epn.ge - ცხინვალის რეგიონში რუსეთის პრეზიდენტის არჩევნებისთვის ემზადებიან

[planetanews]

http://www.epn.ge/wp-content/uploads/2012/02/vybory-300x225.jpgე.წ. სამხრეთ ოსეთში განლაგებული რუსეთის თავდაცვის სამინისტროს მე-4 სამხედრო ბაზის სამხედრო მოსამსახურეებმა რუსეთის ფედერაციის პრეზიდენტის არჩევნებში მონაწილეობა წინასწარ მიიღეს.

“ლენინგორში განლაგებული გარნიზონის პირადმა შემადგენლობამ კენჭიყრაში მიიღო მონაწილეობა. არჩევნებში ხმა პირადი შემადგენლობის 100%-მა მისცა”, – განაცხადა ბაზის კომანდირის თანაშემწემ სერგეი მაქსიმოვმა.

მისივე თქმით, ბაზაზე არჩევნებისთვის აქტიურად ემზადებიან. შექმნილია სპეციალური საარჩევნო კუთხე, სადაც სამხედროებს საშუალება ექნებათ გაეცნონ პრეზიდენტობის კანდიდატების ბიოგრაფიებს, პროგრამებსა და საარჩევნო კანონმდებლობას.

რუსეთის პრეზიდენტის არჩევნებში ე.წ. სამხრეთ ოსეთის მოსახლეობაც მიიღებს მონაწილეობას. ამისთვის ოკუპირებულ ტერიტორიაზე 12 საარჩევნო უბანია გახსნილი.

 

იხილეთ epn.ge