სოზარ სუბარი - ბათუმისკენ მიმავალ "ქართული პარტიის" კოლონას ხარაგაულთან გზა გადაუკეტეს 15:49 14-05-2011 ბათუმისკენ მიმავალ "ქართული პარტიის" კოლონას ხარაგაულთან გზა გადაუკეტეს. ამის შესახებ "ინტერპრესნიუსს" "ქართული პარტიის" თავმჯდომარე სოზარ სუბარმა განუცხადა. მისსივე თქმით, თბილისიდან და ხარაგაულის რაიონის სოფლებიდან მომავალ პარტიის მხარდამჭერთა კოლონას სამართალდამცავებმა, ხარაგაულის გამგებელმა, სხვა მაღალჩინოსნებმა გზა გადაუკეტეს და ბათუმისკენ გადაადგილების საშუალებას არ აძლევდნენ. სუბარის განცხადებით, სამართალდამცავებმა ერთ-ერთი მიკროავტობუსის მძღოლი დააშინეს, რის გამოც მგზავრებს ზესტაფონამდე დამოუკიდებლად მოუწიათ ჩასვლა, შემდეგ კი თბილისიდან ბათუმისკენ მიმავალ კოლონას შეურთდებოან. სუბარის თქმით, მიუხედავად წინააღმდეგობისა, "ქართული პარტია" აქციას ბათუმში 16.00 საათზე მაინც გამართავს. http://www.interpressnews.ge/ge/politika/168470-sozar-subari-bathumisken-mimaval-qqarthuli-partiisq-kolonas-kharagaulthan-gza-gadauketes.html