planetanews Posted February 2, 2012 დარეპორტება გაზიარება Posted February 2, 2012 აშშ-ის სახელმწიფო მდივანმა, ჰილარი კლინტონმა აღნიშნა, რომ საქართველოს პრეზიდენტს ვაშინგტონში არაერთი მნიშვნელოვანი შეხვედრა ჰქონდა, თუმცა განსაკუთრებულად ხაზი გაუსვა მიხეილ სააკშვილისა და ბარაქ ობამას შეხვედრას თეთრი სახლის ოვალურ ოფისში:”საქართველო არის ფასეული პარტნიორი. ისინი აქტიურად მონაწილეობენ ავღანეთში, სადაც ქართველი ჯარისკაცები დიდ გამბედაობას და პროფესინალიზმს ავლენენ. ჩვენ გვაქვს კონსულტაციები, რომ განვსაზღვროთ გზა მომავალ სავაჭრო და საინვესტიციო საკითხებზე,” - აღნიშნა ჰილარი კლინტონმა. სახელმწიფო მდივანმა, ასევე, ჯანმრთელობის, განათლების, მმართველობის, კანონის უზენაესობის, თავდაცვისა და უსაფრთხოების სფეროში თანამშრომლობასთან გაწეულ კონსულტაციებსაც გაუსვა ხაზი და აღნიშნა, რომ ამერიკის დედაქალაქში დიდი ინტერესია საქართველოს მიმართ. პრეზიდენტმა მიხეილ სააკაშვილმა კი მადლიერება გამოხატა სახელმწიფო მდივნის მიმართ იმ მხარდაჭერის გამო, რომელიც საქართველოს ტერიტორიული მთლიანობის, სუვერენიტეტისა და დამოუკიდებლობის საკითხში გამოავლინა: ”ეს დიდი ბრძოლაა, ხანდახან ძალიან მძიმეც, რადგან ეს ბრძოლაა იმ ძალების წინააღმდეგ, ვინც ჩვენთვის ძირის გამოთხრას ცდილობდნენ. თქვენი პირადი მონაწილეობა, პრეზიდენტ ობამას მონაწილეობა არის ის, რასაც ჩვენ ნამდვილად ვაფასებთ.” საქართველოს პრეზიდენტმა აღნიშნა, რომ როგორც სახელმწიფო დეპარტამენტიდან, ისე თეთრი სახლის ოვალური ოფისიდან ძალიან კმაყოფილი გამოვიდა, ვინაიდან ის მოისმინა, რისი მოსმენაც სურდა. ”მე ადრეც ვყოფილვარ იქ, თუმცა ამ ეტაპზე ქვეყანა მომწიფდა გამოწვვებისთვის და ვფიქრობ, ჩვენ თანამშრომლობის ახალ ეტაპზე გადავდივართ.” სააკაშვილმა ასევე ხაზი გაუსვა თავისუფალი ვაჭრობის შესახებ შეთანხმების საკითხს, რასაც, მისივე თქმით, საქართველოში რამდენიმე წლის წინ ვერავინ წარმოიდგენდა, ისევე როგორც ავღანეთში ქართველთა მონაწილეობას. შეხვედრის ბოლოს პრეზიდენტმა ჰილარი კლინტონი ბათუმშიც დაპატიჟა და აღნიშნა, რომ მოუთმენლად ელიან მას რამდენიმე თვეში. შეხვედრა ჰილარი კლინტონსა და მიხეილ სააკაშვილს შორის გუშინ საღამოს შედგა. სრული ინფო(netgazeti.ge) Quote ლინკი სოციალურ ქსელებში გაზიარება More sharing options...
Recommended Posts