kisa

laci საფრანგეთის პრეზიდენტი ნიკოლა სარკოზი ბატონო პრეზიდენტო, ბატონო მინისტრებო, ძვირფასო ქართველო მეგობრებო, ძვირფასო თანამემამულენო, როდესაც, 2008 წლის 12 აგვისტოს ღამეს თბილისში ჩამოვედი, ათასობით, შესაძლოა, ათი ათასობით თქვენგანი ქუჩაში, პარლამენტის წინ იმყოფებოდით, რათა მრისხანედ გეყვირათ იმ შეურახცყოფის გამო, თქვენს ქვეყანას რომ მიაყენეს და გამოგეხატათ თქვენი მტკიცე ნება მისი დამოუკიდებლობის გადასარჩენად. სამი წელი გავიდა და ბედნიერი ვარ, რომ აქ, თავისუფლების მოედანზე, შემიძლია მივმართო დამოუკიდებელ ერს, დამოუკიდებელ ხალხს! სამი წელი გავიდა და მიუხედავად იმისა, რომ ცეცხლი შეწყდა, ომისგან მოტანილი სიკვდილითა და ტანჯვით მიყენებული იარები ჯერაც არ მოშუშებულა. ათობით ათასი თქვენი თანამემამულე იძულებული გახდა სახლკარი მიეტოვებინა და იმ ასობით ათას თანამემამულეთა რიგებს შემატებოდა, რომლებიც წინა კონფლიქტების შედეგად, თავიანთი მიწებიდან და კერებიდან გამოაძევეს. ათასობით ოჯახი გაიყო, რომლებიც მას შემდეგ ვეღარ ახერხებენ შეხვედრას, ერთმანეთის მოფერებას და ლაპარაკსაც კი, რადგან ერთი ერის შიგნით უხილავი კედელია აღმართული. თქვენ ტერიტორიის ერთი ნაწილი წაგართვეს. ეს ისეთივე მტკივნეულია, როგორც კიდურის მოკვეთა, ამ ტკივილს მუდმივად გრძნობ. ყოველგვარი სტრატეგიული ლოგიკის საწინააღმდეგოდ და ნაკისრი ვალდებულებების უგულვებელყოფით, მნიშვნელოვანი სამხედრო ძალები არა მხოლოდ დარჩა, არამედ გაძლიერდა კიდეც თქვენს კართან, გამყოფი ხაზის გადაღმა. ძვირფასო ქართველო მეგობრებო, ამ განვლილმა სამმა წელმა ვერაფერი დააკლო საფრანგეთის ჩართულობასა და თქვენს გვერდით დგომას. საფრანგეთმა პირველმა განალაგა თავისი ჟანდარმები ადმინისტრაციული საზღვრების გასწვრივ, რათა კონფლიქტის ხელახალი ესკალაცია აგვეცილებინა. დღესაც 200-ზე მეტი ევროპელი დამკვირვებელი იმყოფება ადგილზე, სადამკვირვებლო მისიას ასრულებს და სიმშვიდეზე ზრუნავს. მაგრამ საფრანგეთი მიღწეული შედეგით არ კმაყოფილდება. მე აქ საზეიმოდ ვადასტურებ ჩემი ქვეყნისა და ევროპის მხარდაჭერას თქვენი ქვეყნის სუვერენიტეტის, დამოუკიდებლობისა და ტერიტორიული მთლიანობის მიმართ. კვლავაც ვადასტურებ ჩემს ვალდებულებას თვალი მივადევნო ხელმოწერილი შეთანხმებების შესრულებას, რადგან ისინი პასუხისმგებლობას აკისრებს ხელმომწერ ქვეყნებს, მათ მიერ მიცემულ სიტყვას, მათ სინდისიერებასა და პატიოსნებას. აქ, თქვენს წინაშე, თავისუფლების მოედანზე, ხელახლა ვადასტურებ ქართველი ხალხის უფლებას განსაზღვროს თავისი გზა, აირჩიოს მოკავშირეები და თავისუფლად აშენოს საკუთარი მომავალი. ძვირფასო ქართველო მეგობრებო, ჩვენ შევძელით სასწრაფოდ შეგვეჩერებინა ომი. მაგრამ ნამდვილ მშვიდობას მხოლოდ მოთმინებითა და შეუპოვარი მიზანდასახულობით თუ ავაშენებთ. საფრანგეთი ნებისმიერ სხვა ერზე მეტად აცნობიერებს თქვენი ქვეყნის ძალისმიერი დაყოფის შედეგად გამოწვეულ ტკივილს და მისი ხალხისათვის თავსმოხვეულ სეპარატიზმს. საფრანგეთი, ნებისმიერ სხვა ქვეყანაზე მეტად გრძნობს ყველა იძულებით გადაადგილებულ, სახლებიდან გამოძევებულ ოჯახებისა და მიწას მოწყვეტილ პირთა ტკივილს. საფრანგეთმა ასე მწვავედ იმიტომ გააცნობიერა ყოველივე ეს, რომ ისტორიამ მასაც იგივე უსამართლობა და ტანჯვა მიაყენა. მაგრამ, როგორც ამ დილით ჩემს სომეხ მეგობრებს ვუთხარი, საფრანგეთზე უკეთესად არც ერთმა ქვეყანამ არ იცის რაოდენ მძიმეა შეუხორცებელი ჭრილობა და ღრმა, გადაულახავი გაუგებრობა. ეს ის არჩევანია, რომელიც საფრანგეთმა და გერმანიამ 1945 წელს სამი დამანგრეველი კონფლიქტის შემდეგ გააკეთა. მაშინ, როდესაც ჩვენი ქვეყნების მეხსიერებაში ომის მოგონებები ღრმად იყო ჩაბეჭდილი, ორმა შორსმჭვრეტელმა ადამიანმა, შარლ დე გოლმა და კონრად ადენაუერმა, კაცობრიობის ცნობიერებაში ყველაზე საშინელი კონფლიქტის ნანგრევებზე თავისი ხალხი შერიგების გზაზე დააყენა. დღეს საფრანგეთისა და გერმანიის მეგობრობა გულწრფელი და მტკიცეა. ეს მეგობრობაა სწორედაც ევროკავშირის მამოძრავებელი ძალა. საქართველოსა და რუსეთს მოვუწოდებ მტკიცედ დაადგნენ ამავე გზას. რადგან არც კავკასიაში და არც არსად სხვაგან, დაპირისპირება ბედისწერა არ არის. ამაში თითოეულმა საკუთარი წვლილი უნდა შეიტანოს. უამრავი შემთხვევა იქნა უკვე ხელიდან გაშვებული. საქართველომ აჩვენა თავისი გზა, როდესაც პრეზიდენტმა სააკაშვილმა ევროპული პარლამენტის წინაშე საზეიმოდ იკისრა ვალდებულება არასოდეს არ გამოეყენებინა ძალა წართმეულ ორივე რეგიონში საქართველოს სუვერენიტეტის აღსადგენად. 2008 წლის 12 აგვისტოსა და 8 სექტემბრის შეთანხმებების სხვა ხელმომწერებმა, თავის მხრივ, უნდა იგრძნონ პასუხისმგებლობა და იკისრონ ეს ვალდებულება. ეს, ალბათ, ბუნებრივი სვლა უნდა იყოს, რადგან ამას საერთაშორისო სამართალი მოითხოვს - ახალი კონფლიქტი რეგიონსა და მსოფლიო მშვიდობას გაუთვალისწინებელი რისკის წინაშე დააყენებდა. ევროპელ დამკვირვებლებს უნდა შეეძლოთ აფხაზეთსა და სამხრეთ ოსეთში შესვლა, რათა დარწმუნდნენ, რომ იქ მოსახლეობის უფლებები დაცულია. გადაადგილებულ პირთა უფლება, დაუბრუნდნენ თავიანთ სახლებსა და მიწას, კვლავ უნდა დადასტურდეს. დასაწყისისთვის, გაყოფილმა ოჯახებმა ერთმანეთთან შეხვედრა და გამყოფი ხაზის ორივე მხარეს გადაკვეთა თავისუფლად უნდა შეძლონ. თითოეული მხარე აქტიურად და გულწრფელად უნდა ჩაერთოს ჟენევის დისკუსიებში, რადგან მხოლოდ დიალოგისა და მოლაპარაკების გზით შეიძლება უნდობლობის გადალახვა და სადისკუსიოდ გამოტანილი მთავარი პრობლემების გადაჭრა. ნდობის აღსადგენად, სტაბილურობის განმტკიცების მიზნით, შესაბამისი ზომები უნდა იყოს მიღებული. რაც მთავარია, ომიდან სამი წლის შემდეგ, დადგა დრო, რომ აზროვნება და მიდგომები შეიცვალოს. ბატონო პრეზიდენტო, ძვირფასო ქართველო მეგობრებო, საფრანგეთი რუსეთს თავის მეგობრად მიიჩნევს, მას სტრატეგიულ პარტნიორად განიხილავს, რადგან ჩვენი ბედი ურთიერთდაკავშირებულია. ჩვენ ერთად, ევროპელები და რუსები, უზრუნველვყოფთ ჩვენი ხალხების მდგრად კეთილდღეობას, ჩვენი კონტინენტის სტაბილურობას და გავაგრძელებთ მსოფლოში გავლენის შენარჩუნებას ისე, რომ სხვებმა თავისი წესი არ მოგვახვიონ თავს. პარტნიორი და მეგობარი, აი, ვინ უნდა იყოს ან კვლავაც გახდეს რუსეთი საქართველოსთვის. ქართველმა და რუსმა ხალხმა საბჭოური კომუნიზმის 70-წლიანი ერთი და იგივე ტრავმა გადაიტანა. ორივემ შეძლო ფეხზე წამომდგარიყო და საკუთარი ბედის ბატონ-პატრონი გამხდარიყო. მრავალი, ასობით ათასი თქვენი თანამემამულე ცხოვრობს რუსეთში - თბილისის შემდეგ ყველაზე მეტი ქართველი სწორედ მოსკოვშია. თქვენი ბიზნესმენები იქ აბანდებენ კაპიტალს, ხოლო მრავალი რუსი კოლეგა ჩამოდის აქ, თქვენი ეკონომიკის დინამიკური განვითარებით რომ ისარგებლოს. ყოველ წელს ათასობით რუსი ტურისტი ჩამოდის საქართველოში, რათა ისარგებლოს მისი მრავალფეროვანი კლიმატით, ლეგენდარული სტუმართმოყვარეობითა და სამზარეულოთი, უბადლო კულტურული და ბუნებრივი მემკვიდრეობით. მაგრამ ნდობის აღსადგენად, დაპირისპირების რიტორიკა უნდა შეწყდეს და უპირატესობა დიალოგს მიენიჭოს. ნდობის აღდგენის მიზნით, საჭიროა დასრულდეს დაშინება, მუქარა და დესტაბილიზაციის მცდელობები. ნდობის აღდგენის მიზნით, თითოეულმა უნდა ჩათვალოს, რომ საბჭოთა კავშირი წარსულს ჩაბარდა და მას გავლენის სფეროების პოლიტიკა ვერ ჩაენაცვლება. ყველამ უნდა აღიაროს ის, ფაქტი, რომ საქართველოს, როგორც ნებისმიერ სხვა ქვეყანას, უფლება აქვს განსაზღვროს თავისი გზა და თავისუფლად აირჩიოს მეგობრები და მოკავშირეები. საქართველომ თავისუფლად უნდა გამოხატოს საკუთარი მისწრაფება შევიდეს ნატო-ში, თუ მის ხალხს ეს ასე სურს და თუ იმ ალიანსის