epn.ge - მზიურის რეაბილიტაცია,შესაძლოა „შავ სიაში“ მყოფმა კომპანიამ განახორციელოს

[planetanews]

http://www.epn.ge/wp-content/uploads/2012/06/get_img.bmp“მზიურის” რეაბილიტაციაზე სატენდერო განაცხადი “შავ სიაში” შესულმა კომპანიამ გააკეთა.

შესყიდვებისა და კონკურენციის სააგენტოს ვებგვერდზე გამოქვეყნებული დოკუმენტების მიხედვით ირკვევა, რომ მერიასა და “აბგ და კომპანიას” შორის, რომელმაც მზადყოფნა გამოთქვა, რომ ზუსტად 529 498 ლარის ფარგლებში შეესრულებინა სამუშაოები, ხელშეკრულების მომზადება მიმდინარეობს.,თუმცა ამავე საიტზე,არსებული ინფორმაციით, შპს “აბგ და კომპანია” 14 ივნისს შავ სიაში შეიყვანა, რაც იმას ნიშნავს, რომ ეს კომპანია ერთი წელი სახელმწიფო ტენდერებში ვეღარ მიიღებს მონაწილეობას.

როგორც ცნობილი გახდა, “აბგ და კომპანიას” შავ სიაში” შეყვანის მიზეზად სსიპ ბათუმის ბულვარის მიერ გამოცხადებული ტენდერში მონაწილეობისას, სახელმწიფო შესყიდვის შესახებ ხელშეკრულებით ნაკისრი ვალდებულებების არასრულად შესრულებაა დასახელებული.

მერიის გადაწყვეტილება. გააფორმებს ხელშეკრულებს თუ ჩაშლის ტენერს,უახლოეს დღეებში გახდება ცნობილი.

დედაქალაქის მერიამ ბავშთა ქალაქ “მზიურის” რებილიტაციაზე 529 498 ლარის ღირებულების ტენდერი 16 მაისს გამოაცხადა , სატენდერო წინადადებების მიღება კი, 21 მაისს დამთავრდა.

გამოცხადებული ტენდერის ფარგლებში, სხვადასხზვა სამუშაოები უნდა შესრულდეს, მათ შორის მდინარე “ვერეს” კალაპოტის გაწმენდა, სამშენებლო ნაგვის გატანა, შენობის რეაბილიტაცია და სხვა.

თბილისის ცენტრალური პარკის მშენებლობა 2012 წელს დაიწყება. პროექტი, რომლის სამუშაო სახელწოდებაა –მზიური, მზიურისა  და ზოოპარკის არსებული ტერიტორიების გაერთიანებას  და ერთი ცენტრალური პარკის შექმნას გულისხმობს.

ბიუჯეტი, რომელიც თბილისის ცენტრალური პარკის შექმნისთვისაა საჭირო, ჯერ არ არის ცნობილი. თუ რა თანხა გამოიყოფა დედაქალაქის ბიუჯეტიდან მზიურის პარკისთვის, დამოკიდებულია იმ პროექტზე, რომელიც კონკურსის შედეგად იქნება არჩეული.2012 წლიდან კი მასშტაბური სამუშაოები დაიწყება, თავდაპირველად – მზიურის ტერიტორიაზე, სანამ ზოოპარკი ადგილს შეიცვლის და ცხოველები თბილისის ზღვის მახლობლად დაიდებენ ბინას.

 

 

 

 

იხილეთ epn.ge