკვეული რეცეპტები წამოაყენა, რაც მათ არ გაითვალისწინეს. - თუ შეიძლება დაგვიკონკრეტეთ რა რეცეპტებზეა საუბარი? -თუნდაც იგივე ეროვნული კრება და ალტერნატიული მთავრობა. ეს ჩვენი მხრიდან იყო ინიცირებული. სხვათაშორის ეროვნული კრება ჩემი იდეა იყო. ალტერნატიული მთავრობა კი გია მაისაშვილის. - რომელიმე პარტიასთან თუ აპირებთ თანამშრომლობას? - ჯერ არ ვიცით. ალბათ, კი. გვექნება კონსულტაციები. ვითანამშრომლებთ იმ პარტიასტან, რომელიც სურვილს გამოთქვამს. ნაკლებად გავერთიანდებით საპარლამენტო ოპოზიციასათან, რადგან როგორც ავღნიშნე დემოკრატიულობა აკლიათ, პარლამენტში დამოუკიდბებლი დეპუტატის რანგში ვიქნები. http://www.fact.ge/news.aspx?i=463bfbe6-eb...0b-aaba467de6eb შენი ნატრაკი არ გაიშვა კოკო ლინკი სოციალურ ქსელებში გაზიარება More sharing options...
ლ ი ც ი Posted October 26, 2009 Author დარეპორტება გაზიარება Posted October 26, 2009 ქართული პრესის მიმოხილვა 26.10.2009http://www.interpressnews.ge/ge/index.php/...ink/114250.html ლინკი სოციალურ ქსელებში გაზიარება More sharing options...
ლ ი ც ი Posted October 28, 2009 Author დარეპორტება გაზიარება Posted October 28, 2009 (edited) გელა ბეჟუაშვილი - პანკისის თემამ ცუდად გაიჟღერა28 / 10, 2009 13:30 პანკისის თემამ ცუდად გაიჟღერა, -ასეთი განცხადება გააკეთა საგარეო დაზვერვის სამსახურის ხელმძღვანელმა, გელა ბეჟუაშვილმა პარლამენტში მიმდინარე "ნდობის ჯგუფის" შეხვედრამდე. ჟურნალისტებთან საუბრისას, თუმცა საკითხის დასმის კონკრეტიზაციისაგან თავიმისივე თქმით, დღეს ჯგუფს მიაწვდის მის ხელთ არსებულ ყველა ინფორმაციას , რის შესახებაც უფრო კონკრეტულად შეხვედრის დასრულების შემდეგ ისაუბრებს.ამასთან, გელა ბეჟუაშვილი მხოლოდ იმას ადასტურებს, რომ საგარეო დაზვერვის სამსახურის დაფინანსება მცირდება. თუმცა, არ აკონკრეტებს, მოითხოვს თუ არა კატეგორიულად დაფინანსების შენარჩუნებას ან გაზრდას. ბეჟუაშვილს, ასევე, კონკრეტულად არაფერი უთქვამს "ქრისტიან-დემოკრატების" ინიციატივასთან დაკავშირებით, რომელიც პანკისში მონიტორინგის ჯგუფის ჩასვლას ეხება. საგარეო დაზვერვის სამსახურის ხელმძღვანელის თქმით, დეპუტატებს ამის უფლება აქვთ, მისი კომპეტენცია კი საქართველოს საზღვრებს გარეთ ვრცელდება. ნდობის ჯგუფის შეხვედრა პარლამენტში უკვე ერთი საათია, მიმდინარეობს. ჯგუფთან შეხვედრას ამ დროისთვის საზღვრის დაცვის დეპარტამენტისა და კონტრტერორისტული ცენტრის ხელმძღვანელები მართავენ.ნდობის ჯგუფის შეხვედრა დახურულია და რეგლამენტის მიხედვით, ხოლო სხდომის დეტალები საიდუმლოდ უნდა დარჩეს.როგორც ცნობილია, რუსეთმა არაერთხელ გააკეთა განცხადება, რომ პანკისის ხეობაში ტერორისტები იმყოფებიან. ამის შემდეგ "ქრისტიან-დემოკრატებმა" "ნდობის ჯგუფის" შეხვედრა მოითხოვეს. http://www.interpressnews.ge/ge/index.php/...l&hd_line=1 სარჩულს ხომ არ კერავენ ღორები? Edited October 28, 2009 by ლ ი ც ი ლინკი სოციალურ ქსელებში გაზიარება More sharing options...
