ერორი- დასავლური მედია ობამა-სააკაშვილის შეხვედრას ეხმაურება

[planetanews]

http://rustavi2.com/news_photos/default_im.jpgმიხეილ სააკაშვილისა და ბარაკ ობამას შეხვედრას დასავლური მედია აქტიურად ეხმაურება. რამდენიმე საერთაშორისო გამოცემაში სტატიები ობამა-სააკაშვილის შეხვედრის დასრულებისთანავე დაიბეჭდა.

 

რუსეთთან უთანხმოების ფონზე ბარაკ ობამა საქართველოს ლიდერს ხვდება - სტატიას ამ სათაურით "ასოშიეიტიდ პრესი" ავრცელებს. სააგენტო ყურადღებას ამახვილებს იმ ფაქტზე, რომ მოლაპარაკების დროს ორი ქვეყნის ლიდერებმა უსაფრთხოების საკითხებზე და ამ სფეროში თანამშრომლობის გაღრმავებაზე ისაუბრეს. "ასოშიეიტიდ პრესი ხაზს უსვამს იმასაც, რომ ბარაკ ობამამ ქართველ კოლეგას ავღანეთის სამშვიდობო მისიაში შეტანილი წვლილისთვის განსაკუთრებული მადლობა გადაუხადა.

 

ობამამ შეაქო საქართველო, როგორც დემოკრატიის მოდელი - შეერთებული შტატებისა და საქართველოს პრეზიდენტების შეხვედრას ასე "ამერიკის ხმა" აფასებს. სტატიის ავტორი მთავარ აქცენტს იმაზე აკეთებს, რომ ლიდერებმა ხაზი გაუსვეს საქართველოში დემოკრატიულ პროგრესსა და პოლიტიკურ რეფორმებს, რის გამოც, ობამას თქმით, ქართველმა ხალხმა უნდა იამაყოს. ამერიკის ხმა იმაზეც მიუთითებს, რომ ოვალურ კაბინეტში შეხვედრა ვაშინგტონსა და თბილისს შორის დიპლომატიური ურთიერთობების დამყარების 20 წლისთავზე შედგა.

 

`ფრანს პრესი`კი წერს, რომ შეხვედრის დროს ბარაკ ობამამ კიდევ ერთხელ დაადასტურა ვაშინგტონის მხარდაჭერა საქართველოს სუვერენიტეტისა და ტერიტორიული მთლიანობის მიმართ საერთაშორისოდ აღიარებულ საზღვრებში. სააგენტო ყურადღებას იმაზეც ამახვილებს, რომ შეერთებული შტატები საქართველოს ნატოში გაწევრიანებასაც ემხრობა და აქვე დასძენს, რომ ოფიციალური თბილისის ჩრდილო-ატლანტიკური მისწრაფებები მეზობელ რუსეთს ძალიან აღიზიანებს.

 

შეერთებული შტატები და საქართველო ეძებენ გზებს თავისუფალი ვაჭრობის შესახებ შეთანხმების გაფორმების თაობაზე და სავაჭრო ურთიერთობების გაძლიერებაზე - ასე ეხმაურება ობამა სააკაშვილის შეხვედრას სააგენტო როიტერი. `ჩვენ განვიხილეთ, თუ როგორ შეგვიძლია განვაგრძოთ ძლიერი ორმხრივი ურთიერთობის გამყარება ჩვენს ქვეყნებს შორის,`- როიტერს შეერთებული შტატების ლიდერის ციტატაც მოჰყავს.

 

 

 

 

 

View the full article