ჩიკაგოს სამიტი

[lasha_alo]

http://www.interpressnews.ge/ge/politika/201758-chikagoshi-dghes-natos-samiti-ikhsneba.html

იკაგოში დღეს ნატოს სამიტი იხსნება. ორდღიანი სამიტის მთავარი თემები ავღანეთში შექმნილი სიტუაცია და რაკეტსაწინააღმდეგო თავდაცვის სისტემები იქნება .

სამიტის მონაწილეები მიიღებენ ე.წ "ჭკვიანი თავდაცვის" ინიციატივას, რომელიც მკაცრი ეკონომიის პირობებში თავდაცვითი პოტენციალის ეფექტურად გამოყენებას გულისხმობს.

ნატო-ს სამიტის მუშაობაში მონაწილეობას საქართველოს პრეზიდენტიც მიიღებს მიიღებს. მიხეილ სააკაშვილი აშშ-ში 16 მაისს გაემგზავრა.

საქართველო სამიტის ფარგლებში დაგეგმილი ყველა ფორმატის შეხვედრის მონაწილე ქვეყანა იქნება. უკვე განსაზღვრულია ალიანსის მიერ დაგეგმილი შეხვედრების ფორმატი, რომლის ფარგლებშიც მონაწილე ქვეყნებს კონკრეტული სტატუსი აქვთ მინიჭებული. ალიანსი ორი დღის განმავლობაში შეხვედრებს გამართავს "ძირითად პარტნიორებთან" (28+13); მომავალ წევრებთან ("ასპირანტი პარტნიორები") (28+4); ავღანეთის სამშვიდობო ოპერაციაში მონაწილე სახელმწიფოებთან (28+ISAF).

ჩიკაგოში ალიანსის შეხვედრაზე "ძირითად პარტნიორებთან" (28+13) საქართველო იქნება ერთადერთი ქვეყანა აღმოსავლეთ ევროპის რეგიონიდან. "ძირითად პარტნიორებთან" შეხვედრაზე (28+13) მიწვეული არიან ის ქვეყნები, რომელთაც განსაკუთრებული როლი აქვთ ევროატლანტიკური უსაფრთხოების უზრუნველყოფის საქმეში (საქართველო, შვედეთი, ფინეთი, ავსტრია, შვეიცარია, ავსტრალია, ახალი ზელანდია, იაპონია, სამხრეთ კორეა, იორდანია, არაბთა გაერთიანებული საემიროები, კატარი, მაროკო).

ორდღიანი სამიტის მუშაობის ფარგლებში ჩრდილოატლანტიკური ალიანსი გეგმავს ნატო-ს მომავალ წევრებთან შეხვედრას, რომელშიც საქართველო მონაწილეობას ბალკანეთის სამ სახელმწიფოსთან ერთად მიიღებს (28+4 - იუგოსლავიის ყოფილი რესპუბლიკა მაკედონია, მონტენეგრო, ბოსნია და ჰერცოგოვინა, საქართველო).

საქართველო ასევე წარმოდგენილი იქნება ავღანეთის სამშვიდობო ოპერაციაში მონაწილე სახელმწიფოებთან შეხვედრაზე.