წევრები, რომელიც არავის წინააღმდეგ არ არის მიმართული, ამის მომხრე იქნებიან, სწორედ ბუქარესტის სამიტის პრინციპით. საქართველოს თავისუფალი ნებაა გამოხატოს საკუთარი მისწრაფება დაუახლოვდეს ევროკავშირს და ერთ მშვენიერ დღეს მის წევრიც გახდეს. ეს მისწრაფება, უწინარეს ყოვლისა, შანსია საქართველოსთვის, რადგან ეს მისი ახალგაზრდა დემოკრატიის განსამტკიცებლად და ეკონომიკის ძირეული გარდაქმნისათვის 8 წლის წინათ დაწყებული ყველა რეფორმის კატალიზატორია. ბატონო პრეზიდენტო, ძვირფასო ქართველო მეგობრებო, ვარდების რევოლუციის მეორე დღეს, რომელმაც საფრანგეთში ესოდენ დიდი ენთუზიაზმი გამოიწვია, თქვენი საზოგადოება გაყოფილი იყო, თქვენი ეკონომიკა კი - დასუსტებული. მთელი ქვეყანა ეჭვით იყო შეპყრობილი. ჯერ კიდევ ბევრი გამოწვევაა, რომელთა შორისაა დემოკრატიის განმტკიცება, მომავალი არჩევნების წარმატებით ჩატარება და ეკონომიკური აღმავლობის გაგრძელება. მაგრამ რამხელა გზაა განვლილი მას შემდეგ! აღდგენილია გაზის, წყლისა და ელექტროენერგიის დისტრიბუცია; შეკეთდა თქვენი გზები და განვითარდა ინფრასტრუქტურა; მთელ ქვეყანაში აღდგა უსაფრთხოება და ისეთ დონეზე, რომ თბილისს, კრიმინოგენული თვალსაზრისით, ევროპაში ყველაზე დაბალი მაჩვენებლები აქვს. თქვენი პოლიციის განყოფილებები გამჭვირვალეა, ისევე როგორც პოლიცია, რომელიც ადრე მსოფლიოს ყველაზე მეტად კორუმპირებულთა შორის იყო, რასაც დღეს საქართველოს მოსახლეობა ერთხმად ადატურებს. 2004 წლის შემდეგ თქვენი ქვეყნის სიმდიდრე ათჯერ გაიზარდა. შემოსავალი ერთ სულ მოსახლეზე, რომელიც 2002 წელს 765 აშშ დოლარს შეადგენდა, დღეს 4 500 დოლარია, გაცილებით მაღალი, ვიდრე ყოფილი საბჭოთა კავშირის მრავალ ქვეყანაში. თქვენ მიერ წამოწყებული სასამართლო და საგადასახადო რევოლუციის წყალობით, საქართველო დღეს მიმზიდველი ქვეყანაა. ბიზნესის კეთების სფეროში თქვენ მსოფლიოში 112-დან 12-ე ადგილზე გადაინაცვლეთ, უცხოური ინვესტიციების შემოდინება შემთხვევით არ ხდება. შიდა რეფორმებისა და გახსნილობის სტრატეგია თქვენი საუკეთესო შანსია, რათა აფხაზეთისა და სამხრეთ ოსეთის მოსახლება დარწმუნდეს, რომ მათი მომავალი ქართველ თანამემამულეთა გვერდითაა, ღია ქვეყანაში და არა იზოლირებულ და დამონებულ ფსევდო-სახელმწიფოებში. ამ სტრატეგიის გაგრძელება ასევე თქვენი საუკეთესო საშუალებაა, რათა ევროკავშირი დარწმუნდეს, რომ საქართველო ევროპული ქვეყანაა. ის ევროპული ქვეყანაა თავისი კულტურით, განვითარების არჩევანითა და განსაკუთრებით, მისი ფასეულობებებით. ევროკავშირთან დაახლოება დამოკიდებულია უწინარეს ყოვლისა თქვენს რეფორმებზე და თქვენი დემოკრატიის გაღრმავებაზე. რაც შემეხება მე, როდესაც თბილისში ვიმყოფები, თავი ევროპაში მგონია! ძვირფასო ქართველო მეგობრებო, საფრანგეთსა და საქართველოს გაცილებით მეტი აკავშირებს, ვიდრე 2008 წლის აგვისტოს საშინელი დღეებისა და ღამეების მოგონება. 90 წლის წინათ, სამწლიანი დამოუკიდებლობის შემდეგ, როდესაც თქვენმა ქვეყანამ მიიღო დემოკრატიული კონსტიტუცია, რომელმაც ქალთა საარჩევნო ხმის უფლება სცნო, ბოლშევიკური არმიის შემოჭრის გამო ქვეყნიდან გაქცეულმა საქართველოს ახალგაზრდა მთავრობამ საფრანგეთში ჰპოვა თავშესაფარი. შემდეგი ათწლეულების განმავლობაში მან საფრანგეთში საქართველოს თვითმყოფადობისა და დამოუკიდებლობის ძლიერი სურვილის შენარჩუნება მოახერხა. ზუსტად საფრანგეთის მიწაზე, ლევილ–სიურ-ორჟში განისვენებს მრავალი დიდი ქართველი, რომლებიც ნოე ჟორდანიასა და ნოე რამიშვილის მსგავსად, თავისუფალ საქართველოზე ოცნებობდნენ. მე სრულიად ვუჭერ მხარს ქართული კულტურის ცენტრის გახსნის პროექტს ამ ფრანგულ სოფელში, რომელიც ყველა ქართველისათვის მოგონებების ადგილი და თქვენი დამოუკიდებლობისათვის ბრძოლის სიმბოლოდ იქცა. საქართველოსა და საფრანგეთს შორის ბრძოლის ველებზეც დამყარდა სისხლით ნათესაური კავშირები. კერენის ბრძოლისა და სირიის სამხედრო მოქმედებების ვეტერანი, ქართველი დიმიტრი ამილახვარი საფრანგეთისათვის 1942 წელს გმირულად დაეცა, ლიბიაში. იგი დღესაც რჩება უცხოური ლეგიონის ლეგენდარულ ფიგურად, ერთ-ერთ იმ მებრძოლად, რომელსაც შარლ დე გოლმა საფრანგეთის სიამაყე უწოდა. ის საქართველოს სიამაყეცაა. ჩვენი ჯარისკაცები დღესაც გვერდიგვერდ იბრძვიან ავღანეთში, რათა დაამარცხონ ტერორიზმი და ობსკურანტიზმი, გაწვრთნან ავღანეთის არმია და ავღანელ ხალხს თავისუფლების შენარჩუნებაში დაეხმარონ. მინდა, მივესალმო თქვენი ჯარისკაცების თავდადებას და პატივი მივაგო მათ ხსოვნას, რომლებიც მოვალეობის შესრულებისას დაეცნენ. განსაკუთრებული თანაგრძნობა მინდა გამოვუცხადო თქვენს დაჭრილებსა და მათ ოჯახებს. ძვირფასო ქართველო მეგობრებო, რვა წლის წინათ, პრეზიდენტ სააკაშვილის ბიძგით, საქართველო გაბედულ გამოწვევას შეეჭიდა, რომელიც მაშინ ზოგიერთებმა ილუზიადაც კი მიიჩნიეს, რომ კომუნიზმის ათწლეულებით გაქვავებული რეგიონის შუაგულში ააშენებდა ნამდვილ დემოკრატიას და წარმატებულ საბაზრო ეკონომიკას. საფრანგეთი ამაყობს, რომ დაიჯერა და მხარი დაუჭირა ამ გამოწვევას. მას სურს გააგრძელოს მისი, როგორც მეგობრის, მხარში დგომა, რათა საქართველომ ყველა დაპირება პირნათლად შეასრულოს. ჩვენს ქვეყანაში უფრო და უფრო იზრდება იმ საწარმოთა რიცხვი, რომლებიც ინტერესდებიან და ემზადებიან თქვენს ქვეყანაში დასაფუძნებლად. ისინი უკვე წარმოდგენილნი არიან კვების, საბანკო და ტურიზმის სექტორებში. ვიმედოვნებ, რომ ხვალ მათ საქალაქო და საჰაერო ტრანსპორტისა და ინფრასტრუქტურის სფეროებში ვიხილავთ. სწორედ ფრანგული საწარმო დაგეხმარებათ სათხილამურო ბაზების განვითარებაში გუდაურსა და მესტიაში, რომლებიც მსოფლიოს ულამაზეს ადგილთა შორისაა. იმის დასამტკიცებლად, რომ ჩვენ გვჯერა საქართველოს უზარმაზარი პოტენციალის, საფრანგეთის განვითარების სააგენტო ამიერიდან ხელსაყრელ პირობებით გამოყოფს დაფინანსებას თქვენი ქვეყნის განვითარების მხარდასაჭერად. თქვენ წამოიწყეთ განათლების სისტემის ძირეული რეფორმა. კავკასიის ფრანგული სკოლის გახსნით, წელს არაჩვეულებრივ შენობაში, საფრანგეთს სურს თქვენ გვერდით იყოს, რათა ჩამოყალიბდეს ხვალინდელი ელიტა და ახალი ხიდები გაიდოს საფრანგეთს, ევროპასა და საქართველოს შორის. თქვენი პრეზიდენტი და მისი მეუღლე სანდრა, რომლებიც ასე კარგად ლაპარაკობენ ჩვენს ენაზე, ნათელი მაგალითია იმისა, რომ ფრანგული ენის ფლობა საუკეთესო პასპორტია მაღალი თანამდებობების დასაკავებლად! მე მსურს, რომ მათ მსგავსად, თქვენმა ახალგაზრდობამაც მიიღოს განათლება მთელი მსოფლიოს ფრანკოფონული უნივერსიტეტების ქსელში. ასევე მსურს, რომ ქართველმა ახალგაზრდებმა სრულად ისარგებლონ ერასმუსის პროგრამებით, რომლებიც მთელი ევროპის ახალგაზრდობას აერთიანებს! საქართველო ფრანკოფონიის ორგანიზაციის დამკვირვებელი წევრია. ეს როგორც ფრანკოფონიის, ისე თქვენი ახალგაზრდობის უპირატესობაა. ბატონო პრეზიდენტო, ძვირფასო მიშა, ძვირფასო ქართველო მეგობრებო, გასული საუკუნის დასაწყისში, ისევე როგორც 2008 აგვისტოში, საფრანგეთი და საქართველო ერთმანეთს ბედუკუღმართობისა და განსაცდელის ჟამს შეხვდნენ ერთმანეთს. ისტორიის მიერ ჩვენთვის მოვლენილი ამ შეხვედრებისას, ჩვენს ხალხებს შორის ღრმა მეგობრობა დაიბადა. ამ საღამოს, მე მოვედი აქ, თავისფლების მოედანზე, რომ ამ მეგობრობის ზეიმში მივიღო მონაწილეობა. მე მოვედი, რათა დაგარწმუნოთ, რომ საფრანგეთი, ისევე როგორც გუშინ, ხვალაც ერთგული მეგობარი იქნება, რომლის იმედი საქართველოს მუდამ შეუძლია ჰქონდეს. გაუმარჯოს საქართველოს! გაუმარჯოს საფრანგეთს! გაუმარჯოს საქართველოსა და საფრანგეთის მეგობრობას ! http://www.onlinenews.ge/index.php?id=14922&lang=geo ეხლა ვიპოვე, ჯერ არ წამიკითხავს

