დღეს ციხეები სავსეა ლალისნაირი უდანაშაულო დამნაშავეებით. ჩვენ კი ვამბობთ, სამართალი მაინც იზეიმებსო, მაგრამ ყოველდღიურობაში პირიქით ხდება და სადამდე უნდა გაგრძელდეს ეს განუკითხაობა, ძნელი წარმოსადგენია. ალბათ ისევ ხალხმა უნდა ამოიღოს ხმა. მე ვფიქრობ, რომ ტყუილად გვაქვს ე.წ. მეოთხე ხელისუფლების (მასმედიის) იმედი, რომ ისინი გააშუქებენ ობიექტურად დღევანდელობას. დღევანდელი მასმედიაც (რა თქმა უნდა, ძირითადი უმრავლესობა, ზოგიერთი ინტერნეტ-გამომცემლის გარდა) ხომ სასამართლოსავით მთლიანად ჯიბეში ყავთ და პირიქით, მოსახლეობაში მხოლოდ შიშის დათესვის იარაღადაა გადაქცეული და შორს დგას ყოველგვარი ობიექტურობისგან. (ძირითადი უმრავლესობა მეთქი - იმიტომ რომ, უკანასკნელ ხანებში, ინტერნეტ სივრცეში გამოჩნდნენ აშკარად სახელმწიფოებრივად მოაზროვნე და პროფესიულად მაღალ დონეზე მდგარი ინტერნეტ-გამოცემები, ისეთი, როგორიცაა pres-cavcasia.ge და მისი გამომცემელი ქ-ნი ქეთევან სესიაშვილი). ხოლო ოპოზიცია (დღევანდელი ე.წ.ოფიციალური ოპოზიცია) ვერაფრის კი არა, არაფრის შეცვლას არ გეგმავს, რადგან ეს სამთავრობო ოპოზიციაა და ნაცებისგან იღებენ დაფინანსებას. ისინი საკმაოდ კარგად მოერგნენ ნაცების მიერ შეთავაზებულ ვითომ ოპოზიციონერობას და მხოლოდ არჩევნების გზით ეცდებიან საპარლემენტო ქვოტების მოპოვებას, რათა დღევანდელი კანონმდებლობით მოიპოვონ შედარებით მეტი დაფინანსება ~მამა-მარჩენალისგან~. ნუთუ ვერ ხვდება ხალხი, რომ სწორედ ამიტომ განა ვერ,არამედ არ ერთიანდებიან, მათ კანონიერება არ ადარდებთ. მხოლოდ მიშიკოს ვინ უფრო მეტად აამებს, ამაზე არიან გაწაფულები. მიშიკოსაც უღირს გაწეული ხარჯი, უოპოზიციოდ ხომ ვერ დაამტკიცებს დემოკრატიობანას? ამიტომაც იხდის უოპოზიციო ოპოზიციაში სოლიდურ ხელფასებს პარტიების დაფინანსების სახით. ხოლო ოპოზიციურ პარტიათა ფინანსური შემოწირულობები მოაქცია თაგვის სოროსავით ვიწრო ჩარჩოში(იხ. საქართველოს ორგანული კანონი პარტიებისა და საზოგადოებრივი ორგანიზაციების შესახებ). ქვეყნის ტირანიისგან ხსნის ერთადერთი გზაა: მოსახლეობამ უნდა დაიწყოს არაფორმალური მოძრაობა - მოძრაობა გადარჩენის. მთავრობას ხომ თავისი პოლიციური და უზურპატორული პოლიტიკით, თუ კარგად გავაანალიზებთ მდგომარეობას, ზუსტად ამ მიმართულებით მიჰყავს ქვეყნის მომავალი. ხელისუფლებასა და მოსახლეობას შორის ჩატეხილი ხიდი იმდენად დიდია, უბრალოდ, მისი გამთელება წარმოუდგენელია და ამაზე ხალხმა არც უნდა იფიქროს.