epn.ge - სოფლის მეურნეობის სამინისტრომ ღვინის ექაპორტის შედეგები შეაჯამა

[planetanews]

http://www.epn.ge/wp-content/uploads/2012/03/sop.ministri.jpgსოფლის მეურნეობის სამინისტრომ ღვინის ექსპორტის შედეგები შეაჯამა. მინისტრის მოადგილე ია ჯანაშიამ განაცხადა, რომ  ბოთლის ღვინის ექსპორტი  წინა წელთან შედარებით 8,5%-ით არის გაზრდილი.

,,ექსპორტის ძალიან დიდი ზრდა გვაქვს პოლონეთში, ლატვიაში, ჩინეთში და ესტონეთში. ეს ბაზრები პრიორიტეტულია ჩვენთვის. ვიმედოვნებთ, რომ ექსპორტის ზრდის ტენდენციები მომავალშიც საკმაოდ მაღალი იქნება. ქართულმა კომპანიებმა მონაწილეობა მიიღეს საერთაშორისო კონკურსზე და ჯილდოებიც დაიმსახურეს. ეს კიდევ ერთხელ უსვამს ხაზს ქართული ღვინისა და სპირტიანი სასმელების მაღალ ხარისხს, რაც საერთაშორისო ბაზრებზე პოპულარიზაციას და ქართული პროდუქციის ექსპორტის გაზრდას შეუწყობს ხელს”, – განაცხადა მინისტრის მოადგილემ.

ჯანაშიამ პრეზენტაციის შემდეგ, მოლდოვაში გამართული ყოველწლიური ღვინისა და სპირტიანი სასმელების საერთაშორისო გამოფენა -კონკურსის ,,CHISINAU WINES AND SPIRITS CONTEST” გამარჯვებული ქართული კომპანიები სპეციალური დიპლომებით და სიგელებით დააჯილდოვა.

 

იხილეთ epn.ge