fashisti მოშორდი ამ ტელევიზორს და ქალაქში გადი, ნახე რა ხდება ეხლა სახლიდან არ ვპოტავ ჩემ მეგობართანვარ სავსეა ყვითელი ავტობუსებით დიღომი, დიდუბე და გლდანი სასაცილოცაა და სატირალიც აი ვინ ვერ მოშორდა ამ კომუნიაკურ და ძველებურ აზროვნებას ნაცებმა პაკაზუხისთვის ხალხი შეყარეს სარკოზობაზე სირცხვილი არაა?

georgekh13 მაშინ ძალიან რაციონალური ყოფილა მიშა და მისი გუნდი - პოლიტიკით ბიზნესს რომ აკეტებენ ისე მე მირჩევნია პირიქით იყოს

ბიძინა ივანიშვილის განცხადება ტელევიზიის შეძენის შესახებ 21:10 06-10-2011 ბიძინა ივანიშვილის განცხადება ტელევიზიის შეძენის შესახებ ბიძინა ივანიშვილმა ტელევიზიის შეძენის შესახებაც გაავრცელა განცხადება, რომელსაც ”ინტერპრესნიუსი” უცვლელად გთავაზობთ: ”შევიძენ ნებისმიერ ქართულ ტელევიზიას, რომელსაც საინფორმაციო გადაცემების ლიცენზია გააჩნია. იმისათვის, რომ მეპატრონეს (თუკი ასეთი არსებობს სააკაშვილის გარდა) გაყიდვის რეალური ინტერესი გაუჩნდეს, ვთავაზობ შემდეგს: 1. გადავიხდი საბაზრო ღირებულებაზე სამჯერ მეტ თანხას. ღირებულება უნდა შეაფასოს მსოფლიო ბანკის მიერ რეკომენდებული ხუთი აუდიტორული კომპანიიდან ერთ-ერთმა. 2. შეძენიდან მაქსიმუმ ორი წლის შემდეგ, მის დღევანდელ მფლობელს ტელევიზიას დავუბრუნებ სიმბოლურ ფასად _ 1 (ერთ) ლარად. იურიდიულად ეს ვალდებულებები გაფორმდება გაყიდვის კონტრაქტთან ერთად. იმავდროულად გაფორმდება ვალდებულება, რომ ტელევიზიის დღევანდელი ძირითადი საშუალებების ღირებულება, დაბრუნების მომენტში, მინიმუმ 15 პროცენტით იქნება გაზრდილი. 3. ტელევიზიის ახლანდელ მფლობელს უფლება ექნება (ეს გაყიდვის მომენტში გარანტიის სახით აისახება), შეინარჩუნოს საეთერო დროის 50 პროცენტი. ეს იმას ნიშნავს, რომ "მაესტროს" და "კავკასიის" დღევანდელ მფლობელებს შეეძლებათ, პრაქტიკულად მთლიანად შეინარჩუნონ დღევანდელი გადაცემები (ამ ტელეარხების საეთერო დრო ამჟამად 50 პროცენტითაც კი არ არის დატვირთული). თუ ჩემს შეთავაზებას არ გამოეხმაურებიან, ამ ტელევიზიების დანიშნულება მართლდება”,-ნათქვამია განცხადებაში. http://www.interpressnews.ge/ge/politika/180978-bidzina-ivanishvilis-ganckhadeba-televiziis-shedzenis-shesakheb.html georgekh13 არა ესე უნდა ამოგვხდეს სული - უ-"იმედობაში"

