planetanews Posted February 3, 2012 დარეპორტება გაზიარება Posted February 3, 2012 http://www.epn.ge/wp-content/uploads/2012/02/images11.jpegსაქართველოს პრეზიდენტის მიხეილ სააკაშვილის განცხადებით, რუსეთის გადმოსახედიდან საქართველო იმპერიის ძვირფასი ნაწილია, ამიტომ მათ მოახდინეს ქვეყნის ოკუპაცია და ქვეყანას შემოუტიეს. მიხეილ სააკაშილის შეფასებით კი, საქართველომ არსებულ გამოწვევებს გაუძლო და წარმატებულ ქვეყნად იქცა. ამის შესახებ განცხადება, პრეზიდენტმა მიხეილ სააკაშვილმა ჯორჯთაუნის უნივერსიტეტში სიტყვით გამოსვლისას გააკეთა. მისი თქმით, საქართველო არა მარტო სათავისოდ შეიცვალა, არამედ მთელი რეგიონის უდიდესი სავაჭრო „ჰაბი“ გახდა. სააკაშვილის განცხადებით, მიუხედავად იმისა, რომ ქვეყნას არ აქვს გაზი და ნავთობი, იგეგმება ახალი ქალაქების, აეროპორტების, რკინიგზების, ჩქაროსნული მატარებლების თუ ავტომაგისტრალების მშენებლობა ყველა მიმართულებით. „რამდენიმე დღის წინ ძალიან კარგი შეხვედრა მქონდა პრეზიდენტ ობამასთან, რომელმაც საჯაროდ, სატელევიზიო კამერების წინ დაასახელა საქართველო, როგორც მოდელი მთელი რეგიონისთვის, დემოკრატიული რეფორმებისა და ეკონომიკური წარმატების თვალსაზრისით. ძალიან სასიამოვნოა ამის მოსმენა, პრეზიდენტისგან და არა მარტო მისგან. სახელმწიფო მდივანმა ჰილარი კლინტონმაც დაადასტურა ეს. გუშინ სენატორებს შევხვდი და ყველა მათგანი იმავეს ამბობს. მარკო რუბიომ თქვა, რომ ჩვენ ვართ მისაბაძი მოდელი მთელი რეგიონისთვის, სენატორმა მაქკეინმა ამას წინათ აღნიშნა, რომ იგი თავს ქართველად გრძნობდა, შესაძლოა იყოს კიდეც. მაგრამ აქ ყველაზე მთავარი არის ის, რომ ჩვენ ყოველივე ეს გამოვიარეთ“,- განაცხადა სააკაშილმა. პრეზიდენტის განცხადებით, ამერიკა მსოფლიოსთვის სასიკეთოდ დიდი ძალაა. „ამერიკა ჩვენი აზრით, მსოფლიოსთვის სასიკეთოდ დიდი ძალაა. ნებისმიერი ადგილიდან, მოსკოვის ცენტრში ახლო აღმოსავლეთის მოსახლეობის რევოლუციები და სადაც წელს ხდება ცვლილებები, გირჩევთ დააკვირდეთ, რომ ამ ადამიანებისთვის ამერიკა არის შთაგონება. ასევე ამერიკა იყო შთაგონება ჩემი ხალხისა და მის გარშემო მცხოვრები მოსახლეობისთვის“,-განაცხადა სააკაშვილმა. იხილეთ epn.ge Quote ლინკი სოციალურ ქსელებში გაზიარება More sharing options...
Recommended Posts