Anima Libera Posted March 26, 2010 დარეპორტება გაზიარება Posted March 26, 2010 1 წელიწადში საქართველოდან წასულთა რაოდენობა გაორმაგდა 2009 წელს საქართველოში მიგრაციის მაჩვენებელი წინა წელთან შედარებით გაორმაგებულია. ეს მონაცემები გაეროს ლტოლვილთა უმაღლესი კომისარიატის მიერ გამოქვეყნებულ დასკვნაშია მოყვანილი. ამ მაჩვენებლით საქართველო პირველად შევიდა იმ ქვეყნების ათეულში, რომლის მოქალაქეებიც ყველაზე ხშირად ითხოვენ საზღვარგარეთ თავშესაფარს. 2008 წლის მონაცემებით, საქართველო ამ მაჩვენებლით მსოფლიოში მე-17 იყო. ამ "შავ ათეულში" მე-10 ადგილზე მყოფი საქართველოს გარდა შედიან: ავღანეთი, ერაყი, სომალი, რუსეთი, ჩინეთი, სერბია, ნიგერია, ირანი და პაკისტანი. ყველაფერთან ერთად, გაეროს უმაღლესი კომისიარიატის დასკვნაში მითითებულია, რომ საქართველო მსოფლიოში პირველ ადგილზეა საზღვარგარეთ სამუდამოდ წასვლის მსურველთა ზრდის ტემპებით. დასკვნაში საუბარია იმ მოქალაქეებზე, რომელთაც ოფიციალურად მოითხოვეს საზღვარგარეთ თავშესაფარი. მიგრაციის საკითხებზე მომუშავე ექსპერტთა შეფასებით, მათი რაოდენობის გაორმაგება იმას ნიშნავს, რომ უცხოეთში არალეგალურ მიგრანტებად მყოფ ქართველთა რაოდენობაც რამდენჯერმე გაიზარდა.2009 წელს საქართველო, მსოფლიოს 44 ქვეყანაში, მოქალაქეების მიერ თავშესაფრის თხოვნის მიხედვით, მე-10 ადგილზეა. წინა წელთან შედარებით, საზვარგარეთ თავშესაფრის მაძიებელ საქართველოს მოქალაქეთა რაოდენობა ორჯერ - 102%-ით არის გაზრდილი. დასკვნის მიხედვით, 2008 წელს, მსოფლიოს სხვადასხვა ქვეყანაში თავშესაფარი საქართველოს 5 454-მა მოქალაქემ ითხოვა, 2009 წელს კი - 10 994-მა. დასკვნის მიხედვით, საქართველოს მოქალაქეები თავშესაფარს ძირითადად ევროპის ქვეყნებსა და აშშ-ში ითხოვენ. 2009 წლის მონაცემებით, საქართველოდან ავსტრიაში თავშესაფარი 976 ადამიანმა მოითხოვა, ბელგიაში - 327-მა, ბულგარეთში - 16-მა, კანადაში - 66-მა, კვიპროსზე - 73-მა, ჩეხეთში - 33-მა, დანიაში - 11-მა, ესტონეთში - 6-მა, ფინეთში - 22-მა, საფრანგეთში - 471-მა, გერმანიაში - 544-მა, საბერძნეთში - 2 170-მა, უნგრეთში - 116-მა, ირლანდიში - 88-მა, იტალიაში - 82-მა, ლიტვაში - 74-მა, ნიდერლანდებში - 412-მა, ნორვეგიაში - 47-მა, პოლონეთში - 4 182-მა, რუმინეთში - 26-მა, სლოვაკეთში - 98-მა, ესპანეთში - 36-მა, შვედეთში - 359-მა, შევიცარიაში - 536-მა, ბრიტანეთში - 95-მა, აშშ-ში კი - 113-მა ადამიანმა. დასკვნის მიხედვით, თავშესაფარის თხოვნის ობიექტი 44 ქვეყანაა, რომელშიც შედის ევროკავშირის წევრი ქვეყნები, ასევე ალბანეთი, ბოსნია-ჰერცოგოვინა, ხორვატია, ლიხტენშტეინი, ისლანდია, მონტენეგრო, სერბეთი, მაკედონია, თურქეთი, ავსტრალია, კანადა, იაპონია, ახალი ზელანდია, კორეა და აშშ. ამავე მონაცემებით, 2009 წელს ამ ქვეყნებს