ძუკუ ბოდიშს ვიხდი გამეორებისთვის - არ დამინახავს აღდგომა და ხვალეო - ვნახოთ

ბიძინა ივანიშვილის განცხადება 21:08 06-10-2011 ბიძინა ივანიშვილის განცხადება ქართველმა ბიზნესმენმა, ბიძინა ივანიშვილმა ახალი პარტიის შექმნის შესახებ ვრცელი განცხადება გაავრცელა, რომელსაც ”ინტერპრესნიუსი” უცვლელად გთავაზობთ: ”მიხეილ სააკაშვილის მიერ ხელისუფლების ტოტალურმა მონოპოლიზებამ და ჩატარებულმა კონსტიტუციურმა ცვლილებებმა, რომელთა მიხედვითაც ნათლად ვლინდება სააკაშვილის სურვილი , ყველანაირი კონსტიტუციური ვადის ამოწურვის მიუხედავად, შეინარჩუნოს ძალაუფლება და დარჩეს ხელისუფლების სათავეში, მიმაღებინა გადაწყვეტილება, შევქმნა პოლიტიკური პარტია და მონაწილეობა მივიღო 2012 წლის საპარლამენტო არჩევნებში. სააკაშვილის მმართველობის დროს დაშვებული იყო (და დღემდე გრძელდება) ისეთი უამრავი პატარა, დიდი და მიუტევებელი შეცდომები, რომ მის ადგილზე ნებისმიერი საღად მოაზროვნე და გონიერი პოლიტიკოსი ვადაზე ადრე წავიდოდა პოლიტიკიდან და პატიებას სთხოვდა თავის ხალხს. პოლიტიკოსი, რომელიც პატივს სცემს საკუთარ ქვეყანას, თავის ხალხს ან ელემენტარული თავმოყვარეობა მაინც გააჩნია, გააცნობიერებდა, რომ ლეგიტიმური გზით პოლიტიკაში დარჩენა შეუძლებელია და არ შეეცდებოდა კანონიერების ჩანაცვლებას: პირველი _ ძალადობით და მეორე _ სიცრუით. I _ საგადასახადოს, პროკურატურის და სასამართლოს გამოყენებით ქართულ ბიზნესზე ისეთი გაუგონარი ძალადობა განხორციელდა, რომ საქართველოში, პრაქტიკულად, თავისუფალი ბიზნესი აღარ არსებობს _ მას სააკაშვილის ჯგუფი, შესაბამისი ფინანსური შემოსავლებით, მთლიანად აკონტროლებს; ნორმად გახდა დემონსტრაციების აგრესიული დარბევა, მონაწილეების დაუზოგავად, უმოწყალოდ ცემა და დევნა, ხოლო 26 მაისის აქციის დარბევის შემდეგ არიან მოკლულები და დაკარგულები; საოცრად გამარტივდა ხალხის დაჭერა და ეგრეთ წოდებული საპროცესო გარიგებით _ ფულის გადახდის შემდეგ გამოშვების პროცესი. დაჭერებისAამ მეთოდმა საქართველოს მოსახლეობის ძალიან დიდი ნაწილი უკიდურესად დააშინა და არნახული სიღარიბის ზღვართან მიიყვანა. II _ დამთრგუნველია ყველა იმ სიცრუის მოსმენა, რაც საინფორმაციო საშუალებებიდან მოედინება. ყოველდღიური ტრაბახი და ტყუილების კორიანტელი სააკაშვილის მიღწევების შესახებ უაღრესად შეურაცხმყოფელია. აღმაშფოთებელია, რომ სააკაშვილი საზოგადოებას ასეთი დონის ბრიყვად მიიჩნევს. ქვეყნის პრეზიდენტის მიერ შექმნილი სიცრუის მანქანა არათუ ჩვეულებრივ მოქალაქეს, პროფესიონალ ანალიტიკოსსაც კი უძნელებს თეთრის შავისაგან გარჩევას. სიცრუის ქსელში ჩართულმა ფსევდოოპოზიციურმა პოლიტიკოსებმა, პარტიებმა და საინფორმაციო საშუალებებმა ისეთი გარემო შექმნეს, რომ საზოგადოების პოლიტიკურად ყველაზე აქტიურ ნაწილსაც კი პოლიტიკის მიმართ უნდობლობა გაუჩინეს და საბოლოოდ დააკარგინეს არჩევნების გზით რაიმეს შეცვლის იმედი. რა თქმა უნდა, ყოველივე ეს შეუძლებელი იქნებოდა საინფორმაციო საშუალებების ტოტალური კონტროლის გარეშე. Yყველა ტელევიზიას, მათ შორის `მაესტროს~ და `კავკასიას~, სააკაშვილი აკონტროლებს. დასახელებული ტელეარხები სპეცდანიშნულების ფსევდოოპოზოციურ მედიასაშუალებებს წარმოადგენენ. `მაესტრო~ და `კავკასია~ ძირითადად თბილისს მოიცავენ. მოგეხსენებათ, რომ დედაქალაქში ხალხი ყველაზე მეტად არის ინფორმირებული, ამ ორი ტელევიზიის გარეშეც თბილისელების დიდმა ნაწილმა კარგად იცის, თუ როგორია რეალობა; რასაკვირველია, გარდა იმ თბილისელებისა, ვინც პირდაპირ კავშირშია სააკაშვილის მთავრობასთან (მუშაობენ ან რაიმე სახის დაფინანსებას ღებულობენ), მას დედაქალაქში პრაქტიკულად მხარდამჭერი არ ჰყავს. შესაბამისად, ის კრიტიკა, რომელიც ამ ტელევიზიების საშუალებით ხორციელდება, სააკაშვილს ბევრს არაფერს აკლებს, სამაგიეროდ, რამდენიმე მნიშვნელოვან ფუნქციას ასრულებს: _ არსებობს ტრიბუნა, სადაც ფსევდო თუ რეალურ ოპოზიციას სისტემატურად შეუძლია საკუთარი პოზიციის გამოხატვა და სააკაშვილის კრიტიკა. პოლიტიკოსებთან ერთად, გამწარებულ მოქალაქეებსაც ეძლევათ საშუალება, ტელეფონის მეშვეობით მიიღონ მონაწილეობა მთავრობის საქმიანობის შესახებ მომზადებულ კრიტიკულ გადაცემებში და თავისი გულისწყრომა გამოხატონ _ მოკლედ რომ ვთქვათ, ორთქლი გამოუშვან: ეს მათ გარკვეულწილად აგრესიისგან ათავისუფლებს და ამცირებს სხვა ხერხების (ქუჩა და სხვა) გამოყენების აუცილებლობას. _ საქართველოს მოქალაქეებსა და უცხოელებს მუდმივად შეახსენებენ, რომ საქართველოში არსებობს ორი ოპოზიციური ტელევიზიაა, სადაც მუდმივად აკრიტიკებენ მთავრობას და ამით სურთ, საქართველო დემოკრატიისა და აზრის თავისუფლების სავანედ წარმოაჩინონ. _ ფსევდოოპოზიციური პოლიტიკოსისა თუ პარტიის `რასკრუტკა~ (წარმოჩენა, ხელშეწყობა, გაპიარება). _ რეალური ოპოზიციის კრიტიკა სასურველ დროს სასურველი კუთხით (მაგალითად _ Fფსევდოოპოზიციონერისგან); _ სპეციალური ინფორმაციის `სწორად~ და დროულად მიწოდება. _ 26 მაისის მოვლენების დროს `მაესტროს~ საკმაოდ ბევრ ეპიზოდში აშკარად `აღარ ეცალა~ ოპოზიციონერობისთვის, ზოგჯერ კი ამის პრეტენზიაც კი არ ჰქონდა. _ 26 მაისის მსგავს და უფრო მწვავე სიტუაციებში, ეს ორი ტელევიზია ზუსტად ისე მოიქცევა, როგორც სააკაშვილისთვის იქნება მოსახერხებელი და ხელსაყრელი. ამიტომაც, ეს ორი ფსევდოოპოზიციური ტელევიზია, ჩემი აზრით, სააკაშვილისთვის უფრო მეტად ეფექტურია, ვიდრე სხვა დანარჩენი (ამ თემასთან დაკავშირებით იხილეთ ჩემი ცალკე განცხადება ტელევიზიის შეძენის შესახებ აქვე, ძირითადი განცხადების შემდეგ). საბედნიეროდ, საქართველოში არსებობს რეალური ოპოზიციაც, მაგრამ ზემოთ ჩამოთვლილი მიზეზებისა და კიდევ სხვა არაერთი მიზეზის გამო, არ ძალუძთ, სერიოზული წინააღმდეგობა გაუწიონ სააკაშვილსა და მის ნაციონალურ პარტიას. შესაბამისად, დღევანდელი გადასახედიდან, სააკაშვილს თითქმის გარანტირებული აქვს აიხდინოს თავისი ოცნება _ მუდმივად დარჩეს ხელისუფლებაში. სააკაშვილს ვერ გაუცნობირებია მთავარი: ამ მეთოდებით _ ძალადობითა და სიცრუით, რითაც ის ქვეყანას მართავს, რაც უფრო დიდხანს დარჩება სახელმწიფოს სათავეში, მით უფრო მძიმე მდგომარეობაში ჩააგდებს ქვეყანას და რასაკვირველია, მით უფრო მძიმე იქნება მისი პირადი ხვედრიც _ ისტორიაში ამის უამრავი მაგალითი არსებობს, საამისოდ უახლესი პერიოდის გახსენებაც კი საკმარისია. 2008 წლის გაყალბებული არჩევნების შემდეგ მე მივიღე გადაწყვეტილება, დახმარება გამეწია ოპოზიციური ძალებისთვის და სწორი არჩევნის გასაკეთებლად სერიოზულ დაკვირვებას ვაწარმოებდი, თუ ვის და როდის დავხმარებოდი. დავრწმუნდი, რომ პირადი მონაწილეობის გარეშე ძალიან გაჭირდებოდა საჭირო შედეგის მიღება, ამიტომაც გადავწყვიტე, გარკვეული დროის განმავლობაში, დაახლოებით 2-3 წელი, პირადად გავუწიო კოორდინაცია შემდეგ პოლიტიკურ პროცესებს: _ ჩემ მიერ შექმნილი ახალი პოლიტიკური პარტიისა და არსებული ჯანსაღი პოლიტიკური ძალების გაერთიანებით მოვახდინოთ 2012 წლის საპარლამენტო არჩევნების აბსოლუტური უმრავლესობით მოგება. _ გავარკვიოთ და ხალხთან ერთად შევიმუშაოთ ქვეყნის მართვის ოპტიმალური მოდელი, მოვახდინოთ ისეთი საკონსტიტუციო ცვლილებები, რომ მომავალში არათუ საშუალება, სურვილიც კი არ გაუჩნდეს ვინმეს, რომ კონსტიტუცია საკუთარ თავს მოარგოს. _ პრემიერის ან პარლამენტის თავმჯდომარის რანგში მონაწილეობა მივიღო ახალი მთავრობის ჩამოყალიბებაში და პასუხისმგებლობა ვიკისრო მის ნორმალურ ფუნქციონირებაზე, რათა ბოლომდე აღმოიფხვრას ისეთი მასშტაბის ელიტარული კორუფცია, რომელშიც სააკაშვილის ახლანდელი მთავრობის მაღალი ეშელონებია ჩაფლული. _ დავიწყოთ დამოუკიდებელი სასამართლო სისტემის შექმნა და იგი შეუქცევად პროცესამდე მივიყვანოთ. _ პერსპექტიული გავხადოთ აფხაზეთისა და სამხრეთ ოსეთის ტერიტორიებზე ქართული სახელმწიფოს იურისდიქციის აღდგენა. _ შევქმნათ რეალურად საინტერესო საინვესტიციო გარემო და ერთი ჯგუფის მიერ მონოპოლიზებული ბიზნესის ნაცვლად, საფუძველი ჩავუყაროთ ქვეყანაში ბიზნესის აღორძინებას. _ ბოლომდე მივიყვანო დაწყებული პირველი პროექტი, რომელიც სოფლის მეურნეობის აღორძინებას ეხება (იხილეთ სქოლიო #1) და რეალობას დავუახლოო მეორე პროექტი _ ტექნოლოგიური უნივერსიტეტის დაარსებისა და მაღალტექნოლოგიური სამუშაო ადგილების შექმნის შესახებ. (იხილეთ სქოლიო #2) _ დავიწყოთ რუსეთთან ურთიერთობის დალაგება. _ გავაღრმაოთ აშშ-სა და ევროკავშირთან მეგობრობა და ინტეგრაცია... სრულ და დაზუსტებულ ჩამონათვალს, თუ რის გაკეთებას ვაპირებ, საზოგადოება მომავალი პარტიის პროგრამაში იხილავს. ჩემი აზრით, ზემოთ ჩამოთვლილი პრობლემების მოგვარებას დაახლოებით ორიდან სამ წლამდე დასჭირდება. ამის შემდეგ მე ვაპირებ წავიდე პოლიტიკიდან, რათა აქტიური მონაწილეობა მივიღო ქვეყნის საზოგადოებრივ ცხოვრებასა და მის განვითარებაში. თუ გავიხსენებთ ჩვენს უახლოეს ისტორიას, სამი პრეზიდენტიდან პირველი ორი ვადაზე ადრე ჩამოვაგდეთ, ხოლო მესამეს შეუძლია, ქვეყანა კატასტროფამდეც კი მიიყვანოს _ მარტივი გასაგები და ასახსნელია, რომ პრობლემა პრეზიდენტებში კი არა, საზოგადოებაშია. უნდა ვაღიაროთ, რომ უძველესი კულტურის საზოგადოება დღეს პოლიტიკური კულტურის ნაკლებობას განიცდის (?!). ჩვენ _ საზოგადოებამ უნდა ვისწავლოთ, როგორ უნდა ავირჩიოთ და უფრო მნიშვნელოვანი _ როგორ ვაკონტროლოთ სახელმწიფოს მეთაური და მისი მთავრობა. (გაიხსენეთ, სააკაშვილი არჩევნების პერიოდში ჰალსტუხს თხოულობდა თანაპარტიელებისგან, არჩევნების შემდეგ, პირველ ეტაპზე, საერთო რეისებით დაფრინავდა... დღეს კი აბსოლუტურად ყველაფრის უფლებას აძლევს საკუთარ თავს და არავითარ ანგარიშს აღარ უწევს ქართველ საზოგადოებას). უახლოეს მომავალში ჩვენ უნდა შევძლოთ და ჩამოვაყალიბოთ სამოქალაქო საზოგადოების ის კრიტიკული მასა (რის განვითარებასაც შემდგომში წლები და ათწლეულები დასჭირდება), რომელსაც ნებისმიერმა მთავრობამ ანგარიში უნდა გაუწიოს და იმის გაფიქრების სურვილიც კი არ გაუჩნდეს, რასაც სააკაშვილის დღევანდელი მთავრობა