epn.ge - კოალიცია “ქართული ოცნების” პოლიტიკურ საბჭოს ბიძინა ივანიშვილი უხელმძღვანელებს

[planetanews]

http://www.epn.ge/wp-content/uploads/2012/02/images53.jpegპოლიტიკური კოალიცია “ქართული ოცნების” პოლიტიკურ საბჭოს ბიძინა ივანიშვილი უხელმძღვანელებს,  ხოლო ნოდარ ხადური პოლიტიკური საბჭოს აღმასრულებელი მდივანი იქნება, რომელიც ამავე დროს პარტია “ქართული ოცნება – დემოკრატიული საქართველოს” საინიციატივო ჯგუფის წევრია.

 

ამის შესახებ, სასტუმრო “რედისონში” კოალიცია “ქართული ოცნების” პრეზენტაციიაზე ბიძინა ივანიშვილმა განაცხდა და საზოგადოებას სხვა პოლიტსაბჭოს წევრებიც წარუდგინა.

 

როგორც ბიზნესმენმა განაცხდა ასევე, საბჭოს წევრები იქნებიან – თავად ბიძინა ივანიშვილი, დავით უსუფაშვილი, ირაკლი ალასანია, კახა შარტავა ზვიად ძიძიგური, დავით ბერძენიშვილი, ალექსი პეტრიაშვილი.

 

პოლიტიკური კოალიციაში კი გაწევრიანდნენ “ქართული ოცნება – დემოკრატიული საქართველო”, ” რესპუბლიკური პარტია”, “თავისუფალი დემოკრატები” და “ეროვნული ფორუმი”.

 

ბიძინა ივანიშვილის განცხდაებით, “კონსერვატორებიდან” და “ხალხის პარტიიდან” ახალ პოლიტიკურ კოალიციას მხოლოდ ზვიად ძიძიგური და კობა დავითაშვილი შეუერთდებიან, რაც მისივე თქმით, იმას ნიშნავს, რომ “კონსერვატორებისა” და “ხალხის პარტიის” აქტივი კოალიციის სასარგებლოდ არ იმუშავებს.

 

ბიზნესსმენმა თხოვნით მიმართა საზოგადოებას და ჟურნალისტებს, რომ რადგან კოალიციაში შემავალი სუბიექტები დღეიდან ერთ გუნდად ჩამოყალიბდნენ, ისინი ამიერიდან ერტად განიხილონ.

 

“თუ იქნება კრიტიკა ან ქება კოალიციის რომელიმე სუბიექტის მიმართ, გთხოვთ, ეს იყოს ერთიან კონტექსტში. დღეიდან ჩვენ ერთი გუნდი ვართ. გავაერთიანებთ და ერთ მუშტად შევკრავთ მთელს საზოგადოებას , რათა ოქტომბერში დაგეგმილ არჩევნებში ერთად ავასრულოთ ქართველი ხალხის ქართული ოცნება”, – განაცხადა ივანიშვილმა.

 

კოალიცია “ქართული ოცნების” პრეზენტაციიაზე ასევე ცნობილი გახდა, რომ პოლიტიკური პარტიის “ქართული ოცნება – დემოკრატიული საქართველო” სადამფუძნებლო ყრილობა, მარტის ბოლოს ან აპრილის დასაწყისში გაიმართება.

 

 

 

 

 

იხილეთ epn.ge