planetanews Posted June 13, 2012 დარეპორტება გაზიარება Posted June 13, 2012 http://rustavi2.com/news_photos/06_12/61036.jpg მსოფლიო მედია ლიდერი CNN-ი განაგრძობს რეპორტაჟების სერიას საქართველოს შესახებ. მორიგ სიუჟეტებში, რომელსაც გადაცემა Eye on Georgia აშუქებს, ჟურნალისტებმა ქალაქ ლაზიკას პროექტსა და ქართულ სოფლის მეურნეობაზე ისაუბრეს.ტელეარხის კორესპონდენტი ბათუმიდან პირდაპირი ჩართვისას აცნობდა მაყურებელს, თუ რა პოტენციალი აქვს საქართველოს სოფლის მეურნეობის სფეროში. პაულა ნიუტონის განცხადებით, მოსახლეობის უმეტესობა სწორედ სოფლის მეურნეობის დარგშია დასაქმებული. ჟურნალისტმა ასევე ყურადრება გაამახვილა იმ ფაქტზე, რომ აჭარის რეგიონში უნიკალური კლიმატია, რაც ხელს უწყობს ტურისტულ სეზონს და ნოყიერს ხდის ნიადაგს, რის გამოც აჭარა სოფლის მეურნეობის თვალსაზრისით საუკეთესო ადგილია. ჟურნალისტმა 2006 წელს რუსეთის მიერ დაწესებული ემბარგოც გაიხსენა და დაამატა, რომ ამის გამო დაიხურა საქართველოს მთავარი საექსპორტო ბაზარი, თუმცა ქვეყნის მთლიანი შიდა პროდუქტის 9 პროცენტს სწორედ სოფლის მეურნეობა შეადგენს. გადაცემაში ხაზგასმული იყო ისც, რომ საქართველო ყოველთვის ნატურალურ პროდუქციას აწარმოებს, რაც სხვა ქვეყნებისთვის ძვირად ღირებული და იშვიათია. რუბრიკის მთავარი ნაწილი ახალ ინოვაციას ქალაქ ლაზიკას პროექტს დაეთმო.ავტორის შეფასებით, ახალი პროექტი რუკაზე გააჩენს ახალ, მაღალ ტექნოლოგიურ თანამედროვე ქალაქს, პროექტს კი ამ ეტაპზე მხოლოდ უცხოელი ინვესტორების ფული აკლია. CNN-ის კორესპონდენტმა დანა მაგნეიმ პირადად მოინახულა ადგილი, სადაც ახალი ქალაქის მშენებლობა იგეგმება. სიუჟეტში ნათქვამია, რომ ეს პროექტი მეწარმეებს ბიზნესის დაწყებასა და ცხოვრებისთვის იდეალურ გარემოს სთავაზობს. ჟურნალისტი ესაუბრა საქართველოს მდგრადი განვითარებისა და ეკონომიკის მინისტრს ვერა ქობალიას და ივა დავითაიას, რომელიც ლაზიკას პროექტს კურირებს. ჟურნალისტი ამბობს, რომ საქართველოში უმუშევრობის მაჩვენებელი 16 პროცენტია და ლაზიკა რეგიონში მცხოვრები 20,000 ადამიანისთვის ახალი სამუშაო ადგილების შექმნას ნიშნავს.ერთკვირიანი გადაცემების სერია ზღვისპირა რეგიონიდან კვლავ გრძელდება და მისი მომდევნო თემა საქართველოს თავდაცვის სისტემაში დაწყებული წარმოება იქნება. View the full article Quote ლინკი სოციალურ ქსელებში გაზიარება More sharing options...
Recommended Posts