ლ ი ც ი Posted October 28, 2009 Author დარეპორტება გაზიარება Posted October 28, 2009 ქართული პრესის მიმოხილვა 28.10.2009 • “დაკავებულ ქართველებს 2 დღეში გაათავისუფლებენ”• გია ჭანტურია: “როგორ მოვახერხოთ ღია ეთერი, არ ვიცი...”• მონიტორინგის ჯგუფის პირველი ვიზიტი პანკისის ხეობაში ხუთშაბათისთვის არის დაგეგმილი “დაკავებულ ქართველებს 2 დღეში გაათავისუფლებენ” “დე ფაქტო საზღვრის უკანონო გადაკვეთისთვის რუსი მესაზღვრეების მიერ ორი დღის წინ დაპატიმრებულ ქართველებს ორ დღეში გაათავისუფლებენ. როგორც ე.წ. სამხრეთი ოსეთის რუსპუბლიკის პარლამენტის ერთ-ერთმა წევრმა ვლადიმერ გაბარაევმა “რეზონანსთან” საუბრისას აღნიშნა, ახალგორის რაიონულ პროკურატურაში მყოფ ქართველ დაკავებულებს მცირედი თანხით დააჯარიმებენ და გაუშვებენ”, - წერს გამოცემა სტატიაში სათაურით დაკავებულ ქართველებს ოსები 2 დღეში გაათავისუფლებენ.“შემოწმების შედეგად თუკი დადგინდა, რომ აღნიშნული ტერიტორია სამხრეთ ოსეთს ეკუთვნის, დაკავებულებს ცხინვალში გადაიყვანენ, წინააღმდეგ შემთხვევაში კი ქართულ მხარეს გადასცემენ” - აცხადებენ ოკუპანტების წარმომადგენლები. “ფაქტზე მოკვლევა მიმდინარეობს. ერთადერთი, რაც შემიძლია ამ ეტაპზე გითხრათ, ის არის, რომ დაკავებულებს, რა თქმა უნდა, აქვთ საკვები და ისინი ნორმალურ პირობებში არიან”, - ამბობს ახალგორის ოსური ადმინისტრაციის ხელმძღვანელის მოადგილე ალექსანდრე ბარათაშვილი.“არც მანქანების სიმრავლე ან რამე სიგნალები და ხმაური... სავსებით წყნარად მოხდა დაკავებულთა ახალგორის პროკურატურაში გადაყვანა. იმდენად წყნარად, რომ ვერავინ ვერაფერი გავიგეთ. შემთხვევით, იქაურ ადმინისტრაციაში ყოფნისას მოვკარი ყური და ერთ-ერთ ოს ჩინოვნიკს ვკითხე, ადმინისტრაციის შენობაში რა ხდება-მეთქი; არაფერი, ვიღაცები ჰყავთ დაკითხვაზე, ადრე აქ მკვლელობა მოხდა, იმის გამოო. ანუ ყველაფერი თითქმის ტელევიზიიდან გავიგეთ”, - აცხადებს გამოცემისთვის მიცემულ კომენტარში ახალგორის ერთ-ერთი მკვიდრთაგანი.