epn.ge - საქართველოში ახალშობილების ყველაზე პოპულარული სახელები გიორგი და მარიამია

[planetanews]

http://www.epn.ge/wp-content/uploads/2012/02/baiebi-300x225.jpg2011 წლის მონაცემების ტანახმად, საქართველოში ახალშობილების ყველაზე პოპულარული სახელები გიორგი და მარიამია.

 

იუსტიციის სამინისტროს სამოქალაქო რეესტრის სააგენტოს საინფორმაციო-ტექნოლოგიების სამმართველოს ინფორმაციის დამუშავებისა და მონაცემთა ხარისხის ანალიზის განყოფილების ინფორმაციით, რომელიც სამოქალაქო რეესტრის მონაცემთა ერთიან ბაზას ეყრდნობა, 2011 სტატისტიკის მიხედვით ვაჟების პოპულარული სახელებია:

გიორგი (3365), ნიკოლოზი (3298-მათ შორის 418 ნიკა), ლუკა (1989), საბა (1800), დავითი (1513–მათ შორის 91 დათა), ალექსანდრე (1424-მათ შორის 89 ალექსი, 557–სანდრო), ანდრია (1173), მათე (629), გაბრიელ (533), ირაკლი (517, მათ შორის 152 ერეკლე), დემეტრე (442), ილია (409), დაჩი (356), გეგა (318), ზურა (310–მათ შორის ზურაბ 153), ლევანი (272), თორნიკე (256), ლაშა (243), ცოტნე (235), ბექა (221), ლაზარე (208), იოანე (163), რატი (159), გიგი (158), ანრი (153), გიგა (148), თომა (125), თემური (124), და სხვა.

ახალშობილი გოგონების პოპულარული სახელებია: მარიამი (4186, მათ შორის 135 მარი), ნინო (2183 -მათ შორის 679 ნინი), ანა (2129-მათ შორის 509 ანი, 459 ანანო, 129 ანნა), ბარბარე (1744), ელენე (1603), ანასტასია (1559), ლიზი (1292–მათ შორის 94 ლიზა), ნია (641), თამარი (579), სალომე (509), ნატალი (441, მათ შორის – 129 ნატალია), თეკლა (381), ლიკა (346), ანამარია (320), ქეთევან (271, მათ შორის–141 ქეთი), ნუცა (256), გვანცა (208), ნანა (162), ნათია (160), თათია (144), სესილი (147), ლილე (127), მართა (119), ლანა (114), ხატია (113), ქრისტინე (98), სოფია (98), ეკატერინე (93) და სხვა.

 

საინტერესოა, ასევე, სამოქალაქო რეესტრის ბაზაში აღრიცხული იშვიათი სახელები: ფემისტოკლე, ფიზიკა, პელე, გარინჩა, კაცი, ქალი, ვებერთელა, მხედარი, კუსა, მამალი, თავადი, თადეუს, თანზილა, მამისავარ, მამილო, მამლუკი, მანილა, მგელა, ცაცია, ხუმარა, სამძიმარა, ვინარი, კუკუშა, ედემი, ფუჩქი, ნიუტონი, სევდაგულ, კეკლუცა, ნექტარი, ლამაზი, ვარგისო, მოქეიფე, თაგუნა და სხვა.

 

 

 

იხილეთ epn.ge