ბლოგერების სახლი: კალათბურთი

[planetanews]

 გთავაზობთ სპორტის ერთ-ერთ სახეობას, რომლის მეშვეობითაც ჯანმრთელობას გაიკაჟებთ და ფიზიკური მომზადების დონესაც აიმაღლებთ. ეს თამაში ავითარებს ორგანიზმის, როგორც აერობულ ისე ანაერობულ შესაძლებლობებს. ამაგრებს კოჭის , ოთხთავა, ბარძაყის და სხვა კუნთებს (გარდა მუცლის პრესის, ზურგის და ხელის კუნთებისა). მაგრამ კალათბურთში მეცადინეობა, ნაკლებად უწყობს ხელს ამტანობის განვითარებას.

 /sites/default/files/u935/images%20%2846%29.jpgსაწვრთნელი ვარჯიში. „საერთო ფიზიკური მდგომარეობის გაუმჯობესების მიზნით, ყოველი მეცადინეობის პროგრამაში უნდა ჩავრთოთ ნელი, შეუსვენებელი სირბილი 2,5-3 კილომეტრზე-ამბობს მ.კენედი ერთ-ერთი უნივერსიტეტის კალათბურთელთა მწვრთნელი.  − ამასთან ერთად აუცილებელია სპრინტერული მონაკვეთების გარბენა ან ინტერვალური დატვირთვის სხვადასხვა ფორმის გამოყენება. თუ პროგრამაში, მხოლოდ ნელ და შეუსვენებელ სირბილს შეიტანთ, ეს უარყოფით გავლენას მოახდენს თამაშის შედეგიანობაზე, რადგან კალათბურთი არსებითად მოკლე, სპრინტერული გარბენებისაგან შედგება“. სახტუნებლით ვარჯიში და კიბის საფეხურებზე აღმა სირბილი დაგეხმარებათ სიმაღლეზე ხტომის უნარის განვითარებაში. ამავე დროს ხელს შეუწყობს აერობულ და ანაერობულ შესაძლებლობათა ამაღლებას. ოთხთავა და კანჭის კუნთების, გოჯის, მუხლების გასამაგრებლად სასარგებლოა ვარჯიში ჩაჯდომებითა და შემდგომ  წახტომებით, ტერფებისა და სხვა ვარჯიშები. საზარდულის დაჭიმვის თავიდან ასაცილებლად ეცადეთ გაიმაგროთ ბარძაყის მომზიდველი და განმზიდველი კუნთები. ვისაც ზურგისა და მუცლის პრესის კუნთები სუსტი აქვს (ეს გავლენას ახდენს ტყორცნის ხარისხის და სხეულის სტაბილური მდგომარეობის შენარჩუნების უნარზე), მათთვის სასარგებლოა კუნთების ამ ჯგუფების ვარჯიშები. ხელისა და მხრის კუნთების განსავითარებლად (რაც შესაძლებლობას მოგცემთ ეფექტურად ტყორცნოთ კალათში შორი მანძილიდან)ხშირად შეასრულეთ აზიდვა. ცალკე უნდა ავარჯიშოთ ხელის თითებისა და მტევნის კუნთები, რაც ასევე ხელს უწყობს ტყორცნის ეფექტურობას.

 გარდა ამისა, აუცილებელია ფრენბურთელთა სპეციალური ხტომითი ვარჯიშებისა და ახტომის სხვადასხვა ვარიანტის დამუშავება. ყველაზე ეფექტურია ახტომი მსუბუქი ნახევარჯდომიდან. ამასთან ეცადეთ გაჭიმვა შეასრულოთ მარჯვენა ხელითაც, თითქოს ცდილობთ ბურთს მისწვდეთ. შემდეგ იგივე მოძრაობა გაიმეორეთ მარცხენა ხელით. ერთ სერიაში შეიძლება შესრულდეს 10, 20 და 30 ასეთი ახტომიც კი...     

მხარის და ხელის კუნთების ვარჯიშებისთვის სასარგებლოა მხრისა და იდაყვის სახსრების მოძრაობა სრული ამპლიტუდით. ამ დროს ხელში რაიმე მცირე სიმძიმე უნდა გეჭიროთ (0,5-1,5 კგ. წონის ჰანტელი, ან მსგავსი რამ რაც ხელში დასაჭერად მოხერხებული იქნება).

 კალათბურთელისთვის უმჯობესია ივარჯიშოს მსუბუქი წონის დამძიმებებით, ხოლო ვარჯიში  20-ჯერ და მეტჯერ უნდა გაიმეოროს. ეს ხელს უწყობს კუნთური ამტანობის გამომუშავებას, რაც აუცილებელია ამ სახეობაში წარმატებით სამეცადინოდ.

 მოთელვის დროს განსაკუთრებული ყურადღება მიაქციეთ მოქნილობის ვარჯიშებს, რამდენადაც კალათბურთის თამაშის დროს ორგანიზმის ყველა ნაწილი დატვირთულია. განსაკუთრებით იზრუნეთ ფეხის, ხელის, მტევნის, ხელის თითების კუნთების მოთელვისათვის.

 ტრავმები. კალათბურთში ადამიანი შეიძლება სერიოზულად დაშავდეს, რადგან იგი კონტაქტური სახეობაა. ყველაზე ხშირია მუხლის, გოჯის ტრავმები. თუ მოთელვა სრულფასოვნად არ არის შესრულებული, მოსალოდნელია საზარდულის დაჭიმვა და სხვა ტრავმები.

 

 

კატეგორიები:

 

განათლება

სპორტი

ჯანდაცვა

 

View the full article