epn.ge - 4 მარტიდან დევნილთა 4 ოჯახი ქუჩაში აღმოჩნდება

[planetanews]

http://www.epn.ge/wp-content/uploads/2012/02/images45.jpeg4 მარტიდან დევნილთა 4 ოჯახი ქუჩაში აღმოჩნდება.

როგორც “ექსპრესნიუსს“  „საერთო – სახალხო წინააღმდეგობის მოძრაობის“ დევნილთა ომბუდსმენმა მაია ხარაძემ განუცხადა, თბილისში, გურამიშვილის ქ.N64–ში ჩასახლებულ დევნილ 4 ოჯახს ექვსი თვის განმავლობაში ყოველგვარი საყოფაცხოვრებო პირობების გარეშე უწევთ ცხოვრება.

მისი თქმით,  მათ ელექტოენერგია, გაზი და წყალი არ მიეწოდებათ.

ხარაძის განცხადებით, დევნილთა გაუსაძლის მდგომარეობას კიდევ უფრო ართულებს ერთის მხრივ შენობის ამჟამინდელი მეპატრონის კატეგორიული მოთხოვნა,რომ დევნილებმა დატოვონ ობიექტი  და მეორეს მხრივ „დევნილთა და განსახლების სამინისტროს“ გულგილი დამოკიდებულება დევნილთა პრობლემების მიმართ.

„მინდა მოვუწოდო შენობის მეპატრონეს თამაზ ქვარცხავას,რომ კიდევ უფრო ნუ დაამძიმეს ამ ცივი ზამთრის პირობებში დევნილთა მდგომარეობას მათი ქუჩაში გამოყრით,  ასევე კატეგორიულად მოვითხოვ  „დევნილთა  და განსახლების“ მინისტრისაგან და მისი წარმომადგენელის კახა ქეშეკაშვილისაგან შეასრულონ მათზე დაკისრებული მოვალეობა და დევნილები უზრუნველყონ შესაბამისი საცხოვრებელი ფართით“, – აცხადებს ხარაძე.

 

 

 

იხილეთ epn.ge