ეროვნული მოძრაობის წარმომადგენელთა მიმართვა საქართველოს მოსახლეობისადმი ქართული სახელმწიფოებრიობის მრავალსაუკუნოვან ისტორიაში ქართველი ერი დღეს ერთ-ერთი უმძიმესი განსაცდელის წინაშე დგას. საქართველოს ხელისუფლების უგუნური ქმედებების შედეგად აღმოვჩნდით საქართველოს სახელმწიფოს ტერიტორიული მთლიანობის რღვევის რეალური საშიშროების წინაშე - საქართველოს ძირძველ კუთხეებს - აფხაზეთს და შიდა ქართლის მთიანეთს რუსი ოკუპანტები, აფხაზი და ოსი ექსტრემისტები გვართმევენ. ჩვენ, საქართველოს ეროვნულ-განმათავისუფლებელი მოძრაობის წარმომადგენლები მოვუწოდებთ მთელ ქართველ ერს ა.წ. 1 ოქტომბერს წმინდა მოწამეთა - ბიძინა, შალვასა და ელიზბარის ხსენების დღეს 16 საათზე შევიკრიბოთ პარლამენტის წინ, რათა პატივი მივაგოთ სამშობლოსათვის თავდადებულ გმირთა ხსოვნას, რომელთა საფლავებზე დღეს რუსის ჩექმა დგას. არ დავუთმოთ მტერს წმინდა მოწამეთა მიწა!