კადრულობს. საწყისი მუხტის შესაქმნელად, აუცილებელ პირობად მიმაჩნია რეალურად ჩამოყალიბდეს საზოგადოებრივი საინფორმაციო ცენტრი (ტელევიზია, რადიო, გაზეთები, ინტერნეტგამოცემები), რომლის შექმნასაც, პოლიტიკური მოღვაწეობის პარალელურად, მე ზემოთ ნახსენებ ორ-სამ წელიწადში მოვახერხებ. ინტელიგენციის იმ ნაწილთან ერთად, რომელიც საქართველოში საბედნიეროდ კიდევ გვყავს, ჩვენ მოვახერხებთ მართვის შესაბამისი წესების ჩამოყალიბებას, რომ საინფორმაციო ცენტრი იყოს მაქსიმალურად ობიექტური, გამოირიცხოს რაიმე სახის მიკერძოება.. საინფორმაციო ცენტრის მაღალ დონეზე ფუნქციონირებაში უდიდესი როლი ენიჭება ჟურნალისტების პროფესიონალიზმსა და პრინციპულობას. კარგად ვაცნობიერებ, რომ დღეს ჟურნალისტების აბსოლუტურ უმრავლესობას არ აქვს არჩევანი. ხშირად, ისინი იძულებული არიან, დაივიწყონ ქვეყნის ინტერესები, რათა არ დაკარგონ ერთადერთი შესაძლებლობა _ მიიღონ ელემენტარული შემოსავალი ოჯახის სარჩენად. დღეიდან, ყველა ჟურნალისტს, ვისაც თავისი ობიექტურობისა და პრინციპულობის გამო სამსახურიდან დაითხოვენ, ვთავაზობ ადგილს მომავალი პოლიტიკური პარტიის შტაბში არანაკლები ანაზღაურებით, რომელიც მათ ახლა გააჩნიათ. ამასთანავე, რა თქმა უნდა, ისინი პრივილიგირებული იქნებიან მომავალ საინფორმაციო ცენტრში თანამშრომლების შერჩევის დროსაც. და ბოლოს _ მინდა, შეძლებისდაგვარად განმარტება გავაკეთო ჩემი ახლანდელი გადაწყვეტილების თაობაზე. მთელი ჩემი ცხოვრების მანძილზე მე უარვყოფდი პოლიტიკაში მოსვლის ალბათობას. მიმაჩნდა, რომ როგორც ჩვეულებრივ მოქალაქეს, თავისუფალს ყოველგვარი დამატებითი ვალდებულებებისგან, უფრო მეტი შემეძლო გამეკეთებინა, მაგრამ დღევანდელმა პოლიტიკურმა გარემომ ნათლად დამანახა ჩემი შეხედულებების შეცვლის აუცილებლობა. დიდი ფიქრისა და ანალიზის შემდეგ მივხვდი, რომ მე აღარ მქონდა არჩევანი. დავრწმუნდი, რომ მხოლოდ ოპოზიციის ფინანსური დახმარებით არ იქნებოდა შესაძლებელი პოლიტიკური პროცესების კორექტული მართვა და ქვეყნისთვის სასურველი შედეგის მიღება. გარწმუნებთ, რომ ძალიან დიდი ძალისხმევა დამჭირდა, რომ ეს გადაწყვეტილება მიმეღო. ვაღიარებ, რომ ჩემი ოპონენტებისთვის ეს განმარტება საკმარისი არ იქნება და კარგად ვაცნობიერებ იმასაც, რომ დარჩენილი ცხოვრება დამჭირდება, რათა საზოგადოებას ჩემი გულწრფელობა დავუმტკიცო. და კიდევ ერთი: ჩემი კაპიტალის დაახლოებით მესამედი, სხვადასხვა ბიზნესის სახით, მდებარეობს რუსეთში. იმისთვის, რომ პოლიტიკაში ჩემი ყოფნისას საზოგადოებას ზედმეტი კითხვები არ გაუჩნდეს, 2012 წლის საპარლამენტო არჩევნების დაწყებამდე მე მოვახდენ რუსეთში არსებული ბიზნესის რეალიზაციას. ამავე მიზეზით უარს ვამბობ ორმაგ მოქალაქეობაზე და უახლოეს დღეებში ჩავაბარებ რუსეთის და საფრანგეთის ქვეყნების პასპორტებს. ----------------- I 2004 წლიდან მოყოლებული რამდენჯერმე შევხვდი მიხეილ სააკაშვილს. ერთადერთი საკითხი, რომელიც სამჯერ წამოვწიე მასთან საუბარში, სოფლის მეურნეობის განვითარების პროექტი იყო. ჩემი აზრით, ეს პროექტი სწრაფ განხილვას მოითხოვდა და დასაწყისისთვის ერთი მილიარდი აშშ დოლარის ინვესტიციას საჭიროებდა. რამდენადაც ვიცოდი, რომ ქვეყნის ბიუჯეტს ამის შესაძლებლობა არ გააჩნდა, მიხეილ სააკაშვილს ამ პროექტის სრული დაფინანსება მე შევთავაზე. პასუხი მხოლოდ საკითხის მესამედ წამოწევის შემდეგ მივიღე. სააკაშვილს, როგორც მან თვითონ აღნიშნა, ბენდუქიძესთან გასაუბრების შემდეგ, მიაჩნდა, რომ ეს პროექტი რთული განსახორციელებელი იქნებოდა, რადგან კორუფციას გამოიწვევდა. დავრწმუნდი რა, რომ სააკაშვილს ამ პროექტის განხორციელების არავითარი ინტერესი არ გააჩნდა, 2006 წლიდან საკუთარი ძალებით დავიწყე მოქმედება, თუმცა კარგად ვაცნობიერებდი, რომ სახელმწიფო სტრუქტურების გარეშე ამ მასშტაბის პროექტის სრულყოფილი განხორციელება შეუძლებელი იქნებოდა. კერძოდ: ჩამოვაყალიბე არასამეწარმეო იურიდიული პირი (აიპ) `აგრო _ ვაზისა და ხეხილის სარგავი მასალის წარმოების ეროვნული ცენტრი~, რომლისთვისაც 2007 წელს ეკონომიკის სამინისტროსგან შევიძინე 54 ჰა მიწის ფართობი მცხეთის რაიონის სოფელ ჯიღაურაში. 2011 წლის 5 ოქტომბრის მდგომარეობით გაშენებულია: ვაზი 1. ქართული ვაზის ჯიშების საკოლექციო ნაკვეთი _ 3,5 ჰა (430 ჯიში); 2. ქართული სტანდარტული ვაზის ჯიშები _ 7 ჰა (35 ჯიში); 3. ვაზის უცხოური ჯიშები _ 5 ჰა (100-ზე მეტი ჯიში); 4. ვაზის საძირეები _ 1,8 ჰა (8 ჯიში). ხეხილი 1. ადგილობრივი და უცხოური სხვადასხვა ხეხილოვანი კულტურა _ 9 ჰა (15 კულტურის 200 ჯიში); 2. ხეხილის საძირეები _ 2,8 ჰა (11 ჯიში). აიპ `აგროს~ მიერ წარმოებული სარგავი მასალები 2011 წლიდან უფასოდ გადაეცათ საქართველოს სხვადასხვა რეგიონში ათამდე ფერმერს ვაზისა და ხეხილის სანერგე მეურნეობის შესაქმნელად. სამომავლო მიზანია, რომ ნებისმიერ ფერმერს მივაწოდოთ მათთვის სასურველი ოდენობის სარგავი მასალა. 2008 წელს შეძენილ იქნა მცხეთის რაიონის სოფელ სელექციაში (წილკანი) 7 ჰა მიწის ნაკვეთი და 2009 წელს _ ახალქალაქის რაიონში 93 ჰა მიწის ნაკვეთი. ჩვენი მიზანია: საქართველოში პირველად, კარტოფილის ელიტური თესლის წარმოება. წილკნის ინ-ვიტრო ლაბორატორიაში და სათბურებში იწარმოება კარტოფილის მინიტუბერები. ახალქალაქის ნაკვეთებზე ხდება ტუბერების გამრავლება (სამწლიანი ციკლი) ელიტურ თესლამდე. თესლის გამრავლება დაწყებულია 2010 წლიდან, შესაბამისად, 2012 წლის შემოდგომიდან შევძლებთ ფერმერებს მივაწოდოთ კარტოფილის ელიტური თესლი უფასოდ. ყველა ობიექტი უზრუნველყოფილია შესაბამისი თანამედროვე ინფრასტრუქტურით. მიმდინარეობს მუშაობა სასოფლო-სამეურნეო სხვა კულტურების საუკეთესო თესლების შემოსატანად და მოსახლეობისთვის დასარიგებლად. ჩვენ უკვე 4-5 წელია ვმოქმედებთ და შეიძლება ითქვას, რომ ხანგრძლივ დროზე გათვლილ პროცესებში შესამჩნევ პროგრესს მივაღწიეთ. თუმცა არის ისეთი საკითხები, რომლის ორგანიზება სახელმწიფო სტრუქტურების ჩაურევლად რთულია. აუცილებელია, რომ ყველა გლეხი, რომლებსაც საფერმო მეურნეობის ჩამოყალიბების სურვილი გააჩნიათ, უზრუნველვყოთ გრძელვადიანი უპროცენტო სესხებით სამეურნეო ტექნიკისა და სხვა ძირითადი საშუალებების შესაძენად. დასაწყისისთვის (დაახლოებით 3 წლამდე) დავეხმაროთ სახორცე და სარძევე პირუტყვის შერჩევასა და შეძენაში, უფასო თესლის, ნერგის, საწვავისა და სასუქის მომარაგებაში. ყველაფერი ეს საშუალებას მისცემს თოხზე გადამკვდარ ქართველ გლეხს, რომ სული მოითქვას _ ოჯახსაც გააძლიერებს, ქართული ბაზარიც ჯანმრთელი ქართული სოფლის მეურნეობის პროდუქტით შეივსება და საექსპორტო პოტენციალიც გაჩნდება. II. პროექტი ტექნოლოგიური უნივერსიტეტის დაარსებისა და მაღალტექნოლოგიური სამუშაო ადგილების შექმნის შესახებ. თავად ეს პროექტი თავისი შინაარსით ორი ნაწილისგან შედგება. პროექტის პირველი ნაწილის იდეა, რაც უშუალოდ ტექნოლოგიური უნივერსიტეტის დაარსებას ითვალისწინებს, პირველად თბილისის სახელმწიფო უნივერსიტეტის მაშინდელ რექტორ გია ხუბუასთან განვიხილე. პირველ ეტაპზე ვფიქრობდი, რომ ეს ამ სახელმწიფო უნივერსიტეტის ბაზაზე უნდა ყოფილიყო ერთი ან რამდენიმე ფაკულტეტის სახით. გია ხუბუას ეს იდეა ძალიან მოეწონა და შევთანხმდით ფაკულტეტების დამატების ნაცვლად ახალი საუნივერსიტეტო ქალაქის აშენების თაობაზე. შეხვედრიდან რამდენიმე დღეში შეიქმნა სამუშაო ჯგუფი უნივერსიტეტისა და `ქართუ ჯგუფის~ თანამშრომლების ბაზაზე. 2008 წელს `ქართუ ჯგუფმა~ გააფორმა ხელშეკრულება დანიურ კომპანიასთან საუნივერსიტეტო ქალაქის ასაშენებლად საპროექტო დავალებისა და საკონკურსო პროგრამის შედგენაზე. ამის შემდეგ ჩატარდა არქიტექტურული პროექტის ტენდერი მსოფლიოში ცნობილ არქიტექტურულ ჯგუფებს შორის, სადაც "ჰენინგ ლარსენ არქიტექტის" ჯგუფმა გაიმარჯვა. რეალურია, რომ სამშენებლო სამუშაოები მომავალი ერთი წლის განმავლობაში დაიწყოს. ამ ერთი წლის განმავლობაში და მშენებლობის პროცესში დაზუსტდება ფაკულტეტები და სპეციალობები. ასევე მოსაწვევი პროფესორ-მასწავლებლების რაოდენობა. ამ პროექტის მეორე ნაწილია მაღალტექნოლოგიური საწარმოების შექმნა, რომლებშიც დასაქმდებიან უნივერსიტეტის კურსდამთავრებულები. იგი უშუალოდ მიბმულია პროექტის პირველ ნაწილთან. მე კარგად მაქვს გაცნობიერებული, რომ ამის განხორციელება საკმაოდ ბევრ სირთულესთან არის დაკავშირებული, თუ ჩვენ შევქმნით იმ ძირითად პირობებს, რაც საშუალებას მოგვცემს დავაინტერესოთ მსხვილი უცხოური კომპანიები. კერძოდ: 1. ტექნოლოგიური უნივერსიტეტის მეშვეობით შეიქმნება ადგილობრივი მაღალკვალიფიციური კადრების ბაზა საწარმოების დაარსებისა და ფუნქციონირებისთვის. 2. ადგილობრივი ინვესტორის არსებობა. მე მზად ვარ, მთელი ჩემი კაპიტალი ამ საქმეს მოვახმარო. ამავე დროს, არ გამოვრიცხავ საქართველოში არსებული სხვა ბიზნესმენებისა და საფინანსო ჯგუფების მონაწილეობას. 3. საქართველოში რეალურად შეიქმნება საიმედო პოლიტიკური და ეკონომიკური გარემო. მოგეხსენებათ, რომ სწორედ დღევანდელი მდგომარეობის გამო არც ერთი სერიოზული კომპანია არც კი განიხილავს საქართველოში ინვესტირების საკითხს. უნივერსიტეტის დაარსება (რომლის განსახორციელებლადაც 3 წლის განმავლობაში საკმაოდ ბევრი სამუშაოა ჩატარებული) და მაღალტექნოლოგიური საწარმოების შექმნა პარალელური პროცესებია და უნდა მოხდეს ერთ მთლიან პროექტში ამ ორი ნაწილის სინქრონიზაცია. უნივერსიტეტის დაარსების გარეშე შეუძლებელი გახდება მაღალტექნოლოგიური საწარმოების კადრებით უზრუნველყოფა, და პირიქით, საწარმოების შექმნის გარეშე ასეთი უნივერსიტეტის არსებობა გამოიწვევს მაღალი ინტელექტის უმეშევრად დარჩენილი პროფესიონალების საქართველოდან იოლ გადინებას. ჩამოთვლილი და კიდევ სხვა სირთულეების გამო გასაგებია, რომ ამ პროექტის განხორციელებაზე რამე გარანტიის მიცემა არ შეიძლება. მე მას უფრო ოცნების პროექტს დავარქმევდი, თუმცა ოცნების ახდენაც ხომ შესაძლებელია?!”,-ნათქვამია განცხადებაში. http://www.interpressnews.ge/ge/politika/180977-bidzina-ivanishvilis-ganckhadeba.html

