დღეს, 16 ნოემბერს 10250 აფხაზეთიდან დევნილის ხელმოწერით პარლამენტში პეტიცია შეიტანა იძულებით გადაადგილებულ პირთა ასოციაციამ “ დევნილები დევნილებისთვის”. დევნილები ყოველთვიური 45 ლარიანი შემწეობის გაზრდას ითხოვენ.

“გამომდინარე დევნილთა საჭიროებებიდან, უამრავი გამოკითხვიდან, რომელიც ჩავატარეთ დევნილთა შორის, გთხოვთ გაითვალისწინოთ ეს ინფორმაცია და 2024 წლის ბიუჯეტში 45 ლარიანი შემწეობა გაუთანაბროთ საარსებო მინიმუმს, ასევე გთხოვთ, მოიხსნას მასთან დაკავშირებული ყველა შეზღუდვა (მათ შორის სახელფასო ზღვარი და საზღვრის კვეთა). ჩვენი ღრმა რწმენით სახელმწიფო უნდა ზრუნავდეს დევნილთა თემის სოციალურ და ეკონომიკურ გაძლიერებაზე და არა მის დასუსტებაზე, – ვკითხულობთ პეტიციის ტესტში.

ნეტგაზეთი