planetanews Posted February 22, 2012 დარეპორტება გაზიარება Posted February 22, 2012 http://www.epn.ge/wp-content/uploads/2012/02/prezidenttan_shexvedra-300x225.jpgსაქართველოს პრეზიდენტმა მიხეილ სააკაშვილმა მადლობა გადაუხადა ამერიკის ხელისუფლებას თანადგომისთვის და თავის მხრივ, კიდევ ერთხელ მიუსამძიმრა დაღუპული ჯარისკაცების ოჯახებსა და ახლობლებს.პრეზიდენტის თქმით, იგი ვერასდროს შეეგუება ჯარისკაცების დაღუპვის შესახებ ამბავს.„გუშინწინ ვიყავით ჰელმანდის პროვინციაში ვნახეთ ჩვენი ბიჭები და “თალიბები” ასაფეთქებელ მოწყობილობებს ჩემი იქ ყოფნის პერიოდშიც ამონტაჟებდნენ, თუმცა, მაშინ ჩვენმა სამხედროებმა ასაფეთქებელი მოწყობილობა აღმოაჩინეს. როგორც ჩანს, მათ თავდასხმა მაინც მოახერხეს. ასეთ დროს ყველაზე მეტად ვფიქრობ მათ ოჯახებზე. ამდენი წელია, პრეზიდენტი ვარ და ყველაზე მძიმე ჩემთვის დღემდე ჩვენი ჯარისკაცების დაღუპვის შესახებ ინფორმაციის გაგებაა, მით უმეტეს, მას შემდეგ, რაც მათ ვესტუმრე. ჩემთვის ისინი ნამდვილი გმირები არიან და დარწმუნებული ვარ, მათი მსხვერპლი, საქართველოსთვის ზვარაკად მიტანილი სიცოცხლე, ჩვენი ქვეყნის მომავლისთვის მნიშვნელოვანი იქნება. ისინი დაიღუპნენ სამშობლოსთვის, ჩვენი შვილებისთვის, ჩვენი მომავლისთვის და ნამდვილად გავაკეთებთ ისე, რომ არა მხოლოდ მათი ხსოვნა იყოს პატივმიგებული და მათ ოჯახებს დავეხმაროთ, არამედ ჩვენი ქვეყნის ძლიერებას მოხმარდეს მათი გაწირული სიცოცხლე”–განაცხადა პრეზიდენტმა.საქართველოს თავდაცვის სამინისტროს ინფორმაციით, კაპრალები ვალიკო ბერაია, რუსლან მელაძე და პაატა კაჭარავა, რომლებიც საბრძოლო ამოცანას ასრულებდნენ, “თალიბებთან” შეტაკებისას, საბრძოლო მანქანის აფეთქების შედეგად დაიღუპნენ.გარდაცვლილი სამხედრო მოსამსახურეები მე-3 ქვეითი ბრიგადის 31–ე მსუბუქი ქვეითი ბატალიონის შემადგენლობაში, ISAF-ის სამშვიდობო მისიის ფარგლებში ჰელმანდის პროვინციაში მსახურობდნენ. იხილეთ epn.ge Quote ლინკი სოციალურ ქსელებში გაზიარება More sharing options...
Recommended Posts