http://www.interpressnews.ge/ge/politika/180977-bidzina-ivanishvilis-ganckhadeba.html ბიძინა ივანიშვილის განცხადება 21:08 06-10-2011 ბიძინა ივანიშვილის განცხადება ქართველმა ბიზნესმენმა, ბიძინა ივანიშვილმა ახალი პარტიის შექმნის შესახებ ვრცელი განცხადება გაავრცელა, რომელსაც ”ინტერპრესნიუსი” უცვლელად გთავაზობთ: ”მიხეილ სააკაშვილის მიერ ხელისუფლების ტოტალურმა მონოპოლიზებამ და ჩატარებულმა კონსტიტუციურმა ცვლილებებმა, რომელთა მიხედვითაც ნათლად ვლინდება სააკაშვილის სურვილი , ყველანაირი კონსტიტუციური ვადის ამოწურვის მიუხედავად, შეინარჩუნოს ძალაუფლება და დარჩეს ხელისუფლების სათავეში, მიმაღებინა გადაწყვეტილება, შევქმნა პოლიტიკური პარტია და მონაწილეობა მივიღო 2012 წლის საპარლამენტო არჩევნებში. სააკაშვილის მმართველობის დროს დაშვებული იყო (და დღემდე გრძელდება) ისეთი უამრავი პატარა, დიდი და მიუტევებელი შეცდომები, რომ მის ადგილზე ნებისმიერი საღად მოაზროვნე და გონიერი პოლიტიკოსი ვადაზე ადრე წავიდოდა პოლიტიკიდან და პატიებას სთხოვდა თავის ხალხს. პოლიტიკოსი, რომელიც პატივს სცემს საკუთარ ქვეყანას, თავის ხალხს ან ელემენტარული თავმოყვარეობა მაინც გააჩნია, გააცნობიერებდა, რომ ლეგიტიმური გზით პოლიტიკაში დარჩენა შეუძლებელია და არ შეეცდებოდა კანონიერების ჩანაცვლებას: პირველი _ ძალადობით და მეორე _ სიცრუით. დიდი განცხადებაა შედით ლინკზე

