epn.ge - სამი ჩემპიონი ერთ დღეში

[planetanews]

http://www.epn.ge/wp-content/uploads/2012/02/download-7.jpgსაქართველოს თავისუფალი სტილით მოჭიდავეთა ნაკრებმა კიევის საერთაშორისო ტურნირი ბრწყინვალედ დაიწყო.

 

სპორტისა და ახალგაზრდობის საქმეთა სამინისტროს ინფორმაციით, კიევის საერთაშორისო ტურნირზე მედლები ოთხ წონით კატეგორიაში გათამაშდა და სამში კვარცხლბეკის უმაღლეს საფეხურზე ქართველები ავიდნენ.

 

ჩემპიონის ტიტული ვლადიმერ ხინჩეგაშვილმა (55 კგ), დავით მარსაგიშვილმა (84 კგ) და დავით მოძმანაშვილმა (120 კგ) მოიპოვეს. სამივემ ხუთ-ხუთ შეხვედრაში იმარჯვა.

 

უმსუბუქეს წონაში საქართველოს სახელით ბესიკ გუჩაშვილმაც იჭიდავა, მაგრა პირველსავე წრეში ხინჩეგაშვილთან დამარცხდა და რეპეშაჟში გადაერთო, სადაც ბრინჯაოს მედლამდე ორი მოგება დააკლდა. 66 კილოგრამში მოჭიდავე ზურაბ იაკობაშვილი კი ტურნირს საწყისი ეტაპიდანვე გამოეთიშა.

 

დღესკი, ჩემპიონ-პრიზიორები დარჩენილ სამ წონაში: 60, 74 და 96 კილოგრამებში გამოვლინდებიან. საქართველოს სახელით მალხაზ ზარქუა (60 კგ), დავით ხუციშვილი (74 კგ) და ელიზბარ ოდიკაძე (96 კგ) იჭიდავებენ.

 

 

 

 

 

იხილეთ epn.ge