“ახალგორელებისავე ინფორმაციით, დაკავებულები დღემდე ახალგორის პროკურატურაში ჰყავთ და როგორც “რეზონანსთან” საუბრისას აცხადებენ, საკვები პროდუქტებით (ძირითადად პურით) ახალგორის პოლიცია მასპინძლობს. “როგორც აქ ამბობენ, დუშეთში ქართული რაღაც სამხედრო ქვედანაყოფი ყოფილა. მათთან ერთად ოსი სამხედროებიც მისულან და ის უნდა გაერკვიათ, მართლა დაარღვიეს დე ფაქტო საზღვარი დაკავებულებმა თუ არა” - ამ ინფორმაციასაც ქსნისხეველები გვაწვდიან. ახალგორის ოსური ადმინისტრაციის ხელმძღვანელის მოადგილის განცხადებით, დაკავებულთა შორის არასრულწლოვანი არ არის”, - აღნიშნავს გამოცემა. “გატაცებული ქართველები ამჟამად ახალგორში იმყოფებიან. მათი გათავისუფლების პროცესში აქტიურად ჩაერთნენ ევროკავშირის დამკვირვებლები და ველოდებით შედეგებს... უკონტროლო და ოკუპირებული ტერიტორიებიდან პროვოკაციები ყოველთვისაა მოსალოდნელი”, - აცხადებს საქართველოს შსს-ს საინფორმაციო-ანალიტიკური დეპარტამენტის უფროსი შოთა უტიაშვილი გაზეთ “ვერსიაში” გამოქვეყნებულ ინტერვიუში, სათაურით შოთა უტიაშვილი: “შსს ოკუპირებულ ტერიტორიებზე დამატებითი პოსტების გახსნას არ აპირებს”.“ამ ეტაპზე ოკუპირებული ტერიტორიების მიმდებარედ დამატებითი პოსტების გახსნას არ ვგეგმავთ”, - ამბობს რესპონდენტი და შეკითხვას - “ადგილობრივ არც რამე სახის პრევენციული ხასიათის ღონისძიებების განხორციელებას აპირებთ?” - პასუხობს:“ქართველი პოლიციელები, საკუთარი სიცოცხლის რისკის ფასად, ცდილობენ ადგილობრივი მოსახლეობის უსაფრთხოების უზრუნველყოფას. ყველამ კარგად იცის, რამდენი თავდასხმა მოხდა ბოლო პერიოდში ქართველ პოლიციელებზე... ადგილობრივ მოსახლეობას ჩვენც ვუხსნით და ადგილობრივი თვითმმართველობის ორგანოებიც, არ გადავიდნენ იმ ტერიტორიებზე, სადაც რუსი სამხედროები დადიან”. გია ჭანტურია: “როგორ მოვახერხოთ ღია ეთერი, არ ვიცი...” “ტელეკომპანია “კავკასიის” სიუჟეტმა ვიდეორგოლის შესახებ, რომელიც თეა თუთბერიძემ - “თავისუფლების ინსტიტუტის” აქტივისტმა, “ფეისბუკის” საკუთარ გვერდზე დადო, დიდი ვნებათაღელვა გამოიწვია პოლიტიკურად მოწყენილ ქართულ საზოგადოებაში. ამ ვნებათაღელვის საგანი გარეგნულად რელიგიურია: პარტიარქს შეურაცხყოფა მიაყენეს, მორწმუნე საზოგადოება მის დასაცავად აღდგა. მაგრამ ეს მხოლოდ ზედაპირული პლასტია პრობლემისა - თუმცა არა უგულებელსაყოფი. სკანდალმა კიდევ ერთხელ და ძალიან მკაფიოდ გამოამჟღავნა ორი საკმაოდ მძიმე ავადმყოფობა, რომელიც ჩვენი საზოგადოების დიდ ნაწილს შეყრია. ერთია საჯაროსა და პირადის ვერგარჩევა, მეორე - პრაქტიკულად ყვედა მოვლენის პოლიტიკური შეთქმულების ტერმინებში განხილვა”, - წერს გია ნოდია გაზეთ “24 საათში” გამოყვეყნებულ სტატიაში, სათაურით ორი ავადმყოფობა.