planetanews Posted May 27, 2012 დარეპორტება გაზიარება Posted May 27, 2012 ავტორი ნინო მიქიაშვილი13:06 05.05.2012პოლიტიკური კოალიცია „ქართული ოცნების“ ორგანიზებით გამართულ აქციაზე, სახელწოდებით „ჩვენ ვიწყებთ“, პუშკინის ქუჩიდან თავისუფლების მოედანი და შემდეგ რუსთაველის გამზირი, ოპერის კუთხემდე (ყოფილ „ციცინათელასთან“) ხალხით სავსე იყო. ფრიალებდა „ქართული ოცნების“, ხუთჯვრიანი და სამფეროვანი დროშები. „ქართული ოცნების“ აქტივისტებს ხელში ეჭირათ პლაკატები წარწერებით: „სწორი გადაწყვეტილებები შრომით და ცოდნით“, „მოქალაქის თავისუფლება - ქვეყნის თავისუფლება“, „ქვეყანა შენთვის“, „წარსულის გამოცდილებით და მომავლის ხედვით“. http://4.bp.blogspot.com/-mJymFYrNL-E/T8JFpmnFSaI/AAAAAAAAHYA/f8JZbpuaM-w/s200/27%2Bmaisi%2B2012%2Bceli.jpg„ქართული ოცნების“ ლიდერის ბიძინა ივანიშვილის ჯერ გამოჩენას და შემდეგ სიტყვით გამოსვლას ხალხი ოვაციებითა და ტაშით შეეგება, მაგრამ სკანდირება „ბი-ძი-ნა, ბი-ძი-ნა“ არ ყოფილა. 27 მაისს რუსთაველის გამზირზე, არც ერთი ფორმიანი პოლიციელი არ გამოჩენილა. საერთოდ, ამ დღეს საპატრულო პოლიციის მანქანები ქალაქში არ ჩანდნენ. ორს აკლდა 15 წუთი თავისუფლების მოედანზე, რომ მივედით და ამ დროისთვის იქაურობა ხალხით სავსე იყო. ქალაქის სხვადასხვა კუთხიდან წამოსული კოლონები ჯერ მოსული არ იყო, მაგრამ ხალხი უწყვეტ ნაკადად მოდიოდა, ისე, როგორც 9 აპრილს დაწყებულ სამთვიან აქციებზე - შემართული, საბრძოლო განწყობით, სიახლის მოლოდინში. კინოს სახლთან ადვოკატები ორ საათზე შეიკრიბნენ და აქციაზე ერთად მივიდნენ. რუსთაველის გამზირზე, ოპერამდე იდგა „ტოიოტას“ თეთრი ფერის „პიკაპები“ წარწერით „ქართული ოცნება“, რომლებზეც ხმის გამაძლიერებლები და დიდი ეკრანები იყო დამონტაჟებული. რუსთაველის გამზირზე ჩართული იყო გოგი დოლიძის შესრულებით, პოეტ თინათინ მღვდლიაშვილის პატრიოტულ ლექსებზე, კომპოზიტორ ზურაბ მჟავიას მიერ დაწერილი სიმღერები. დროდადრო მამუკა ჩარკვიანის, ჯანსუღ კახიძის და „ცისფერი ტრიოს“, „ქართული ხმებისა“, თემურ თათარაშვილისა და ნანი ბრეგვაძის შესრულებული სიმღერებიც ისმოდა. 