epn.ge - ექიმები: ჯიოევა ნაცემი არ არის

[planetanews]

http://www.epn.ge/wp-content/uploads/2012/02/ala_jioeva2-300x200.jpgექვსი ექიმისგან შემდგარმა კონსილიუმმა ე.წ სამხრეთ ოსეთის ოპოზიციის ლიდერი ალა ჯიოევას მდგომარეობა გამოიკვლია და მას დაბეჟილობები და გემატომები არ აღმოუჩინა, რაც იმას ნიშნავს, რომ ის ნაცემი არ არის.

 

ამის შესახებ, ე.წ სამხრეთ ოსეთის რესპუბლიკური საავადმყოფოს მთავარმა ექიმმა მაირბეგ კოკოითმა განაცხადა.

 

ექიმის განცხადებით, ალა ჯიოევა საავადმყოფოში მძიმე მდგომარეობაში 9 თებერვლის 20:30 საათზე შეიყვანეს.

 

„როგორც კი შემოვიდა პაციენტი ის რეანიმაციულ განყოფილებაში გადავიყვანეთ, სადაც ექიმებმა შესაბამისი კვლევა ჩაუტარეს. ალა ჯიოევა მძიმე მდგომარობაში შემოვიდა, მას ძალიან მაღალი არტერიალური წნევა აღენიშნებოდა. დილისთვის წნევის ნორმალიზება მოვახდინეთ და მდგომარეობა გამოსწორდა, თუმცა საშუალო სიმზიმის მაინც არის“,– განაცხადა კოკოითმა.

 

ექიმის თქმით, ჯიოევას ყველა საჭირო მკურნალობა უტარდება. მისი თქმით, ჯიოევას ბესლანში მდებარე ჩრდილოეთ კავკასიის სამედიცინო ცენტრში გადაყვანა შესთავაზეს, რათა მას ტომოგრაფიული გამოკვლევა ჩაუტარდეს, რაზეც ჯიოევამ და მისი ნათესავებმა კატეგორიული უარი განაცხადეს, რადგან ისინი თვლიან, რომ ჯიოევა მძიმეთაა და მისი გადაყვანა შეიძლებელია. თუმცა რესპუბლიკური საავადმყოფოს ექიმები ჯიოევას ურჩევენ, რომ ბესლანის სამედიცინო ცენტრში წავიდეს.

 

ექიმების პროგნოზით, რეანიმაციულ განყოფილებაში ჯიოევა 2–3 დღის განმავლობაში დარჩება, რის შემდეგ მას პალატაში გადაიყვანენ.

შეგახსენებთ, რომ ე.წ. სამხრეთ ოსეთის ოპოზიციის ლიდერი ალა ჯიოევა, რომელიც რეანიმაციაში ოს ძალოვნებთან ურთიერთობის შემდეგ მოხვდა, გონს მოვიდა და ინციდენტის დეტალები გაიხსენა.

ჯიოევას განცხადებით, ის კონდახებით და ფეხებით ცემეს, შემდეგ კი „კატასავით“ მანქანაში შეაგდეს.

„შტაბში ვმუშაობდით, როდესაც ნიღბიანებმა კარები შემოანგრიეს და ჯიოევას ცემა დაუწყეს. შემდეგ მას ფეხებში და ხელებში მოკიდეს ხელი, გაათრიეს და მანქანაში შეაგდეს. შტაბში მყოფი მამაკაცებს, რომლებმაც ქალების დაცვა სცადეს, თავში კონდახები ურტყეს. სასტიკად ნაცემია ჯიოევას ძმა და მეუღლე“,– აღნიშნავს ჯიოევას თანაშემწე ვიოლეტა დასაევა.

 

 

 

იხილეთ epn.ge