“ფეისბუკის” გვერდი პირადი (კერძო, პრივატული) სფეროა და არა საჯარო... ზოგადად, ინტერნეტი საჯარო სივრცეა, მაგრამ მისი ცალკეული კომპონენტები (ვებგვერდები) შეიძლება საჯაროც იყოს და დახურულიც. “ფეისბუკის” ქსელით ურთიერთობ მხოლოდ იმათთან, ვისაც მეგობრად “აღიარებ”... თეა თუთბერიძის შეხედულებებს ან მათი გამოხატვის მანერას შეიძლება დაეთანხმო ან არ დაეთანხმო - ამ სტატიაში შეგნებულად არ განვიხილავ ამ საკითხს. მაგრამ ადამიანთა რელიგიური გრძნობების შეურაცხყოფის ბრალდება, დანიურ გაზეთში გამოქვეყნებულ კარიკატურებთან შედარება, უბრალოდ, უმეცრების გამოხატულებაა... ბევრი ადამიანი შესაძლოა ვერ ერკვეოდეს, რა განსხვავებაა ინტერნეტის საჯარო და კერძო ნაწილებს შორის, მაგრამ ტელეკომპანია და მისი ჟურნალისტი მოვალენი არიან, ეს კარგად ესმოდეთ. “კავკასიაში” გასულმა სიუჟეტმა შეგნებულად და თანმიმდევრულად გაასაღა კერძო წრეში ნათქვამი საჯარო განცხადებად”, - აღნიშნავს გია ნოდია და დასძენს:“ვისაც სჯერა, რომ ამ ქვეყნად ყველაფერს ან თითქმის ყველაფერს ვანო მერაბიშვილი აკონტროლებს, ამ რწმენით დარჩება. მაგრამ პრობლემაც - და პათოლოგიაც - ისაა, რომ ამ რწმენის მატარებლებს არ სჯერათ, რომ ადამიანმა (თუნდაც ისეთმა, ვისაც ხელისუფლებაში მეგობრები ჰყავს) შეიძლება ერთ მშვენიერ დღეს გადაწყვიტოს და საკუთარ ვებგვერდზე რაღაც დადოს იმიტომ, რომ იმ წუთში ასე მოეპრიანა, და არა იმიტომ, რომ ვანო მერაბიშვილმა დაავალა”.“საპატრიარქო საზოგადოებრივ მაუწყებელს სთხოვს პირდაპირ ეთერს, რათა მრევლს მიმართოს და საზოგადოებას თავშეკავებისკენ მოუწოდოს”, - წერს გაზეთი “რეზონანსი” სტატიაში სათაურით საპატრიარქო საზოგადოებრივი მაუწყებლის პირდაპირ ეთერში დებატებს ითხოვს / გია ჭანტურია: “პირველი არხი მზადაა, “მოამბის” ფორმატში საპატრიარქოს პირდაპირი ეთერი დაუთმოს”.“რომელ პროგრამაში დავუთმო პირდაპირი ეთერი, მითხარით? არ გვაქვს გადაცემები, გაჩერებულია ყველაფერი, “მოამბის” გარდა. “მოამბემ” კი სამჯერ გააშუქა ეს თემა. ამ წუთში არ გვაქვს არც ერთი ტოკშოუ. როგორ მოვახერხოთ ღია ეთერი, არ ვიცი... თუნდაც ჩართვა საპატრიარქოდან, პირდაპირი ეთერი, როგორ გამოვყო, ერთი საათი მივცე და თავად გააკეთებენ გადაცემას? კამერა ჩავურთო და ერთი საათი ილაპარაკონ? “მოამბიდან” მიდიან და აშუქებენ. ტელევიზიას თავისი წესები აქვს და ასე მარტივად არ ხდება რაღაცების კეთება”, - აცხადებს პირველი არხის გენდირექტორი გია ჭანტურია და შეკითხვას - “გასაგებია, რომ თავისი წესები აქვს და სწორედ ამიტომ გეკითხებით, რამდენად შესაძლებელია საპატრიარქოს მოთხოვნის დაკმაყოფილება დღეს?” - პასუხობს:“ამისთვის გვაქვს საინფორმაციო გამოშვება, ყოველთვის მზად ვართ, მივიდეთ და გავაშუქოთ ნებისმიერი განცხადება, ამას გარდა, როდესაც ჩვენ დავიწყებთ ტოკშოუებს, აუცილებლად მოვიწვევთ და ამ თემას განვიხილავთ. არასოდეს პრობლემა არ გვქონია მათთან