თავშესაფრის თხოვნით, სულ, 377 200-მა აპლიკანტმა მიმართა. დასკვნაში საუბარია ისეთ ადამიანებზე, რომლებსაც თავშესაფრის მოთხოვნით მიმართული აქვთ კონკრეტული ქვეყნისათვის, თუმცა, მათი ლტოლვილთა სტატუსი ჯერ განსაზღვრული არ არის. დასკვნაში წერია, რომ აღნიშნული ციფრები ეფუძნება თავშესაფრის თხოვნის ოფიციუალურ სტატისტიკას, რომელიც კანონმდებლობისა და პროცედურების დაცვით ხორციელდება. ექსპერტი დემოგრაფიის საკითხებში ავთანდილ სულაბერიძე საქართველოში მიგრაციის მაჩვენებლის ზრდას 2008 წლის აგვისტოში განვითარებიულ მოვლენებს უკავშირებს. მისი თქმით, ეკონომკიკურ-სოციალური და ფსიქოლოგიურად მძიმე პირობები აიძულებენ საქართველსო მოქალაქეებს თავშესაფარი უცხო ქვეყანაში ითხოვონ. "მაჩვენებლის ასეთი ზრდა მძიმე სოციალურ-ეკონომიკური პირობების გამო მოხდა. ჩემი აზრით, უმრავლესობა, ვინც ამ წელს თავშესაფარი ითხოვა, ახლაგორის რაიონიდან დევნილები არიან. ჩვენ შეიძლება ავაშენეთ მათთვის სახლები, თუმცა უმრავლესობის დაკმაყოფილება ვერ მოხერხდა. ამ ხეობის მოსახლეობა, ფაქტობრივად, პირისპირ აღმოჩნდა ოკუპანტებთან. საქართველოს ხელისუფლების უძლურობის გამო, დაუცველები აღმოჩნდენენ და ვერ მიიღეს ელემენტარული პირობები. "ამას დაემატა ისიც, რომ ომის შემდეგ დაინგრა მეურნეობა. სწორედ ამის გამო ბევრი წავიდა საზღვარგარეთ. თანაც, მათთვის ცნობილი გახდა, რომ გაეროს უმაღლესი კომისარიატი ლტოლვილებს აკმაყოფილებს ბინით, აძლევს დამხარებას და ა.შ. ეს პროცესი ახლაც მიმდნარეობს. მუდმივი ომის პროპაგანდაც მოქმედებს ამ პროცესებზე. "საქართველოდან ასეთი გადინება ფსიქოლოგიურმა მომენტმაც გამოიწვია. განცდა, იმისა, რომ თბილისსა და ახლომახლო რაიონებში თავს დაცულად ვერ იგრძნობდნენ. თუმცა, მათ შორის, ვინც თავშესაფარი უცხო ქვეყანაში ითხოვა, არიან აფხაზეთიდან დევნილებიც. იგივე იმ სოციალური და ეკონომიკური პირობების გამო. "მაგრამ, სამწუხაროდ, ჩვენს ქვეყანაში ისეც ხდება, რომ ჩვეულებრივი მოქალაქეები, ვინც არ არიან დევნილები, ისევ მძიმე პირობების გამო, ყალბი დოკუმენტაციით ჩადიან ევროპისა და ამერიკის ქვეყნებში და ითხოვენ თავშესაფარს. ისინი, ვინც დიდი ხნის განმავლობაში ვერ ახერხებდნენ ლეგალურად წასვლას, ახლა ამ გზით ითხოვენ თავშესაფარს. თუმცა, ასეთი მხოლოდ 5-9 % იქნება. "მაგალითს გეტყვით - ჩემი 2 ახლობელი 2008 წლის აგვისტოს მოვლენების შემდეგ გადავიდა სომხეთში, შემდეგ კი იქიდან თავშესაფარი აშშ-ში ითხოვა, როგორც ახალგორის რაიონიდან დევნილებმა, თუმცა რეალურად არ იყვნენ იქიდან", - ამბობს სულაბერიძე. ა/ო "კონსტიტუციის 42-ე მუხლის" ხელმლძღვანელი მანანა კობახიძე ამბობს, რომ გაეროს ლტოლვილთა უმაღლესი კომისარიატის დასკვნა მნისვნელოვანი და ანგარიშგასაწევია. თუმცა, მისი თქმით, ეს ჩვენს ქვეყანაზე მხოლოდ უარყოფითად აისახება. "ასეთი სოლიდური საერთაშორისო ორგანიზაციის დასკვნა, რა თქმა უნდა, მნიშვნელოვანი და ანგარიშგასაწევია. ხელისუფლებისათვის ეს არის მნიშვნელოვანი მესიჯი, ინდიკატორი იმისა, რომ შეფასდეს ქვეყანაში არსებული ვითარება. "ხელისუფლებამ უნდა გადადგას კონკრეტული ნაბიჯები, ამ მიმართულებით. თუმცა, ეს ხუთი წელია საუბარია ამაზე, რომ დასაქმების პრობლემა უნდა მოისპოს და განხორციელდეს კონკრეტული პროექტები, შედეგად კი ვიღებთ ასეთ მაჩვენებლებსა და ამ სიტუაციას. ანუ ის, რაც კეთდება, არ არის ეფექტური, საკმარისი და ადეკვატური. "რამდენად გაიზიარებს ამ დასკვნას ხელისუფლება და რამდენად სავალდებულოდ გახდის, ეს უკვე მისი გადასაწყვეტია. ფაქტია, რომ სიტუაცია საგნაგაშოა. მით უმეტეს ქვეყანაში არსებული დემოგრაფიული ფონის გათვალისწინებით, როგორც წესი, მიგრანტები კარგავენ დაბრუნების საშუალებას. "მგონია, რომ ამ დასკვნაში ნაჩვენები ციფრებისგან რეალობა კიდევ უფრო განსხვავდება. ძალიან ბევრი ჩვენი მოქალაქე უცხოეთში არალეგალურად იმყოფება, არსად ფიქსირდება მისი სამართლებრივი მდგომარეობა და სტატუსი", - ამბობს კობახიძე. მისივე თქმით, საქართველოს მოქალაქეები თავშესაფარს ძირითადად, მძიმე სოციალური-ეკონომიკური პირობების გამო ითხოვენ. მისი აზრით, 2009 წელს განსაკუთრებით დიდი მაჩვენებლი 2008 წლის აგვისტოს მოვლენებისა და გლობალური კრიზისის შედეგია. "ეს განპირობებულია შრომითი და სოციალური უფლებების დარღვევით. მაჩვენებელია იმისა, რომ ქვეყანაში არის დასაქმების პრობელმა და ხალხი სამსახურის საშოვნელად მიდის. არ მგონია, ხელისუფლება რამე ზომებს იღებდეს სოციალური ფონის გასაუმჯობვესებლად და სოციალური პოლიტიკის სწორად წარმართვის მიზნით. წინააღმდეგ შემთხვევაში ასეთი მაჩვენებლები არ იქნებოდა. "2009 წლის მაჩვენებლის გაორმაგება წინა წელთან შედარებით ნიშნავს იმას, რომ ეკონომიკური მდგომარეობა და შრომითი პრობლემები, 2-ჯერ უფრო გაუარესდა, სოციალური და ეკონომიკური ფონის გამწვავება, უმუშევრობა და, ზოგადად, დასაქმების სფეროში პრობლემების გამწვავება, პირდაპირ პროპორციულად აისახება ქვეყნიდან მიგრანტების რაოდენობის ზრდაზე, ეს კი თავის მხრიბ მეტყევლებს იმაზე, რომ სოციალურ-ეკონოკმიკური უფლებებები ქვეყანაში სათანადოდ დააცული და უზრუნველყოფილი არ არის. "2008 წელი არის ომის წელი, მოგეხსენებათ აგვისტოს მოვლენებმა ყველა კატასტროფულ მდგომარეობაში ჩააგდო, ამას ემატება მსოფლიო კრიზისიც. თუ მოვლენები ისევე განვითარდა, როგორც ახლა, ზრდის ტენდენცია იქნება მომავალ წელსაც, რადგან უმუშევართა რიცხვი იზრდება, არის დასაქმების პრობლემა, განსაკუთერებით მამაკაცებისათვის. შესაბამისად, ეს ყველაფერი მიგრანტების რაოდენობაზე აისახება", - ამბობს კობახიძე. Quote ლინკი სოციალურ ქსელებში გაზიარება More sharing options...