14.06 წუთზე ზვიად ძიძიგურმა გამოაცხადა, რომ ავლაბრიდან მომავალი კოლონა, რომელსაც წინ მოუძღვოდნენ: კახი კალაძე, სოზარ სუბარი, ელისო ჩაფიძე, ირაკლი ალასანია, თინა ხიდაშელი, პაატა ზაქარეიშვილი, გუგული მაღრაძე, კახა შარტავა და დათო მაღრაძე, თავისუფლების მოედნის მიმართულებით დაიძრა. პატარა გოგო-ბიჭები „ქართული ოცნებისა“ და ხუთჯვრიან დროშებს არიგებდნენ. პირველ სკოლასთან ჩოხოსნები იკრიბებოდნენ, რომლებიც იური ვაზაგაშვილის თაოსნობით„დაიცავი სიცოცხლეს“ წარმომადგენლებთან ერთად სამი ნახევარზე გაემართნენ თავისუფლების მოედნისკენ. მათ დიდი პლაკატი ეჭირათ, წარწერით - „ერთობა სამართლიანობისათვის“. შედარებით მცირე ზომის პლაკატზე ეწერა - „თბილისი ბობოქრობს, ჯერი რეგიონებზეა“. „ქართული ოცნების“ მიერ თბილისის საკრებულოს წინ დამონტაჟებულ სცენაზე ზვიად ძიძიგურს ნინელი ჭანკვეტაძე ჩაენაცვლა და 14.35 წუთზე მან გვამცნო, რომ ავლაბრიდან წამოსული კოლონა თავისუფლების მოედანზე მყოფებს შეუერთდა. „ვერ ჩაგვრეცხეს, ვერ გვაქციეს მუმიებად! ყველა ღირსეული კაცი და ქალი აქ დგას“, - განაცხადა ჭანკვეტაძემ. რუსთაველის გამზირზე, ისევე, როგორც სხვა აქციების დროს, უკლებლივ ყველა მაღაზია და სახელმწიფო მუზეუმი ღია იყო. ყოფილი პარლამენტარი სანდრო ბრეგაძე თავისუფლების მოედანზე „ჰელსინკის ჯგუფის“ სხვა წევრებთან ერთად, სამფეროვანი დროშებით მოვიდა. 14.45 წუთზე გამოაცხადეს, რომ ვაკისა და დიდუბის კოლონები შეერთდნენ, რომელსაც თავისუფლების მოედნისკენ მოუძღვოდნენ: გოგლა ჟვანია, ეკა ბესელია, გუბაზ სანიკიძე, ირაკლი სესიაშვილი, დათო ბერძენიშვილი. საპარლამენტო ფრაქცია „ერთობა სამართლიანობისათვის“ სრული შემადგენლობით (დიმიტრი ლორთქიფანიძე, თამაზ დიასამიძე, კარლო კოპალიანი...) თავისუფლების მოედნისკენ მიემართებოდა. აქციის მონაწილეთა შორის დავინახეთ: ბიზნესმენი ვალერი გელაშვილი; კომპოზიტორი ჯემალ სეფიაშვილი; მსახიობები: გია აბესალაშვილი, ბაადურ წულაძე, ლალი ბადურაშვილი, ზაზა პაპუაშვილი; უცნობი, იგივე გია გაჩეჩილაძე; „ჯიპას“ ხელმძღვანელი გოგი მარგველაშვილი; კინორეჟისორი გოგა ხაინდრავა; მედია-კავშირ „ობიექტივის“ ხელმძღვანელი ირმა ინაშვილი; „სახალხო პარტიის“ თავმჯდომარე მამუკა გიორგაძე შვილებთან ერთად; კავშირ „ჩვენი ფეხბურთის“ დამფუძნებელი ლევან ყიფიანი; „წინააღმდეგობის მოძრაობიდან“ დავით თარხან-მოურავი, სოსო მანჯავიძე, მამუკა გობეჩია; „მწვანეთა პარტიის“ ლიდერი გია გაჩეჩილაძე; ეკონომიკის ყოფილი მინისტრი (შევარდნაძის მმართველოს დროს) დავით იაკობიძე; მონარქისტული მოძრაობა „სამეფო გვირგვინის“ მეურვე ია ბაგრატიონ-მუხრანელი. აქციაზე 15-მდე სასულიერო პირიც დავთვალეთ. ახალგაზრდა იურისტთა ასოციაციის წევრები აქციაზე დაკვირვებას, იგივე მონიტორინგს ახორციელებდნენ. აქციაზე დიდი პლაკატით მოვიდნენ კოოპერატიული ბინათმშენებლობით დაზარალებულთა