Search the Community

http://ghn.ge/news-66232.html თარგამაძე მიიჩნევს, რომ სახელმწიფოს მიდგომა ბანკ "ქართუს" მიმართ ქართული საბანკო სისტემის სტაბილურობას საფრთხეს უქმნის. როგორც მან პარლამენტის დღევანდელ პლენარულ სხდომაზე, ეროვნული ბანკის პრეზიდენტის გიორგი ქადაგიძის მიერ ანგარიშით წარდგენისას განაცხადა, ის დამოკიდებულება, რომელიც ერთი კონკრეტული ბანკის მიმათ სახელმწიფო სტრუქტურებმა და მათ შორის ეროვნულმა ბანკმა გამოავლინეს, ვერანაირ კრიტიკას ვერ უძლებს. მისი თქმით, ნაკლებად აინტერესებს, რომელი პოლიტიკური პარტია დგას "ქართუს" უკან, რადგან მთავარია ქართული საბანკო სისტემის სტაბილურობა და საფინანსო სისტემის მდგრადობა. "ხელისუფლების მხრიდან აპელირება იმაზე, რომ ნოდარ ჯავახიშვილი ძველი ბანკირია თუ ახალი, არის უსუსური თავის მართლების მცდელობა", - განაცხადა დეპუტატმა და ეროვნულ ბანკს მოუწოდა, არ მოექცეს ხელისუფლების ზეწოლის ქვეშ და არ გადადგას ისეთი ნაბიჯები, რომელიც მთლიანობაში საფინანსო სექტორს დააზარალებს. საქართველოს ეროვნული ბანკის პრეზიდენტმა დღეს პარლამენტში სიტყვით გამოსვლისას წუხილი გამოთქვა, რომ ნოდარ ჯავახიშვილი თანამედროვე საბანკო სისტემას ძალიან დაშორდა. ქადაგიძემ ჯავახიშვილს მისი უნარების უკეთ რეალიზებისთვის, პოლიტიკაში გადასვლა ურჩია.

საპარლამენტო ფრაქცია "ქრისტიან-დემოკრატები", სრულიად საქართველოს კათოლიკოს-პატრიარქის, უწმინდესისა და უნეტარესის, ილია მეორის ეპისტოლეს გათვალისწინებით, საკანონმდებლო ინიციატივებს ამზადებენ. როგორც პარლამენტში დღეს გამართულ პრესკონფერენციაზე "ქრისტიან-დემოკრატიული მოძრაობის" ლიდერმა, გიორგი თარგამაძემ განაცხადა, ინიციატივები, რომლის მიხედვითაც უნდა შეიცვალოს ქვეყნის კონსტიტუცია და მთელი რიგი კანონები, პარლამენტში მომავალ კვირას შევა. მისი თქმით, "ქრისტიან-დემოკრატები" არა მხოლოდ ეპისტოლეს შეფასებით, არამედ მასში დასახული პრობლემების მოგვარების ბერკეტების პოლიტიკურ და საკანონმდებლო სივრცეში რეალიზებასაც შეეცდებიან. გიორგი თარგამაძემ აღნიშნა, რომ საკანონმდებლო ინიციატივებთან დაკავშირებით, ქდმ საყოველთაო სახალხო მხარდაჭერის კამპანიასაც გამართავს. მისი თქმით, ცვილებების პროექტი ემსახურება ქვეყანაში ღირსების, პატივისცემის დამკვიდრებას და მიმართული იქნება ცოდვის დაკანონების წინააღმდეგ. მას საკანონმდებლო ინიციატივების კონკრეტულ დეტალებზე გიორგი არ ისაუბრა, თუმცა აღნიშნა, რომ ეპისტოლეში დასახული პრობლემები, ბარიერივით წინ ეღობება ქართული სახელმწიფოს მშენებლობას. ამ პრობლემად გიორგი თარგამაძემ უმუშევრობა, ეროვნული წარმოების მცირე წილი, ანაზღაურების დაბალი დონე, ჯანდაცვის ხარისხი, ხელმისაწვდომობა, დედათა და ბავშვთა ჯანმრთელობა და დეკრეტული შვებულებების გაზრდა დაასახელა. თარგამაძის განცხადებით, ქართული სახელმწიფოს სიმყარე მისი წარსულის გამოცდილებას უნდა ეფუძნებოდეს, გამოცდილება კი არის, რომ ქვეყანაში თავისუფლება და ზნეობა არასოდეს მოდიოდა ერთმანეთთან წინააღმდეგობაში. http://www.interpressnews.ge/ge/politika/1...s-amzadebs.html