dire Posted March 26, 2010 დარეპორტება გაზიარება Posted March 26, 2010 ნუ რა უნდა ქნა? ხელისუფლებას არ შესწევს გონება, ცოდნა და რაც მთავარია ძალა რომ ეკონომიკური გარღვევა მოახდინოს. ამის გარეშე კი... ვკარგავთ და ვკარგავთ პოპულაციას... Quote ლინკი სოციალურ ქსელებში გაზიარება More sharing options...
lasha1997 Posted March 26, 2010 დარეპორტება გაზიარება Posted March 26, 2010 აკი ყველაფერი კარგად არისო,თუ დადგმულია ესაც? Quote ლინკი სოციალურ ქსელებში გაზიარება More sharing options...
Guest ჭანო Posted March 26, 2010 დარეპორტება გაზიარება Posted March 26, 2010 "2009 წლის მაჩვენებლის გაორმაგება წინა წელთან შედარებით ნიშნავს იმას, რომ ეკონომიკური მდგომარეობა და შრომითი პრობლემები, 2-ჯერ უფრო გაუარესდა, სოციალური და ეკონომიკური ფონის გამწვავება, უმუშევრობა და, ზოგადად, დასაქმების სფეროში პრობლემების გამწვავება, პირდაპირ პროპორციულად აისახება ქვეყნიდან მიგრანტების რაოდენობის ზრდაზე, ეს კი თავის მხრიბ მეტყევლებს იმაზე, რომ სოციალურ-ეკონოკმიკური უფლებებები ქვეყანაში სათანადოდ დააცული და უზრუნველყოფილი არ არის.მაგრამ ამ სოციალურ ფონს მარტო მტავრობა არ ქმნის, ეს ფორუმის საკმარისია იმის დასანახად თუ რა გაავებული არის ხალხის საკმაოდ დიდი ნაწილი, მაგრამ იმას ვერ ხედავენ რომ ამ გაავებით სწორედ რომ არამარტო საკუთარ თავს უსპობენ რაიმე პროგრესისი საშუალებას, არამედ მათ გარშემო მყოფებს! Quote ლინკი სოციალურ ქსელებში გაზიარება More sharing options...
lasha1997 Posted March 26, 2010 დარეპორტება გაზიარება Posted March 26, 2010 მაგრამ ამ სოციალურ ფონს მარტო მტავრობა არ ქმნის, ეს ფორუმის საკმარისია იმის დასანახად თუ რა გაავებული არის ხალხის საკმაოდ დიდი ნაწილი, მაგრამ იმას ვერ ხედავენ რომ ამ გაავებით სწორედ რომ არამარტო საკუთარ თავს უსპობენ რაიმე პროგრესისი საშუალებას, არამედ მათ გარშემო მყოფებს! ეს არის ამის ბრალი.2009 წლის მაჩვენებლის გაორმაგება წინა წელთან შედარებით ნიშნავს იმას, რომ ეკონომიკური მდგომარეობა და შრომითი პრობლემები, 2-ჯერ უფრო გაუარესდა, სოციალური და ეკონომიკური ფონის გამწვავება, უმუშევრობა და, ზოგადად, დასაქმების სფეროში პრობლემების გამწვავება Quote ლინკი სოციალურ ქსელებში გაზიარება More sharing options...
