epn.ge - დღეს დილიდან, თურქეთის სანაპიროსთან ჩაძირული გემის სამძებრო სამუშაოები განახლდა

[planetanews]

http://www.epn.ge/wp-content/uploads/2012/02/2195cbe307700ae31e6a8dfe7d64ad4c1.jpgთურქეთის სანაპიროსთან ჩაძირული გემის ადგილზე,მეზღვაურების სამძებრო სამუშაოები დღეს დილიდან განახლდა.

 

კატასტროფის შედეგად დაკარგული მეზღვაურების, მათ შორის ქართველი მურმან დარსაძის პოვნა ამ დრომდე ვერ მოხერხდა.

 

უამინდობის გამო მყვინთავებს სამი დღით სამუშაოების ჩატარება აკრძალული ჰქონდათ.

 

შეგახსენებთ, რომ კამბოჯის დროშის ქვეშ მცურავი სატვირთო გემი VERA თურქულ პორტ ალიაგასთან ჩაიძირა. მასზე 10 ადამიანი იმყოფებოდა, მათ შორის ერთი საქართველოს მოქალაქე.

 

ბოლო მონაცემებით, მაშველებმა მხოლოდ სამი ადამიანის –  მზარეულის, მეორე და მესამე კაპიტნების გადარჩენა მოახერხეს.

 

გემი VERA რუსეთიდან თურქეთის ალიაგას პორტში მიცურავდა და ჯართი გადაჰქონდა. წინასწარი მონაცემებით, კატასტროფის მიზეზი რთული მეტეოროლოგიური პირობები იყო.

 

 

 

იხილეთ epn.ge