Search the Community

რაფი ოვანესიანი: "ჯავახკმა თავად უნდა გადაწყვიტოს, იყოს თუ არა ავტონომია" 11:57 14.02.2013 18 თებერვალს სომხეთში საპრეზიდენტო არჩევნები ტარდება. სოციოლოგიური გამოკითხვების თანახმად, მეორე ადგილს პარტია "მემკვიდრეობის" ლიდერი, პრეზიდენტობის კანდიდატი რაფი ოვანესიანი იკავებს. აღსანიშნავია, რომ იგი ბევრი სხვა კანდიდატისგან განსხვავებით, საპრეზიდენტო არჩევნებში პირველად მონაწილეობს, რამდენადაც სომხეთში ცხოვრების 10-წლიანი ცენზი მხოლოდ ამ არჩევნებისთვის დააკმაყოფილა. ამერიკაში დაბადებულმა და აშშ-ის სომხური დიასპორის წარმომადგენელმა პროამერიკული პოლიტიკოსის პოპულარობა მოიპოვა. ოვანესიანის აქტიურმა წინასაარჩევნო კამპანიამ, ელექტორატისთვის სომხეთისთვის სრულიად ახალმა ბრძოლამ მისი პერსონისადმი ამომრჩევლის ყურადღება მიიპყრო. "რეგნუმი" დაინტერესდა მისი პოლიტიკით და იმით, თუ როგორ ხედავს თავის პრეზიდენტობას გამარჯვების შემთხვევაში. "პირWელი" ინტერვიუდან ამონარიდს გთავაზობთ: - თქვენ ხშირად საუბრობთ ჯავახეთისა და იქ მცხოვრები სომხების შესახებ. როგორი იქნება თქვენი პოზიცია ამ საკითხთან დაკავშირებით საპრეზიდენტო არჩევნებში გამარჯვების შემთხვევაში? - ჯავახკი საქართველოს ადმინისტრაციული ტერიტორია უნდა იყოს, მაგრამ სომხური კულტურულ, ეროვნული თვალსაზრისით, რომელიც სომხეთს და საქართველოს არა გაჰყოფს, არამედ პირიქით, გააერთიანებს. ჩვენი თანამემამულეები ჯავახეთში საკუთარ სამშობლოში იმყოფებიან და მათი უფლება ენის, კულტურის, რელიგიის, იდენტურობის თვალსაზრისით ევროპული კონვენციების ფარგლებში უზრუნველყოფილი უნდა იყოს. ჩვენმა მეზობელმა სახელმწიფომ ჯავახეთი არა საფრთხედ, არამედ ორი ქვეყნის ეროვნული უსაფრთხოების ფაქტორად უნდა განიხილოს. - ანუ თქვენ ჯავახეთს საქართველოს შემადგენლობაში ავტონომიურ რეგიონად ხედავთ? - ჯავახკმა თავად უნდა გადაწყვიტოს, იყოს თუ არა ავტონომია. - სადღეგრძელოსავით ჟღერს.. - ეს არა სადღეგრძელო, არამედ აუცილებლობაა, გამოწვევაა. მე ვთავაზობ, რომ ახალმა სომხეთმა და საქართველომ, თუ ისინი გამოჩნდებიან, არა ერთმანეთს შორის განსხვავებებს უყურონ, არამედ საერთო ინტერესებს. ამ ინტერესებიდან ერთ-ერთი მდგომარეობს იმაში, რომ საქართველოში არსებობს სომხურმოსახლეობიანი ჯავახკი - სამშობლო, სადაც არის ეკლესიები, სკოლები, ენა, მოსახლეობა და აუცილებელია სტატუსთან ერთად, მიეცეთ მათ შესაძლებლობა საქართველოს მოქალაქეები, ძლიერი სომხები გახდნენ. ეს კომპლექსები ჯავახკის ნაწილში უნდა დაიძლიოს. არავის უნდა რცხვენოდეს იმ ფაქტის, რომ ჯავახკი სომხური იდენტურობის კერაა. საქართველომ თავად უნდა მიმართოს ძალისხმევა იმისკენ, რომ ჯავახკი სიამაყის, ერთობისა და საერთო უსაფრთხოების კერად იქცეს. ეს არის ჩვენი ამოცანა და თუ ვინმეს დღეს ის აქტუალუარად არ ეჩვენება, 10-20 წლის შემდეგ ის თავს კვლავ შეგვახსენებს. ზოგადად საქმე მარტო ჯავახკში არ არის, ჩვენ გვყავს თანამემამულეები თბილისში, ქუთაისსა და სხვა ადგილებში. აუცილებელია, რომ ჩვენი თანამემამულეების უფლებები, რომლებმაც თავის დროზე თბილისის მერი აირჩიეს, დაცული იყოს საქართველოს კონსტიტუციისა და ევროპული კონვენციების შესაბამისად, რომლებზეც ამ ქვეყნის ხელისუფლებას ხელი აქვს მოწერილი. ეს არის ეროვნული ინტერესი... როდესაც სომხეთში დომინანტი სწორედ ეროვნული ინტერესები იქნება, მაშინ ჩვენ გაგვიჩნდება შესაძლებლობა, თუნდაც პატარა ქვეყნას, მოვახდინოთ დივერსიფიკაცია და მრავალფეროვნება ჩვენი ეკონომიკის, საგარეო და საშინაო პოლიტიკის, რაც ჩემი აზრით, აუცილებელია. მე უკვე აღვნიშნე, რომ სომხეთის ეროვნული უსაფრთხოება დაფუძნებული უნდა იყოს ორმხრივ ურთიერთობებზე და არა ამა თუ იმ ორგანიზაციის ფორმალურ წევრობაზე. არ ვფიქრობ, რომ ეს ფორმალური წევრობა ქვეყნის უსაფრთხოების დონეს საგრძნობლად აამაღლებს. ამასთან, ჩემი აზრით, სომხეთი, როგორც დასავალური ცივილიზაციის ერთ-ერთი წყარო, ბოლოსდაბოლოს უნდა გახდეს ევროკავშირის წევრი, თუ რა თქმა უნდა, ევროკავშირი პატივს სცემს სომხეთს, სომხური იდენტურობას და ჩვენს ეროვნულ ინტერესებს. წყარო:http://pirweli.com.ge/?menuid=16&id=26140 თქვენი, სომეხი მათხოვარი :vischemivis: :vischemivis: :vischemivis: :vischemivis: კრემლის ნასეტკა :facepalm: :facepalm: