ბლოგერების სახლი: ჩოგბურთი

[planetanews]

ბოლო ხანს ჩოგბურთმა ძალიან დიდი პოპულარობა მოიპოვა და მომეცადინეთა რიცხვმაც სულ უფრო იმატა.

თუ თამაშის დროს ბურთის გათამაშება დიდხანს გრძელდება და დარტყმებიც საკმაოდ ძლიერია, ჩოგბურთი შეიძლება ორგანიზმის აერობულ შესაძლებლობათა გაუმჯობესების შესანიშნავ საშუალებად მივიჩნიოთ. თუ ამ თამაშში მოთამაშეს არ აქვს მოძრაობითი ჩვევების კარგი მაჩვენებელი, სხვაგვარად მეცადინეობის საწვრთნელი ეფექტი შედეგიანი არ იქნება. რჩევა გამიზნულია და შეიძლება მისაღები იყოს იმ ჩოგბურთელი ქალებისათვის, რომელთაც შეუძლიათ გაუძლონ შეუჩერებელ მატჩს.

რეგულარული საწვრთნელი ვარჯიში და მატჩები ამაგრებს ფეხის კუნთებს, ბიცეფსებს, მხრის სარტყლის კუნთებს... ჩოგბურთში მეცადინეობა ხელს უწყობს აგრეთვე მხრის სარტყლის, მუხლისა და მენჯ-ბარძაყის სახსრების, ზოგიერთ შემთხვევაში კი - ბარძაყის უკანა ზედაპირზე კუნთების მოქნილობის გაზრდას.

საწვრთნელი ვარჯიში. კოორდინაციის სრულყოფისათვის, ფეხის კუნთების ძალისა და გულ-სისხლძარღვთა სისტემის ამტანობის განმტკიცებისათვის რეკომენდებულია სახტუნებლით ვარჯიში. გარდა ამისა, ძალიან სასარგებლოა ვარჯიში პარტნიორთან ერთად. თუ ასეთი დამხმარე არ არის, მეცადინეობა მარტოც შეიძლება. ისწავლეთ სირბილი ჯერ წინ, ბადისკენ, მერე ბადიდან ზურგით წინ, შემდეგ მიჯრით - განზე მოედნის ცენტრიდან. თანდათან უნდა გაიზარდოს გარბენის საერთო დრო და სისწრაფე. ეს ხელს შეუწყობს ამტანობის განვითარებას. თუ პარტნიორი გყავთ, მას შეუძლია ბურთები მოგაწოდოთ მოედნის სხვადასხვა კუთხეში, რაც იგივე ეფექტს იძლევა, როგორიც პარტნიორის გარეშე ვარჯიში. გარდა ამისა, პარტნიორებთან ერთად ვარჯიშის დროს სრულყოფთ ბურთზე დარტყმის ოსტატობას. თუ სერიოზულ წარმატებებზე ფიქრობთ, აუცილებელია მეცადინეობის პროგრამაში ჩართოთ ნელი და შეუსვენებელი რბენა (დაახლოებით 5 კმ ერთ მეცადინეობაზე) და ინტერვალური მონაკვეთები. ნელი შეუსვენებელი რბენა ხელს შეუწყობს, საერთო ამტანობის განვითარებას, ხოლო ინტერვალური  მონაკვეთები კი შესაძლებლობას მოგცემთ თამაშის დროს მოკლე ბიძგების შესრულება უფრო ეფექტური გახდეს.

 რადგანაც ჩოგბურთი ძირითადად ბურთის მიღება/მიწოდების დროს მოკლე გარბენებისგან შედგება, პროგრამაში ინტერვალური სარბენი მონაკვეთების ჩართვა მეტი სარგებლიანა, ვიდრე ნელი სირბილი.

განსაკუთრებული ყურადღება უნდა დაეთმოს ხელის მტევნისა და მხრის განმამტკიცებელ ვარჯიშებს. კარგი ჩოგბურთელისთვის აუცილებელია მუცლის პრესის ძლიერი კუნთები. ამიტომ პროგრამაში შეტანილი უნდა იქნას ამ შესაბამის კუნთთა ჯგუფის განმავითარებელი ვარჯიშები. სპეციალური ძალის გამოსამუშავებლად აუცილებელია კედელთან ვარჯიშის დროს ბუდე ჩოგანზე დარჩეს ან ძველი ჩოგანის თავზე (0,5 კგ) სიმძიმე დამაგრდეს და ბურთის დარტყმის იმიტირებით ვარჯიში შესრულდეს.

ჩოგბურთელისთვის ასევე აუცილებელია მოქნილობა, განსაკუთრებით მხრის სარტყლისა. ამ მიზნით შესაბამისი ვარჯიშები უნდა შესრულდეს. დაბალი დარტყმის დროს მეტად მნიშვნელოვანია, მუხლისა და მენჯ-ბარძაყის სახსრების მოქნილობა. ამასთან ყურადღება უნდა მიექცეს, ფეხის კუნთების გაჭიმვას სპეციალური ვარჯიშების საშუალებით.

ფეხის კუნთების გასამაგრებლად, შესაძლებელია ველოსიპედით ვარჯიშიც.

ტრავმები. ჩოგბურთში ყველაზე ხშირია ეგრეთ წოდებული „ჩოგბურთელის იდაყვი“, აგრეთვე მხრის სარტყლის ტრავმა.

/sites/default/files/u935/images%20%2824%29.jpg

 

პოსტის სურათი:

 

http://www.blogger.ge/sites/default/files/images%20%2821%29.jpg

 

კატეგორიები:

 

განათლება

სპორტი

 

View the full article