საგარეჯოს მუნიციპალიტეტში სეტყვამ, წვიმამ და ძლიერმა ქარმა 5 სოფელი დააზარალა. დაისეტყვა საკარმიდამო ნაკვეთები, ხეხილის ბაღები და ვენახები.

სეტყვა მოვიდა სოფლებში დიდი და პატარა ჩაილური, მანავი, ყანდაურა და ბადიაური.

საგარეჯოს მერიაში რადიო თავისუფლებას უთხრეს, რომ ამავე სოფლებში დაზიანებულია შიდა საუბნო გზები და რამდენიმე საცხოვრებელი სახლი. მერის, ავთანდილ გულიკაშვილის თქმით, ინფრასტრუქტურის სამსახურის შესაბამისმა ჯგუფმა ზარალის აღრიცხვა უკვე დაიწყო.

დღეს, 13 აპრილს, სეტყვა და ძლიერი ქარი იყო გურჯაანსა და ლაგოდეხშიც. წინასწარი ინფორმაციით, ამ მუნიციპალიტეტებში მოსახლეობა არ დაზარალებულა.

რადიო თავისუფლება