ჯანმრთელობის პრობლემების მქონე აბიტურიენტს დამატებით დაუშვებენ ეროვნულ გამოცდაზე — სასამართლო გადაწყვეტილება
Entry posted by tvati in ახალი ამბები ·
67 views
სასამართლომ “შეფასებისა და გამოცდების ეროვნულ ცენტრს” დაავალა ეროვნულ გამოცდაზე დამატებით დაუშვას აბიტურიენტი, რომელიც წერილობითი მოთხოვნის მიუხედავად არ დაუშვა ეროვნულ გამოცდაზე. ამის შესახებ განცხადებას “პარტნიორობა ადამიანის უფლებებისთვის” აქვეყნებს. სწორედ ამ ორგანიზაციამ შეიტანა სასამართლოში სარჩელი.
საქმე ეხება აბიტურიენტს, რომელმაც ჯანმრთელობის მდგომარეობის გამო, ვერ შეძლო გამოცდაზე დასწრება. კერძოდ, მას კბილის მწვავე ტკივილები ჰქონდა და ჩაუტარდა ოპერაცია, რამაც გართულება გამოიწვია. ორგანიზაციის შეფასებით, მან წერილობით მიმართა შეფასებისა და გამოცდების ეროვნულ ცენტრს, თუმცა უშედეგოდ.
იმ შემთხვევაში, თუ სასამართლო არ დააკმაყოფილებდა PHR-ის მოთხოვნას, აბიტურიენტი ერთ სასწავლო წელს კარგავდა.
ნეტგაზეთი
0 Comments
Recommended Comments
There are no comments to display.