Search the Community

"საქართველოს სჭირდება რუსეთთან მეგობრობა! არა ნატო-ს!“ „არა ნატო-ს! საქართველოს სჭირდება რუსეთთან მეგობრობა! “თავისუფლების მოედანზე, პუშკინის სკვერში რუსეთთან მეგობრობის აღდგენის აუცილებლობის მოთხოვნით 15:00 საათზე აქცია გაიმართება. აქციას მართავენ არასამთავრობო ორგანიზაციები: „დედამიწა ჩვენი სახლია“ და „საქართველოს მშვიდობის კომიტეტი“. არასამთავრობო ორგანიზაციის წარმომადგენლების მიერ გავრცელებულ მიმართვაში ნათქვამია, რომ ამერიკა საქართველოს კავკასიაში რუსეთის საწინააღმდეგო ბერკეტად იყენებს , რაც ხელს უშლის ქვეყნებს შორის მეგობრული ურთიერთობების ჩამოყალიბებას. არასამთავრობოები მიჩნევენ, რომ ნატო აშშ-ის კონტროლის ქვეშ მოქმედი სამხედრო-პოლიტიკური ორგანიზაციაა, რომელიც საფრთხეს უქმნის რუსეთის სუვერენიტეტსა და ერთიანობას და ამ მიზნით ინტენსიურად განალაგებს სამხედრო ინფრასტრუქტურას მისი საზღვრების გარშემო. „ბოლო 20-წლიანმა ტრაგიკულმა ისტორიამ გვაჩვენა, რომ საქართველო არავითარ შემთხვევაში არ უნდა იყოს ამგვარი ბერკეტი აშშ-ისა და ნატო-ს ხელში. ჩვენი ქვეყნისათვის ამგვარი როლი დამღუპველია!“,- წერია მიმართვაში და აღნშნულია, რომ ისინი მიესალმებიან ახალი მთავრობის განცხადებებს რუსეთთან ურიერთობების აღდგენის თაობაზე, თუმცა, შეშფოთებულები არიან, რომ საქართველო ძველ საგარეო კურსს, კერძოდ კი ნატო-ში ინტეგრაციის გზას აგრძელებს. „ჩვენი პირველი ერთობლივი აქცია დავამთხვიეთ საბჭოთა კავშირის დაარსების საიუბილეო - 90-ე წლისთავს. ეს გაკეთდა პროტესტის ნიშნად, რადგანაც ნებისმიერი ინტეგრაციული ფორმა შექმნილი თუ შესაქმნელი სივრცეში, თავისუფლად შეიძლება აღქმულ იქნას „საბჭოთა სისტემის აღგენად“. ამგვარად, აშშ ფაქტიურად გვიკრძალავს რუსეთთან და სხვა ყოფილ საბჭოთა რესპუბლიკებთან ერთად არათუ პოლიტიკური, არამედ ნებისმიერი ეკონომიკური ხასიათის ხელსაყრელ ინტეგრაციულ წარმონაქმნშიც კი გაერთიანებას“,- წერია არასამთავრობიების განცხადებაში.news.ge