epn.ge - “ჰოლიდეი ინ”-ში კონფერენცია “საქართველო აკაკუნებს ევროკავშირის კარებზე” მიმდინარეობს

[planetanews]

http://www.epn.ge/wp-content/uploads/2012/02/f7747ae0-7a54-4db9-b1a8-1037e2be3af0-300x233.jpgსასტუმრო “ჰოლიდეი ინ”-ში კონფერენცია “საქართველო აკაკუნებს ევროკავშირის კარებზე” მიმდინარეობს.

 

კონეფერნციაზე სლოვაკეთის საგარეო საქმეთა სამინისტროს წარმომადგენლები, როგორც ნატო-სა და ევროკავშირის წევრი ქვეყანის წარმომადგენლები, საქართველოს ევროატლანტიკურ სტრუქტურებში გაწევრიანების მიმართულებით, გამოცდილებას ქართველ კოლეგებს უზიარებენ .

 

სლოვაკეთის საგარეო საქმეთა სამინისტროს გაერო-ს დეპარტამენტის დირექტორის, ფრანტიჩეკ რეჟიჩკას განცხადებით, ევროატლანტიკურ სივრცეში სლოვაკეთის ინტეგრაციის გამოცდილება, საქართველოსთვის საინტერესო იქნება.

 

“ლევან მიქელაძის ფონდი და სლოვაკეთის ატლანტიკური კომისია ამ პროექტს დაახლოებით 6 თვეა ახორციელებს. ეს არის 1-წლიანი პროექტი, რაც გულისხმობს ევრო და ევროატლანტიკური ინტეგრაციის გზაზე მდგომი საქართველოსთვის სლოვაკური გამოცდილების გაზიარებას,”- განაცხადა ფრანტიჩეკ რეჟიჩკამ.

 

მისი თქმით, მიმდინარე სემინარზე საუბარი იქნება სავაჭრო ხელშეკრულების იმ ნიუანსებსა და საქართველოსთვის მნიშვნელოვან პუნქტებზე, რომელსაც საქართველო გაივლის.

 

მისივე თქმით, ასევე, შეხვედრაზე საუბარი შეეხება ვიზების ლიბერალიზაციის პროცესს.

 

პროექტის კოორდინატორის, ლევან ასათიანის განცხადებით კი ქართულ-სლოვაკური ურთიერთობები ევროატლანტიკურ საკითხებთან დაკავშირებით მნიშვნელოვანია.

 

“დღევანდელი სემინარი რიგით მეოთხეა, რომელსაც ერთად ვატარებთ. ფაქტობრივად, ეს არის სლოვაკეთის გამოცდილების გაზიარება ევროკავშირთან ურთიერთობებში . მათ შორის, ევროატლანტიკურ სივრცეში, ევროკავშირთან და ნატო-სთან ურთიერთობებში, – განაცხადა ასათიანმა.

 

ასათიანის ინფორმაციით, პროექტი ხანგრძლივია და მორიგი შეხვედრა, ენერგოუსაფრთხოების საკითხებთან დაკავშირებით, ზაფხულში იგეგმება.

 

კონფერენციას სლოვაკი ექსპერტების გარდა, საქართველოს საგარეო საქმეთა, საქართველოს ევროპულ და ევროატლანტიკურ სტრუქტურებში ინტეგრაციის, ეკონომიკისა და მდგრადი განვითარების სამინისტროს წარმომადგენლები ესწრებიან.

 

პროექტი “სლოვაკეთის ატლანტიკური კომისია” ლევან მიქელაძის სახელობის ფონდის ხელშეწყობით ხორციელდება.

 

 

 

იხილეთ epn.ge