„დიდი საშიშროებაა „აგენტების“ კანონის მიღების შემთხვევაში მოხდეს გადახედვა იმ გრანტების, რომელსაც სხვადასხვა პროექტების განხორციელებისთვის იღებს სახელმწიფო,“ - ამის შესახებ ევროკავშირი-საქართველოს ბიზნესსაბჭოს გენერალურმა მდივანმა სანდრო ჭუმბურიძემ რადიო „პალიტრასა“ და „პალიტრანიუსის“ გადაცემაში „საქმე“ განაცხადა.

აღსანიშნავია, რომ „ქართული ოცნების“ ხელისუფლებაში მოსვლის შემდეგ, 2013 წლიდან მოყოლებული საქართველოს დონორებისგან 3.943 მლრდ ლარის გრანტები აქვს მიღებული.

მათ შორის მიმდინარე, 2023 წელს სხვადასხვა საერთაშორისო ორგანიზაციისგან თუ საფინანსო ინსტიტუტისგან დაგეგმილია 279 550 000 ლარის მიღება გრანტების სახით. აქედან თანხების მიმართვა დაგეგმილია ისეთ პროექტების განხორციელებაზე, როგორიცაა: სკოლების რეაბილიტაცია, ენერგეტიკის სექტორის რეფორმირება, სხვადასხვა რაიონების წყალმომარაგების უზრუნველყოფა, პროფესიული განათლების პროგრამა, ვარდნილისა და ენგურის ჰიროელექტროსადგურების რეაბილიტაცია და ა.შ.

 

თაია არდოტელი