ურთიერთობის და არც ახლა გვექნება. ყოველთვის ღია იყო ჩვენი კარი მათთვის და არც ახლა არ შეცვლილა არაფერი. უბრალოდ, ამ ეტაპზე არ გვაქვს გადაცემები. რა, სპეციალური გადაცემა გავაკეთოთ? ამას სჭირდება სერიოზული ხარჯები და პლუს დრო, რასაც ვერ მოასწრებთ. ამიტომ ჯობს, ის არსებული ფორმატები გამოვიყენოთ, რომელიც დღეს გაგვაჩნია. რაც შეეხება პირდაპირ ეთერს, განცხადებებსა და ასე შემდეგ, ამის გასაშუქებლად ყოველთვის მზად ვართ. შეგვიძლია, “მოამბეში” გავაშუქოთ ყველაფერი. ნოემბრიდან უკვე არსებულ ტოკშოუებშიც მოვიწვევთ და თემატურადაც მოვაწყობთ დებატებს ამ თემაზე”. მონიტორინგის ჯგუფის პირველი ვიზიტი პანკისის ხეობაში ხუთშაბათისთვის არის დაგეგმილი “ფრაქცია “ქრისტიან-დემოკრატები” გამოდიან ინიციატივით, შეიქმნას სპეციალური მონიტორინგის ჯგუფი. ფრაქციის წევრ ნიკა ლალიაშვილის თქმით, სპეციალური მონიტორინგის პირველი ვიზიტი პანკისის ხეობაში ხუთშაბათისთვის არის დაგეგმილი, დიპლომატების ნაწილმა უკვე გამოთქვა სურვილი, მონაწილეობა მიიღოს ჯგუფის მუშაობაში. დეპუტატი მათ ვინაობას ჯერჯერობით არ აკონკრეტებს. მისი თქმით, ამ ჯგუფმა ადგილზე უნდა ნახოს, რომ პანკისის ხეობა თავისუფალია ყოველგვარი ბოევიკების ბაზებისგან”, - წერს გაზეთი “ახალი თაობა” სტატიაში სათაურით პანკისის ხეობა ისევ საშიში ხდება?“წესით, რუსულ მხარეს სურვილი უნდა ჰქონდეს, მონაწილეობა მიიღოს მონიტორინგის ჯგუფის მუშაობაში. თუ ეს არის წმინდა წყლის პოლიტიკური ჟონგლიორობა და უპატიოსნო ნაბიჯებით ცდილობენ, რომ შემდგომში გაამართლონ რამე სახის სამხედრო გართულებები და პროვოკაცები საქართველოში, მაშინ ამ ჯგუფში მონაწილეობას აზრი არ აქვს. არაფერ შუაში არ არის დიპლომატიური ურთიერთობა, ჩვეულებრივად შეიძლება ჩამოვიდნენ არასამთავრობო ორგანიზაციების წარმომადგენლები, რომლებიც რუსეთში გარკვეული ავტორიტეტით სარგებლობენ პოლიტიკურ ისტებლიშმენტში... რამე მოლაპარაკება ამ კუთხით რუსულ მხარესთან არ გვაქვს. თუ მედიით გავრცელდება ეს ინფორმაცია, სათანადო დონეზე მოხდება რუსული მხარის ინფორმირება... ჩვენ, ალბათ, გავუგზავნით დუმაში რომელიმე ფრაქციას წერილს”, - ამბობს ნიკა ლალიაშვილი გამოცემის კორესპონდენტთან საუბრისას.“სხვათა შორის, წლების წინ, პანკისის კრიზისის პერიოდში, ზუსტად ასე გავაკეთეთ და ის ხალხი, ვინც ხელს იშვერდა, საქართველოში ჩამოვიყვანეთ. ესენი იყვნენ ფეესბეს მაღალჩინოსნები და თავად დარწმუნდნენ, რომ პანკისის ხეობაში არაფერი ხდებოდა. სამწუხაროდ, ამას რუსული პოლიტიკური ელიტის შეხედულებები არ შეუცვლია და ასეთი ტიპის ვიზიტებს მაინც მოჰყვა ე.