FRIDRIX არ შეიძლება დაირღვეს წესდება ! არ შეიძლება! არავის არ აქ უფლება დაარღვიოს წესდება - ვახ! არც მინისტრს არც სერჟანტს და არც სხვას! ხოდა ზუსტად მაგას გეუბნები სამხედრო და უწყობრივი წესდება არის კანონი იქ მომსახურე ადამიაებისთვის იმიტომ რომ მათ სხვა უფლებები აქვთ ჩამორთმეული - მაგალითად არ აქვთ სხვა მოქალაქეებივით მიიღონ მონაწილეობა აქციებში და გაფიხვებში. სწორედ ამიტომ აქვთ წესდებები რომლებიც არეგულირებს შიდა სამსახურეობრივ ურთიერთობებს და ქცევებს. ეს წესდება არის მათი შიდა ქცევის კანონი თუ ვინმე არღვევს ამ კანონს ეს ნიშანვს იმას რომ კანონი ირღვევა მეტი როგორ აგიხსნა? გარდა ამისა სამხედრო ან სხვა უწყებრივი ქვედანაყოფის ტანამშრომელი რომელიც არღვევს სისხლის სამართლის კანონს, მას ერთმევა წოდება და ისჯება საერთო სისხლის სამართლის კანონის მიხედვით. ანუ, ამ პირებს ეს წოდებები უნდა ჩამორთმეოდატ და ისე გაესამართლებინათ. ეს ტუ არ მოხდა - კანონი დაირღვა. სამხედრო და სხვა წოდებები ჩამოერთმევა პირებს რომლებმაც ჩაიდინეს მუნდირისთვის შეუფერებელი და შემარცხვენელი ქმედებები. ის რაც ჩაიდინეს გირგვლიანის მკვლელებმა რამდენად მისაღები ქმედებაა პოლიციის ტანამშრომლისთვის? მე ვფიქრობ რომ მიუღებელია, ვინაიდან პოლიცია ტავად არის მიწოდებული ებრძოლოს დანაშაულს.

FRIDRIX წოდებები არის მაგრამ არა სამხედრო აი ეს აჯაფსანდალი რომ აქვთ ტავში ნაციკებს იმიტომაცაა კარგად ჩვენი საქმე. ყველა ქვეყანაში არის განსხვავება სამხედრო და პლოიციის წოდებებს შორის. გარდა ამისა - სამხედრო არის ის ვისაც აქ სპეციალური სამხედრო განათლება ( მილიტარი) პოლიცია სულ სხვა სამსახურია და განსხვავებული ცოდნა და უნარე-შვევები აქვთ. შენი ლოგიკით მაშინ ყველა ვისაც ფორმა აცვია სამხედროა - რკინიგზელტა გენერალიც სამხედროა? ეხლა მაგას მაინც ნუ მასწავლი გარნიზონში გაზრდილ ადამიანს კიდე ერთი სისულელე არსებობს წესდება და იმის მიხედვით ემატება სამხედროებს წოდებები არის გარკვეული პერიოდი როდესაც ენიჭებათ შემდგომი წოდება, მაგალითად ლეიტენატებს 2 წელი, კაპიტნამდე 3 წელი, მაიორობამდე - 4 წელი და ა.შ წესდების მიხედვით რიგგარეშე წოდება შეიძლება მიენიჭოს სამხედროს განსაკუთრებული დამსახურების შემტხვევაში და ისიც მხოლოდ ერთხელ! ცაიხედე წესდებაში ძვირფასო. აი იმიტომაცა ვართ კაი დღეში ვიღაც უდღიური პრიდურკები რომ გვყავს გენერლებად გამოცხადებული მაგალიტად ლოთი ქობალია და ძმაანი მისნი. ამას იცი რა ქვია? თვითმარქვიბა და ისჯება კანონით იქ სადაც კანონი კანონია და არა "პრახადნოი დვორ"

scipion098 მე მგონი ოტია იოსელიანია ოტარი ადრე ჩემი მეზობელი იყო, მერე საბურთალოზე გადავიდა :0 დილაზე უნდა გენახათ კავსძეზე რომ გამოდგებოდა და ქალებს ალივერებდა აივნიდან FRIDRIX ხო, მიდის უფროსი თაობა - დამენანა ........................ ეს "კლიზმა" ბოტებში ვინაა?