ცენტრის „ერთობა“ წარმომადგენლები და ბიძინა ივანიშვილის ფეისბუქელი მეგობრები. რესპუბლიკის მოედნის მხრიდან რუსთაველზე ყველაზე დიდი კოლონა 15.30 წუთზე შემოვიდა. კოლონას ბიძინა ივანიშვილი, ცოლ-შვილთან ერთად მოუძღვოდა. უზარმაზარ ლურჯ ფონიან პლაკატზე თეთრად ეწერა “ჩვენ ვიწყებთ“. ხალხის ივანიშვილს ტაშითა და ოვაციებით შეეგება. აქა-იქ უსტვენდნენ. 15.45 წუთზე “თავისუფლება დღეს ჩვენი“ მომღერალმა ნატო მეტონიძემ ცოცხლად შეასრულა. შემდეგ სიტყვით ბიძინა ივანიშვილი გამოვიდა. აქციის მონაწილეებს სთხოვა წუთიერი დუმილით პატივი მიეგოთ რუსთაველის გამზირზე - გასული წლის 26 მაისსა და 1989 წლის 9 აპრილს დაღუპულების ხსოვნისთვის. შემდეგ ივანიშვილმა თავისი გამოსვლა გააგრძელა და იქ შეკრებილ საზოგადოებას დაპირდა, რომ ხალხის ნდობას აუცილებლად გაამართლებს: „...დღეს ჩვენ ვიწყებთ, რომ ხვალ საქართველოს მოსახლეობის ცხოვრება უკეთესობისკენ შევცვალოთ. მე დღეს დავრწმუნდი, რომ ქართველი ხალხის დაშინება ძალიან რთულია. ხალხს სააკაშვილის კი არ ეშინია?! ეს უნდობლობაა, ამიტომ პირველი, რაც უნდა გავაკეთოთ, თქვენი ნდობა უნდა მოვიპოვოთ... ჩემი ოცნებაა თითოეული ადამიანი იყოს წელგამართული, დაცული იყოს მათი უფლებები, ქვეყანაში დაცული იყოს სიტყვის თავისუფლება, მედიის დამოუკიდებლობა, ბიზნესის ხელშეუხებლობა, სასამართლოს თავისუფლება...“. რუსთაველის გამირზე „ქართული ოცნების“ თეთრ მაისურებში გამოწყობილი გოგონები, ლურჯი ფერის ნაჭრის ჩანთებით, ოცნებებს აგროვებდნენ - დადიოდნენ და აქციის მონაწილეებს ეკითხებოდნენ - „ოცნებები გაქვთ?“ ისინი, ვისაც ფურცელზე ამავე პოლიტიკური ორგანიზაციის ბუკლეტის სპეციალურ ფურცელზე ჰქონდა ჩამოწერილი თავისი ოცნებები, გოგონები ართმევდნენ და ლურჯ ჩანთებში აგდებდნენ. აქციაზე სიტყვით გამოსვლები ხუთის 15 წუთზე დასრულდა და შემდეგ ისევ პატრიოტული სიმღერები ჩართეს. ხალხი რეპუბლიკის მოედნისა და კოლმეურნეობის მოედნის მიმართულებით დაიშალა. ისინი სკანდირებდნენ „სა-ქართ-ვე-ლო, სა-ქართ-ვე-ლო“. http://4.bp.blogspot.com/-SNMIVL3T-8A/T8JDZ9kQZTI/AAAAAAAAHXc/lhARCQEQtqk/s400/27%2Bmaisi.jpg| 27 მაისი, 2012 წელი. |http://2.bp.blogspot.com/-1syF79ngUsU/T8JDZakAtQI/AAAAAAAAHXQ/rg3lAWGkT2w/s400/27%2Bmaisi%2B2012.jpg http://3.bp.blogspot.com/-KtSuYO9v3zk/TjXKNerO7UI/AAAAAAAAEwU/4iW_zNk5ag4/s200/ukan1.png View the full article Quote ლინკი სოციალურ ქსელებში გაზიარება More sharing options...
Recommended Posts