Guest ჭანო Posted March 26, 2010 დარეპორტება გაზიარება Posted March 26, 2010 ეს არის ამის ბრალი.უმუშევრობის კი არა უფრო უსაქმურობის ბრალია(რა თქმა უნდა ჩემის აზრით) Quote ლინკი სოციალურ ქსელებში გაზიარება More sharing options...
newstudio Posted March 26, 2010 დარეპორტება გაზიარება Posted March 26, 2010 dire ელისუფლებას არ შესწევს გონება, ცოდნა და რაც მთავარია ძალა რომ ეკონომიკური გარღვევა მოახდინოს.გეთანხმები, სერიოზულად გვერხევა...და ნუ ყველა ერის წარმომადგენელი გარბის...და უფრო მეტად არაქართველები გარბიან ჩემი აზრით... მალე თბილისი და მისი გარეუბნები დარჩება და ეგაა! Quote ლინკი სოციალურ ქსელებში გაზიარება More sharing options...
lasha1997 Posted March 26, 2010 დარეპორტება გაზიარება Posted March 26, 2010 (edited) უმუშევრობის კი არა უფრო უსაქმურობის ბრალია(რა თქმა უნდა ჩემის აზრით) არ არის სამსახურები საქართველოში.თუ იცი კოპი და რამოდენიმე ენა,მაშინ იშოვნი,თუ არა და ვერა. მომავალშიც ესე იქნება,რადგან საქართველოში ნორმალურ განათლებას ვერ იღებენ ახალგაზრდები. Edited March 26, 2010 by lasha1997 Quote ლინკი სოციალურ ქსელებში გაზიარება More sharing options...
Guest ჭანო Posted March 26, 2010 დარეპორტება გაზიარება Posted March 26, 2010 მომავალშიც ესე იქნება,რადგან საქართველოში ნორმალურ განათლებას ვერ იღებენ ახალგაზრდები.ვერ მიიღებს როცა სტუდენტები გიჟმაჟობით არიან დაკავებული.ლექციების ჩაშლა ხომ მაგარი ბიჭობა იყო და როგორც ვიცი ჯერ კიდებ ბევრგან არის.ეს მიტინგობიე და ტინგიცობა სულ იყო და იყო, თან ყველა პოლიტიკური ანაც რელიგიური ხასიათის და არა რაიმე სერიოზული მოთხოვნა იგივე აღჭურვილობის, ექსპერიმენტისათვის საჭირო მოწყობილობები, ბილიოთეკები და ზოგადად ქართულენოვანი სამეცნიერო ლიტერატურის შექმნა -გამოცემისთვის და ა.შ. Quote ლინკი სოციალურ ქსელებში გაზიარება More sharing options...
kisa Posted March 26, 2010 დარეპორტება გაზიარება Posted March 26, 2010 ჭანო უმუშევრობის კი არა უფრო უსაქმურობის ბრალია(რა თქმა უნდა ჩემის აზრით) Quote ლინკი სოციალურ ქსელებში გაზიარება More sharing options...
zoixter Posted March 26, 2010 დარეპორტება გაზიარება Posted March 26, 2010 გარბის იმიტომ რომ ფაქტიურად ფაშისტური რეჟიმია ქვეყანაში. თუ წითელლოყება არ ხარ და ყველაზე მაგრად არ ყვირიხარ "მიშა მაგარია", "ფაქ რაშა" და თუ არ ხარ ამათი მოხარკე ვინც ბეგარას და ღალას უხდის ყოველწლიურად გაიქცევა ბევრი აბა რა იქნება. ამიტომ არის საჭირო ძალიან მძიმე და მტკივნეული დარტყმის მიყენება ყველა მთავრობისთვის ვინც გათავხედდება სრულ გარყვნილებამდე. რვოლუციას გამოვრიცხავ, პირიქით ამ დროს არც ერთი პოლიტიკური ძალა არ უნდა დაიყენოს ხალხმა გვერდში, ლაპარაკი მაქვს რიგითი მოსახლეობის პროტესტზე. სანამ ვერ გავიაზრებთ თუ რა არის წმინდა ჩვენთვის სულ ასეთ უბედუღ დღეში ვიქნებით. პროფკავშირებია გასაძლიერებელი და პირველი მოთხოვნა ჩემი აზრით ეს უნდა იყოს ნებისმიერ კანდიდატთან Quote ლინკი სოციალურ ქსელებში გაზიარება More sharing options...