FRIDRIX გააჩერე ეს "ბებიაცემის ქუხნის რადიო" - გლახატ ვარ! ნუ ლაპარაკობ რაღაცას - სამხედრო წოდება არა -კვახი ჰქონდათ სადაა სამხედრო წოდებები პოლიციაში? ვინმე ისეტს მოუყევი ეს ზღაპრები ვინც წოდებებში ვერ ერკვევა და ყველა ფორმიანი ადამიანი სამხედრო ჰგონია

FRIDRIX მერე ერთი აკნტორიდან თუ ხართ, მიდი წაეხმარე ცოტა, ცოდოა კაცი, მარტო ჯახირობს 2 დრეა გადაეყვლიფა თითები - სადაა თვქვენი კორპორაციული სოლიდარობა

იცით რაზე მეცინება? ნაცებს ისეტი ისტერიკა აქვთ თითქოს მათ გარდა არავის არარ აქ ამ ქვეყანაში უფლება პრეტენზია გამოთქვას პარლამენტში შესვლაზე რა სჭირსთ ამისთანა, ხომ არიან დარწმუნებულნი საკუთარ "მაგრობაში" ?

მიშამ რაღა გააკეტა მაშინ? FRIDRIX შენ ლევანი-მუ ხარ?

FRIDRIX 14 წლის გამსხლეკილმა გოგონამ 2 სხვადასხვა იარაღით მიაყენა მძიმე დაზიანებები თავისზე უფროს ბიჭს! მოიხადა სასაჯელო ( თუ რაც ქვია) ვადის ნახევარზე მეტი და ამ დროს გირგვლიანის მკვლელები ჯერ დამალა სახელმწიფომ, მერე ძლივს მიუსაჯეს 7 წელი და ამიტაც არ დაკმაყოფილდნენ და შეიწყალა პრეზიდენტმა 4 წელიწადში რა პირობებში იხდიდნენ სასჯელს ეს კიდე სხვა ტემაა აფერუმ ქართულ სამართალს!

Saturn არ ვიცი თუმცა ბაბუაგიორგი არის კარგად ცახედული ამ საკითხში, იმას ვკითოთ

laci ვოხოხავ! ეხლა ეს ნახეთ სარკოზის ქართული საზოგადოებისადმი მიმართვა ვიზიტის დღის წესრიგში საფრანგეთის მოთხოვნით შევიდა 14:14 - 06.10.2011 ამის შესახებ ჟურნალი "ტაბულა" ფრანგულ წყაროზე დაყრდნობით იუწყება. წყაროს ცნობით, სარკოზი ამიერკავკასიის ქვეყნებში ვიზიტის ფარგლებში ხალხს მხოლოდ თბილისში მიმართავს. ის სიტყვას წარმოთქვამს ერევანშიც - სომხეთისთვის როდენის ქანდაკების გადაცემის ცერემონიალზე, თუმცა ეს არ იქნება იმ ტიპის გამოსვლა, რომელიც თბილისშია დაგეგმილი. ნიკოლა სარკოზი თბილისს 7 ოქტომბერს, ერევანში სტუმრობის შემდეგ ეწვევა. მისი თვითმფრინავი თბილისის აეროპორტში 15:00 საათის შემდეგ დაეშვება. საფრანგეთის პრეზიდნეტი საქართველოში რამდენიმე საათს დაჰყოფს, რომლის დროსაც 17:30 სთ-ზე პრეზიდენტ სააკაშვილთან ერთად "თავისუფლების მოედანზე" შეკრებილ საზოგადოებას მიმართავს. სარკოზი საქართველოს ხვალვე დატოვებს. "ტაბულას" ფრანგული წყაროს ცნობით, პრეზიდენტ სარკოზისთან პრესის ურთიერთობა შეზღუდული იქნება, ვინაიდან საფრანგეთის მხარეს სურს, მედიამ და ქართულმა საზოგადოებამ ყურადღების კონცენტრაცია სწორედ იმ სიტყვებზე მოახდინონ, რომელსაც საფრანგეთის პრეზიდენტი "თავისუფლების მოედანზე" წარმოთქვამს. სარკოზის ვიზიტის დროს ჟურნალისტებისთვის ორი მედიაცენტრი იმუშავებს: ქართველი ჟურნალისტები - "ქორთიარდ მარიოტში" მოწყობილ მედიაცენტრში, ხოლო უცხოელები "ევროპის სახლში" განთავსებულში იმუშავებენ. ამასთან, ჟურნალისტთა ნაწილი ე.წ. პოდიუმზე განთავსდება, სადაც პრეზიდენტების სიტყვით გამოსვლაა დაგეგმილი. ფრანგული წყაროს ცნობით, ვიზიტის ფარგლებში საფრანგეთის დელეგაციაში 4 მინისტრი იქნება წარმოდგენილი და დაგეგმილია ორმხრივი შეთანხმებების გაფორმება, მათ შორის - ფინანსური ოქმის, რომელიც მესტიის სამთო­სათხილამურო კურორტად გადაქცევაში ფინანსურ დახმარებას გაითვალისწინებს. გარდა ამისა, საქართველოსა და საფრანგეთის განვითარების სააგენტოს შორის საქართველოში ფრანგული ინვესტიციების შემოსვლის ხელშეწყობის მიზნით შეთანხმება გაფორმდება. ნავარაუდევია ასევე სხვა შეთანხმებების ხელმოწერა, მათ შორის - ART 72-ის ტიპის თვითმფრინავების შესყიდვის თაობაზე, რომლითაც თბილისი­მესტია-თბილისის ავიარეისები შესრულდება. როგორც "ტაბულას" ფრანგული წყარო იუწყება, დაგეგმილია მოლაპარაკებების დაწყება საქართველოს ბაზარზე ერთ-ერთი ფრანგული ავიაკომპანიის შემოსვლის თაობაზე, ასევე ფრანგული კომპანიის მიერ თბილისის საერთაშორისო აეროპორტში ასაფრენი ბილიკის და საჰაერო ნავიგაციის მართვის კოშკის მშენებლობის შესახებ. http://pirweli.com.ge/index.php?option=com_content&task=view&id=78983&Itemid=1 რაო, სარკომ - არ ვენდობიო ქართულ პრასტიტუკა პრესა-მედიასო?

ეს ვიპოვე FB-ზე

laci არა ეგ უდონო სიმღერა იყო ესაა მაგათი გემოვნებით კაი და ეს კიდე http://www.youtube.com/watch?v=L2rSn31xex4&feature=related

FRIDRIX ნუ რა ქნას ეხლა "კეკელკა" მეტონიძემ ნინა წკრიალაშვილთან და სხვა "სვეცკებთან" ვერ მოვა

Saturn იმიტომ გეკითხები რომ შენ მოტანილ დოკუმენტში გარკვევით წერია რაღაც უცნაურობაა

Saturn გვანცა ყუფარაძეს რატომ არ გაუფორმეს?

ძუკუ 57-ე დაამთავრეთ, ბატონო ძუკუ? მეც ესე ვიცი

georgekh13 ადრე იყო თბილისობა ეხლა გახდა სარკოზობა

ბიძინა ივანიშვილის პრესმდივნად ირაკლი ტრიპოლსკი დაინიშნა 10:50 06-10-2011 ბიძინა ივანიშვილის პრესმდივნად ირაკლი ტრიპოლსკი დაინიშნა, - ამის შესახებ "ინტერპრესნიუსს" კომპანია "ქართუ ჯგუფის" პრესსამსახურიდან აცნობეს. ირაკლი ტრიპოლსკი შემდგომში ბიძინა ივანიშვილის პარტიის პრესმდივანი იქნება. ბიზნესმენი ბიძინა ივანიშვილი საპარლამენტო არჩევნებისთვის პოლიტიკურ პარტიას ქმნის. "მე გადავწყვიტე, შევქმნა პოლიტიკური პარტია და მონაწილეობა მივიღო 2012 წლის საპარლამენტო არჩევნებში", - ეს არის ამონარიდი მისი განცხადებიდან, რომელიც "ქართუ ჯგუფის" პრესსამსახურმა გუშინ გაავრცელა. პრესსამსახურის ცნობით, ივანიშვილის განცხადების სრული ტექსტი ხვალ გავრცელდება. რაც შეხება ირაკლი ტრიპოლსკის, იგი ტელეკომპანია ”მე-9” არხის ხელმძღვანელი, შემდეგ - საზოგადოებრივი მაუწყებლის სამეურვეო საბჭოს თავმჯდომარე იყო. ტრიპოლსკიმ ეს თანამდებობა 2008 წლის მაისში დატოვა და ამის მიზეზად ის ფაქტი დაასახელა, რომ ”საზოგადოებრივი მაუწყებელი ვერ ასრულებს საზოგადოების დაკვეთას”. მანვე აღნიშნა: ”მე მაქვს ჩემი სახელი და პიროვნული ღირსება, ამიტომ ვერ გავხდები ვერც ერთი პოლიტიკური სუბიექტის მძევალი, რომელმაც მხარი დაუჭირა ჩემ კანდიდატურას. მე ანგარიშვალდებული ვარ ხალხის და ჩემი სინდისის წინაშე”. მოვიდეს ეს ჩემი სამსახურიდან და გამოვკითხავ კარგად ტრიპოლსკიზე