planetanews Posted February 23, 2012 დარეპორტება გაზიარება Posted February 23, 2012 </p>/get_img?ImageId=6476 საქართველოს საგარეო საქმეთა სამინისტრო გამოეხმაურა რუსეთის პრემიერ–მინისტრ ვლადიმერ პუტინის განცხადებას. “სიმბოლურია, რომ მან (პუტინმა) ქართველ ხალხთან მეგობრობაზე და მისდამი სიყვარულზე ისაუბრა სწორედ იმ სამხედრო მეთაურებთან, რომელთა შენაერთებიც მისივე ბრძანებით სასტიკად უსწორდებოდნენ ქართულ მოსახლეობას. ძნელი წარმოსადგენია, ვის გულისხმობს ბატონი პუტინი ქართველ ხალხში. საქართველოში ცხოვრობს მრავალი ათასი ოჯახი, რომელთაც ახლობლები დაკარგეს რუსეთის მიერ განხორციელებული მრავალრიცხოვანი სამხედრო აგრესიისა და მრავალჯერადი ეთნიკური წმენდის შედეგად. რუსეთის ხელისუფლების, მათ შორის, პირადად ვ.პუტინის ქმედებების შედეგად ასეულობით ათასზე მეტი ადამიანი იძულებული გახდა დაეტოვებინა მშობლიური ადგილები და იქცა დევნილად. მათი სახლები ან მიწასთან არის გასწორებული რუსული სამხედრო ტექნიკით, ან უკანონოდ არის დაკავებული რუსეთის სამხედროებისა და ათასი ჯურის კრიმინალის მიერ. ოკუპირებულ ტერიტორიებზე ბარბაროსულად ნადგურდება ქართული კულტურული მემკვიდრეობის ძეგლები. ძალიან უცნაური მეთოდები აქვს ბატონ პუტინს ქართველი ხალხისადმი სიყვარულის გამოსახატავად,” – ნათქვამია განცხადებაში. შეგახსენებთ, გუშინ რუსეთის ფედერაციის პრემიერ-მინისტრმა ვლადიმერ პუტინმა შეიარაღებული ძალების მეთაურებთან შეხვედრაზე რუსეთ–საქართველოს სამომავლო ურთიერთობებზე ისაუბრა. “ჩვენ არასდროს ვაიგივებდით საქართველოს ხელისუფლებას და ქართველ ხალხს. იმედი მაქვს, რომ ეს მოძმე ერი საბოლოოდ გააცნობიერებს, რომ რუსეთი მტერი კი არა, მეგობარია და ურთიერთობები კვლავ აღდგება," – აღნიშნა პუტინმა. სრული ინფო(netgazeti.ge) Quote ლინკი სოციალურ ქსელებში გაზიარება More sharing options...
Recommended Posts