epn.ge - ბეჟაშვილი: ვინც ფინანსური მონიტორინგის სამსახურის გადაწყვეტილებებს არ ეთანხმება, შეუძლია სასამართლოს მიმართოს

[planetanews]

http://www.epn.ge/wp-content/uploads/2012/02/levan-bejashvili-294x300.jpgპალატის თავმჯდომარემ ლევან ბეჟაშვილმა “რესპუბლიკური ინსტიტუტისგან” ფინანსური ანგარიშების მოთხოვნის მიზეზები განმარტა და აღნიშნა, რომ ვინც  ფინანსური მონიტორინგის სამსახურის გადაწყვეტილებებს არ ეთანხმება, შეუძლია სასამართლოს მიმართოს.

 

როგორც  კონტროლის პალატის თავმჯდომარემ სასტუმრო “ჰოლიდეი ინში” არასამთავრობო სექტორის წარმომადგენლებთან შეხვედრის დაწყებამდე განაცხდა, “რესპუბლიკური ინსტიტუტი” “რესპუბლიკურ პარტიასთან” დაკავშირებული ორგანიზაციაა და მისგან მონიტორინგის სამსახურმა ფინანსური ანგარიში სწორედ ამის გამო მოითხოვა.

 

“რესპუბლიკური პარტიის” ვებგვერდზე სტრუქტურების ჩამონათვალში “რესპუბლიკური ინსტიტუტი” ნახსენებია, როგორც პარტიის ერთ-ერთი სტრუქტურული ერთეული”, – განაცხადა  ბეჟაშვილმა და დასძინა, რომ ყველას, ვინც კონტროლის პალატის ფინანსური მონიტორინგის სამსახურის გადაწყვეტილებას არ ეთანხმება, შეუძლია სასამართლოს მიმართოს.

 

“რესპუბლიკური პარტიის” წარმომადგენელები კი ამტკიცებენ, რომ “რესპუბლიკური ინსტიტუტი” “რესპუბლიკურ პარტიასთან” კავშირში არ არის.

 

კონტროლის პალატის ფინანსური მონიტორინგის სამსახურმა “რესპუბლიკურ ინსტიტუტს” და “ახალი თაობა-ახალ ინიციატივას” ფინანსური ანგარიშის წარდგენა რამდენიმე დღის წინ მოსთხოვა.

 

 

 

იხილეთ epn.ge