epn.ge - მსჯავრდებულები პროფესიულ განათლებას მიიღებენ

[planetanews]

http://www.epn.ge/wp-content/uploads/2012/02/image18-300x199.jpgპენიტენციურ სისტემაში საგანმანათლებლო – სარეაბილიტაციო სახლების ამოქმედების შედეგად მსჯავრდებულები  შრომის ბაზარზე მოთხოვნად პროფესიებს  ეუფლებიან.

 

სასჯელაღსრულების, პრობაციისა და იურიდიული დახმარების საკითხთა მინისტრმა ხათუნა კალმახელიძემ მსჯავრდებულთა პროფესიული განათლების პროგრამაში ჩართულ პროფესორ-მასწავლებლებს მადლობის სიგელები გადასცა.

 

სასჯელაღსრულების სამინისტროს ინფორმაციით, უმაღლეს სასწავლებლებთან გაფორმებული მემორანდუმების შედეგად, მათ სხვადასხვა პროფესიას უნივერსიტეტების წარმომადგენლები  ასწავლიან.

 

სწავლების დასრულების შემდეგ მსჯავრდებულები იღებენ სერთიფიკატებს, რომელსაც სასჯელის მოხდის შემდეგ გამოიყენებენ, რაც ხელს შეუწყობს საზოგადოებაში  მათ ადვილად ინტეგრაციას.

 

სამინისტროს ცნობითვე, ”საგანმანათლებლო – სარეაბილიტაციო სახლები”,  ეტაპობრივად, ყველა დაწესებულებაში  ამოქმედდება. შესაბამისად, პროფესიული განათლება ყველა მსჯავრდებულისთვის იქნება ხელმისაწვდომი.

 

მსჯავრდებულთა პროფესიული განათლების ხელშეწყობა სასჯელაღსრულების, პრობაციის და იურიდიული დახმარების საკითხთა სამინისტროს 2012 წლის 10 პრიორიტეტული მიმართულების ერთ-ერთი მნიშვნელოვანი კომპონენტია.

 

 

 

 

 

იხილეთ epn.ge