“ვერ ვირწმუნებთ ხელისუფლების კეთილსინდისიერებას და გულწრფელობას, როდესაც Evolution Georgia-ში გაფიცვის 37-ე დღეა, აქედან 6 დღეა დასაქმებულები შიმშილობენ ღირსეული შრომითი პირობებისთვის და ხელისუფლება ამ დრომდე დუმს. თუ საკუთარ პოზიციას არ დააფიქსირებს, განცხადებას არ გააკეთებს, პროცესებში არ ჩაერთვება სრულ პასუხისმგებლობას შემდგომში განვითარებულ მოვლენებზე ხელისუფლებას და კომპანიას ვაკისრებთ.

ვერ ვირწმუნებთ საქართველოს პრეზიდენტის გულწრფელობას, თუ განცხადებას არ გააკეთებს, მითუმეტეს რომ გაფიცულებმა რამდენიმეჯერ მიმართეს. ვერ ვირწმუნებთ სახალხო დამცველის დამოუკიდებლობას თუ ადგილზე არ მოვა და მდგომარეობაში არ გაერკვევა, მოშიმშილეებს არ მოინახულებს”, – წერს გიორგი დიასამიძე სოციალურ ქსელში და მოუწოდებს, მათ შორის, ოპოზიციურ პარტიებს, დაინტერესდნენ აღნიშნული საკითხით.