epn.ge - „ქართუ მშენებელის“ თანამშრომლის სარჩელის განხილვაზე საქალაქო სასამართლომ უარი თქვა

[planetanews]

http://www.epn.ge/wp-content/uploads/2011/12/saqalaqo2.jpegკონტროლის პალატის მიერ დაჯარიმებული „ქართუ მშენებელის“ თანამშრომლის სარჩელის განხილვაზე საქალაქო სასამართლომ უარი თქვა. ამ ინფორმაციას ბიძინა ივანიშვილის ადვოკატთა ჯგუფის წევრები აკეთებენ.

არჩილ კბილაშვილისა და ზაქარია ქუცნაშვილის ინფორმაციით, მოსარჩელე მხარეს სასამართლო მოუწოდებს სარჩელის ნაცვლად საჩივარი შეიტანოს. ადვოკატები ამბობენ,რომ სასამართლო ხუციშვილს საქმის განხილვაზე უარს პოლიტიკური მოტივით ეუბნება.

ნუგზარ ხუციშვილმა სარჩელი საქალაქო სასამართლოში პირველ მარტს შეიტანა, ის არ ეთანხმება კონტროლის პალატის გადაწყვეტილებას, რომლის მიხედვითაც, ხუციშვილმა უკანონო შეწირულობისთვის 200 ათასი ლარი ჯარიმის სახით უნდა გადაიხადოს.

„ქართუ მშენებელის” თანამშრომელ ნუგზარ ხუციშვილს 27 თებერვალს პრემიის სახით ანგარიშზე 40 ათასი ლარი ჩაერიცხა, საიდანაც 20 000 ლარი მან ოლიგარქის პარტიის ანგარიშზე შეიტანა.

 

 

იხილეთ epn.ge