წ. პრევენციული დარტყმები. თუ რუსეთი უარს იტყვის მონიტორინგის ჯგუფის მუშაობაზე, ეს ავტომატურად იმას ნიშნავს, რომ წინასწარ რაღაც გეგმა აქვს მომზადებული”, - განმარტავს გამოცემის რესპონდენტი.“რასაკვირველია, როცა საქმე რუსეთთან გვაქვს, აქ თეორიულად ვერანაირ საფრთხეს ვერ გამოვრიცხავ, მაგრამ ეს რომ რეალური იყოს და მხოლოდ საქართველოს ემუქრებოდეს, ეს განჭვრეტა მომავლისთვის მწვავე, აქტუალურ საკითხად არ მიმაჩნია. ამიტომ ახმედ ზაკაევის ცნობილი განცხალება უფრო ფართომასშტაბიან მოვლენებს შეეხებოდა. ის ძირითადად შეეხება რუსეთის პოლიტიკასა და ამ პოლიტიკის კონკრეტულ შედეგებს მთელ ჩრდილოეთ კავკასიაში”, - აცხადებს პოლიტოლოგი სოსო ცინცაძე გაზეთ “ახალი თაობის” კორესპონდენტთან საუბრისას, სტატიაში სათაურით ევროპის შეშფოთება ყელში ამოგვივიდა / რუსეთისგან საფრთხე ყველას ელოდება.“ჩემი აზრით, აქ აკრედიტებული უცხოელი ჟურნალისტები ან დაპატიჟებულები უნდა შემოვატაროთ პანკისის ხეობაში... ეს ხეობა ალბათ დღესაც ბევრს ახსოვს. პანკისის ხეობა იმდენ ბრუნვაში იხმარებოდა მთელი ათი წლის განმავლობაში, რომ ბევრს კიდევ ახსოვს და გათვლაც სწორედ მათზეა. მაგრამ ის, რომ ამას რუსეთის გამოიყენებს და დაიწყებს შეტევას, მე არ მჯერა”, - ამბობს სოსო ცინცაძე და დასძენს:“რუსეთის ღია აგრესიის შემდეგ უკვე ბალტიისპირეთის ქვეყნებს ემუქრებათ საფრთხე; ნახეთ რა მნიშვნელოვანი მომენტია. ნატო-ს, ევროკავშირის წევრები არიან და მაინც ეშინიათ; თავს ბოლომდე დაცულად მაინც არ გრძნობენ. უკვე აბსურდამდე მივიდა ეს სიტუაცია, რომ უკვე ნატო-ს წევრი პოსტსაბჭოთა ქვეყნებიც თავს ქოლგის ქვეშ ვეღარ გრძნობენ. კი ბატონო, პოლონეთი ორმოცმილიონიანი ქვეყანაა, ჩეხეთიც სხვაა, მაგრამ ბალტიისპირა ყოფილი საბჭოთა ქვეყნები სრულად თავს დაცულად ვერ გრძნობენ. ამიტომ მოითხოვენ ევროპისგან დაცვის უფრო მეტ გარანტიებს. იგივე ნატო-სგან მოითხოვენ უსაფრთხოების მეტ გარანტიებს. მაგრამ ნატო არ იძლევა ასეთ გარანტიებს. ელემენტარუულად, არსებობს ის მეხუთე პუნქტი, რომ ერთზე თავდასხმა ყველაზე თავდასხმას ნიშნავს, მაგრამ დღეს უკვე თვითონ თავდასხმა, აგრესია რა არის, ამასაც უკვე მრავალი კუთხიდან უდგებიან და ყველას თავისის განმარტება აქვს ამ აგრესიის. დღეს, როდესაც მთელი ევროპა ამბობს, რომ ომი საქართველომ თავად დაიწყოო, არავინ აკონკრეტებს და არავინ ჩაწვდება სიღრმეს, საქართველოს ჰქონდა თუ არა უფლება, რომ გაესროლა. ეს არის მთავარი. და სწორი იყო, როგორც ერთ-ერთმა ევროპულმა გაზეთმა დაზერა, რომ საქართველოს წაართვესო თავდაცვის უფლება”. http://www.interpressnews.ge/ge/index.php/...ink/114513.html ლინკი სოციალურ ქსელებში გაზიარება More sharing options...
Recommended Posts