planetanews Posted March 5, 2012 დარეპორტება გაზიარება Posted March 5, 2012 ჭიათურის აკაკი წერეთლის სახელობის სახელმწიფო თეატრი გასულ წელს, ევროპის ქვეყნების თეატრების გაერთიანების, ietm-ის წევრი გახდა. როგორც „ ჯეონიუს“ თან საუბრისას თეატრის დირექტორი ნანა წერეთელი ამბობს, ჭიათურის თეატრისთვის ამ გაერთიანების წევრობა სამომავლოდ დიდი მნიშვნელობის მატარებელია.თეატრმა უკვე მიიღო შეთავაზება item-ის ეგიდით გამართულ რამდენიმე თეატრალურ ფესტივალში მონაწილეობაზე. ასევე დაგეგმილია ფრანგულ- სომხური პროექტის განხორციელება ჭიათურის თეატრის სცენაზე,პოექტის ფარგლებში დადგმულ სპექტაკლებს თეატრები ამერიკაში გაიტანენ.ietm ევროპის ქვეყნების 160 -მდე თეატრს აერთიანებს.მასში აკაკი წერეთლის სახელმწიფო თეატრთან ერთად გაერთიანებულია ოპერისა და ბალეტის სახელმწიფო თეატრი და მიხეილ თუმანიშვილის კინო-მსახიობთა სახელმწიფო თეატრი.შეხვედრა, რომელზეც თეატრებმა განაცხადზე დასტური მიიღეს , პოლონეთში, კრაკოვში ჩატარდა.ჭიათურის თეატრის ისტორია მუნიციპალიტეტის დაარსებასთან ერთად იწყება. იგი 1894 წლის 11 დეკემბრიდან აქტიურად მოღვაწეობს.როგორც ტეატრის დირექტორი ამბობს მიუხედავად რთული წლებისა და დიდი გაჭირვებებისა ,რაც საქართველოს ისტორიას ახსოვს, თეატრმა მოახერხა თვითმყოფადობის შენარჩუნება .შეიძლება ითქვას რომ თეატრის სცენაზე ფარდა არ დაშვებულა. გამონაკლისი ამ მხრივ არც მეორე მსოფლიო ომი არ ყოფილა. ჭიათურის თეატრიმა ბევრი მსახიობი მეორე მსოფლიო ომში დაკარგა,მაგრამ ამის მიუხედავად მან მოახერხა ფუნქციონირება არ შეეჩერებინა და დღემდე ყოველ სეძონზე ესალმება მაყურებელს.ამჟამად თეატრში მიმდინარეობს ტექნიკური გადაიარაღების პროცესი. იცვლება სცენის განათების სისტემა. პარალელურად იდგმება სპექტაკლები.სამუშაოებს ჭიათურის მუნიციპალიტეტის გამგეობა აფინანსებს. ტექნიკური სამუშაოები მარტის ბოლოს დასრულდება და დაიწყება ახალ საბავშვო სპექტაკლზე აქტიური მუშაობა. თეატრი ძირითადად დაკომპლექტებულია ადგილობრივი მსახიობებით. გარდა ამისა, საქართველოს კინოსა და თეატრის სახელმწიფო უნივერსიტეტში სპეციალურად ჭიათურის თეატრისთვის, მომზადდა მსახიობთა ჯგუფი. მსახიობებს აკაკი წერეთლის სახელობის თეატრთან გაფორმებული აქვთ ხელშეკრულება და თეატრის სცენაზე სეზონურად დგამენ სპექტაკლებს. სრულად ორიგინალი Quote ლინკი სოციალურ ქსელებში გაზიარება More sharing options...
Recommended Posts