,,განცხადების ბოლომდე დამაკლდა, რომ იტყოდნენ, რომ თურმე ეხლა დაწყებული აქვთ ნაცმოძრაობაში საბურავების შეგროვება. სერიოზულად ამის კომენტირება უბრალოდ წარმოუდგენელია. როგორც ჩანს, სუს-ში ბევრი იფიქრეს, როგორ გადაფარებოდნენ ფარცხალაძეს და როგორ გადაეფარათ ეს სკანდალური თემა და აი, მოიფიქრეს ეს.“ - ასე შეაფასა ერთიანი ნაციონალური მოძრაობის წევრმა, ირაკლი ნადირაძემ სახელმწიფო უსაფრთხოების სამსახურის მიერ გავრცელებული განცხადება, რომლის მიხედვითაც, ოქტომბერ-დეკემბრის პერიოდში საქართველოს ტერიტორიასა და მის ფარგლებს გარეთ მოქმედი პირთა გარკვეული ჯგუფი ხელისუფლების გადაყენების მიზნით ქვეყანაში არეულობის მოწყობას გეგმავს.