newstudio Posted March 26, 2010 დარეპორტება გაზიარება Posted March 26, 2010 ჭანო ვერ მიიღებს როცა სტუდენტები გიჟმაჟობით არიან დაკავებული.მხოლოდ და მხოლოდ იმიტომ რომ განათლების სისტემა არ ვარგა, სტუდენტი მეამბოხე და გიჟმაჟი უნდა იყოს! ეს მიტინგობიე და ტინგიცობა სულ იყო და იყო, თან ყველა პოლიტიკური ანაც რელიგიური ხასიათის და არა რაიმე სერიოზული მოთხოვნა იგივე აღჭურვილობის, ექსპერიმენტისათვის საჭირო მოწყობილობები, ბილიოთეკები და ზოგადად ქართულენოვანი სამეცნიერო ლიტერატურის შექმნა -გამოცემისთვის და ა.შ.კარგი რა...როცა არსებობის პრობლემა გაქ. იქ ჯერ სხვა რამეს ითხოვ Quote ლინკი სოციალურ ქსელებში გაზიარება More sharing options...
zoixter Posted March 26, 2010 დარეპორტება გაზიარება Posted March 26, 2010 ჭანო მხოლოდ და მხოლოდ იმიტომ რომ განათლების სისტემა არ ვარგა, სტუდენტი მეამბოხე და გიჟმაჟი უნდა იყოს! +100000000 Quote ლინკი სოციალურ ქსელებში გაზიარება More sharing options...
McLaren Posted March 26, 2010 დარეპორტება გაზიარება Posted March 26, 2010 ჭანო ვერ მიიღებს როცა სტუდენტები გიჟმაჟობით არიან დაკავებული.ძალიან ბევრი ჩემი კურსელი, ვინ არ იყო "გიჟმაჟობით" დაკავებული, დღემდე ვერ პულობს სამსახურს. ეს მიტინგობიე და ტინგიცობა სულ იყო და იყო2007 წლიდან თითქმის არც ერთი ანტისამთავრობო მიტინგი არ გამიმაზია. ეს ნიშნავს რომ უსაქმური ვარ? Quote ლინკი სოციალურ ქსელებში გაზიარება More sharing options...
lasha1997 Posted March 26, 2010 დარეპორტება გაზიარება Posted March 26, 2010 რა შორს მიდიხართ? მე ვიყავი ორი კვირით ჩამოსული და ერთ კვირაში გამოვიქეცი.ბევრს მოსვლია ეგეთი რამ და იქით რომ ვსთქვი,რა იყო ან მეგობარი და ან ნათესავი არა გყავსო? ზუსტად მაგათი ცხოვრება რომ ვნახე იმიტომ გავაკეთე ეგეთი რამ.არა ვარ ჩამომსვლელი სანამ შვილს გზაზე არ დავაყენებ და მანამდე პენსიაც მომიწევს.აქაური პენსიით კიდევ მშვენივრად ვიცხოვრებთ მე და ჩემი მეუღლე საქართველოში. Quote ლინკი სოციალურ ქსელებში გაზიარება More sharing options...
Recommended Posts
შეუერთდი განხილვას
თქვენ შეგიძლიათ შექმნათ პოსტი ახლა და დარეგისტრირდეთ მოგვიანებით. თუ თქვენ გაქვთ ანგარიში, გაიარეთ ავტორიზაცია რათა დაპოსტოთ თქვენი ანგარიშით.