"გახარია საქართველოსთვის" - „ოცნება“ არამხოლოდ სარგებლობს ქოლ-ცენტრებიდან მიღებული შავი ფულით, რომელსაც საარჩევნო კამპანიის დასაფინანსებლად იყენებს, არამედ ქოლ-ცენტრების ინფრასტრუქტურა ხელისუფლებისთვის მოქალაქეების დაშინების ინსტრუმენტია
Entry posted by tvati in ახალი ამბები ·
137 views
პარტია "გახარია საქართველოსთვის" განცხადებას ავრცელებს, რომელსაც უცვლელად გთავაზობთ:
"ხელისუფლების ინტერესთან დაკავშირებული კიდევ ერთი მაგალითი გვსურს მივაწოდოთ საზოგადოებას, რაც ადასტურებს, რომ „ოცნება“ არამხოლოდ სარგებლობს ქოლ-ცენტრებიდან მიღებული შავი ფულით, რომელსაც საარჩევნო კამპანიის დასაფინანსებლად იყენებს, არამედ ქოლ-ცენტრების ინფრასტრუქტურა ხელისუფლებისთვის მოქალაქეების დაშინების ინსტრუმენტია.
2024 წლის 6 და 7 ივნისს მტკიცებულებებზე დაფუძნებული განცხადებები შევიტანეთ სპეციალურ საგამოძიებო სამსახურში. ვითხოვდით ხელისუფლების მიერ აქციის მონაწილე ახალგაზრდების, ქალების, ბავშვების მიმართ ორგანიზებულ სისტემურ ფიზიკურ და ფსიქოლოგიურ ძალადობაზე და ძალადობის მუქარაზე გამოძიების დაწყებას „დევნის“ კვალიფიკაციით.
სახელმწიფოს დღემდე რეაგირება არ მოუხდენია. სისტემურ დანაშაულში ხელისუფლების კვალის დასაფარად და ზონდერებითვის წინასწარ შეპირებული ხელშეუხებლობის უზრუნველსაყოფად, განცხადებები არაუფლებამოსილ უწყებაში - შინაგან საქმეთა სამინისტროში გადაიგზავნა და დღეს ამ დანაშაულებს „ოცნება“ ამნისტიას უცხადებს. უმოქმედოა საქართველოს პროკურატურაც.
შესაბამისად, გუშინ კიდევ ერთხელ მოვუწოდეთ „ოცნებას“ შექმნას საპარლამენტო საგამოძიებო კომისია ქოლ-ცენტრების საქმეზე. ის, რომ საგამოძიებო კომისიის შექმნა ხელისუფლების ინტერესში არ შედის, ნათლად გამოჩნდა 2023 წლის აპრილში, როცა „ოცნებამ“ საბოტაჟი მოაწყო პარლამენტში და ჩვენს ინიციატივას ხმა არ მისცა.
საგამოძიებო კომისიის შექმნაზე ამჯერადაც უარი და სპეციალურ საგამოძიებო სამსახურში შეტანილი ფაქტების გამოუძიებლობა, კიდევ ერთხელ დაადასტურებს ქოლ-ცენტრების დანაშაულებრივ სქემაში „ოცნების“ ინტერესს და მის მონაწილეობას.", - ნათქვამია განცხადებაში.
0 Comments
Recommended Comments
There are no comments to display.