from opinion.ge- აკაკი მინაშვილი NDI კვლევის შედეგების შესახებ საუბრობს

[planetanews]

http://opinion.ge/wp-content/uploads/2012/07/akaki-minashvili-300x295.jpgუმრავლესობის წევრის აკაკი მინაშვილს განცხადებით, ყველაზე მთავარია ის, რომ ხელისუფლებისთვის ეს კვლევები საზოგადოებისათვის მნიშვნელოვან საკითხებზე დამატებითი ინფორმაციის მიღებაა და ეს საკითხებია სამუშაო ადგილები, პენსიები, ჯანდაცვის ხელმისაწვდომობა და ტერიტორიული მთლიანობა. მისი განმარტებით, ამ მიმართულებით მუშაობა მიმდინარეობს და გაგრძელდება კიდეც.

კონკრეტულად დემოკრატიასთან მიმართებაში ადამიანების დამოკიდებულების გაუარესების შესახებ, მინაშვილი ამბობს, რომ ბევრი რეფორმა ჩაატარა ხელისუფლებამ, რომ არჩევნები დემოკრატიულად ჩატარდეს. ამ რეფორმებს შორის მინაშვილმა “მასთ ქერი” დაასახელა და აღნიშნა, რომ ამ პრინციპის გატარების მიზანი, ადამიანების მიერ ინფორმირებული არჩევანის გაკეთებაა.

“საქართევლოში დემოკრატიის პრობლემა არ არის. ეს არ ნიშნავს იმას, რომ დემოკრატია კონსოლიდირებულია, ჩვენ ბევრი რეფორმა ჯერ კიდევ გასატარებელი გვაქვს, ეს რეფორმები საზოგადოებასთან და დაინტერესებულ მხარეებთან ერთად გაგრძელდება”, – დასძინა მინაშვილმა.

დეპუტატს ასევე მიაჩნია, რომ პოლიტიკური დემოკრატიის დამაზიანებელი პოლიტიკური კორუფციაც არის და ამ მხრივ მინაშვილი „ბრალს “ ბიძინა ივანიშვილს სდებს.

“ეს არ არის მარტო ჩვენი სიტყვები, ბოლო დღეების განმავლობაში ძალიან ბევრი საერთაშორისო ექსპერტის და საერთაშორისო ორგანიზაციის პოზიციაა, რომ ადამიანების მოსყიდვა, ეს არის დემოკრატიისთვის სერიოზული ზიანი”, – განაცხადა მინაშვილმა.

opinion.ge

 

View the full article